କୌଳିକ ବୃତ୍ତି ଦେଇଛି ସମ୍ମାନ: ଗୋପାଳନରୁ ଛେନାପୋଡ଼ ବ୍ୟବସାୟୀ

ଭାପୁର,୫।୧(ଶୁଭେନ୍ଦ୍ର କୁମାର ପଟ୍ଟନାୟକ): ଅଭାବ ଅନଟନ ସତ୍ତ୍ୱେ ନିଜର କୌଳିକ ବୃତ୍ତିକୁ ଆଦରି ଗୁଜୁରାଣ ମେଣ୍ଟାଉଥିବା ୨ ପରିବାର ନିଷ୍ଠା ଓ ପରିଶ୍ରମ ବଳରେ ଆଜି ସଫଳତାର ପାହାଚ ଚଢ଼ି ପାରିଛନ୍ତି। ନିଜେ ଆର୍ଥିକ ସ୍ବାବଲମ୍ବୀ ହେବା ସହ ଅନ୍ୟ ପରିବାରକୁ ମଧ୍ୟ ସ୍ବାବଲମ୍ବୀ ହେବାର ବାଟ ଦେଖାଇଛନ୍ତି। ନିଜର କୌଳିକ ବୃତ୍ତି ଗୋପାଳନକୁ ଆଧାର କରି ୨ ପରିବାର ସଦସ୍ୟ ସଫଳ ଛେନାପୋଡ଼ ବ୍ୟବସାୟୀ ହୋଇପାରିଛନ୍ତି। କ୍ଷୀର ବେପାରରୁ ଛେନା ବେପାର ଓ ପରେ ଛେନାପୋଡ଼ ବେପାର କରି ଅର୍ଥ, ଯଶ ପାଇବା ସହ ପ୍ରାୟ ଶତାଧିକ ପରିବାରର ସାହାରା ପାଲଟିଛନ୍ତି ।
ନୟାଗଡ଼ ଜିଲା ଭାପୁର ବ୍ଲକ ଫତେଗଡ଼ ଗ୍ରାମର ଅଲେଖ ବେହେରା ଓ ଦୁର୍ଯ୍ୟୋଧନ ଦାସଙ୍କ ପରିବାର ଏବେ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି। ଫତେଗଡ଼ ଗ୍ରାମର ମାଗି ବେହେରାଙ୍କ ୩ ପୁଅ ଅଲେଖ, ରବି ଓ ପ୍ରଫୁଲ ବାପାଙ୍କ ସହ ମିଶି ଗୋପାଳନ କରୁଥିଲେ। ଏଥିସହ କ୍ଷୀର, ଛେନା ବିକ୍ରିକରି ଅଭାବ ଅନଟନରେ ଗୁଜୁରାଣ ମେଣ୍ଟାଉଥିଲେ। ପରେ ବିଭିନ୍ନ ମିଠା ଦୋକାନରେ ଛେନା ଦେବା ଭିତରେ ସେମାନେ ଛେନାପୋଡ଼ କରିବା ଶିଖିଗଲେ। ନିଜେ ଛେନାପୋଡ଼ ପ୍ରସ୍ତୁତ କରି ବିକ୍ରି ଆରମ୍ଭ କଲେ। ପ୍ରଥମେ ଫତେଗଡ଼ ବଜାରରେ ବିକ୍ରି କରିବା ପରେ ଭଲ ଲାଭ ହେବାରୁ ୨/୩ ଭାଇ ସାଇକେଲ ଧରି ନୟାଗଡ଼ ଜିଲା  ଗାଁ ବୁଲି କ୍ଷୀର କିଣି ଆଣିଲେ। କ୍ଷୀରକୁ ଛେନା କରି ଅଧିକ ପରିମାଣର ଛେନାପୋଡ଼ ତିଆରି କଲେ। ଏହି ବେପାର ବଢ଼ିବାରୁ ଭାଇମାନେ ଲୁନା କରି ଭାପୁର ବ୍ଲକର ୪୦/୫୦ ଖଣ୍ଡ ଗାଁରୁ କ୍ଷୀର ସଂଗ୍ରହ କଲେ। ଛେନାପୋଡ଼ ବ୍ଲକ ଓ ଜିଲା ବାହାରକୁ ବିକ୍ରି ପାଇଁ ପଠାଇଲେ। ମାଗିଙ୍କ ପରିବାର ସଦସ୍ୟଙ୍କଠାରୁ ପ୍ରୋତ୍ସାହନ ପାଇ ସେହି ଗ୍ରାମର ଅନ୍ୟ ଜଣେ ଗୋପାଳ ପରିବାର ଦୁର୍ଯ୍ୟୋଧନ ଦାସ ଓ ତାଙ୍କ ପୁଅ ଅନ୍ତର୍ଯ୍ୟାମୀ, ତ୍ରିଲୋଚନ ଏବଂ ଦୀପକ ମଧ୍ୟ ଛେନାପୋଡ଼ ବେପାର କରିବା ଆରମ୍ଭ କରିଦେଲେ। ପରେ ସମ୍ପୃକ୍ତ ୨ ପରିବାର ସଦସ୍ୟଙ୍କଠାରୁ ପ୍ରୋତ୍ସାହନ ପାଇ ଗ୍ରାମର ୮/୧୦ ଜଣ ଯୁବକ ଲୁନା, କାର୍‌ ଓ ଅଟୋ ମାଧ୍ୟମରେ ଭାପୁର ବ୍ଲକ ଏବଂ କଟକ ଜିଲା ବୈଦେଶ୍ୱର ଅଞ୍ଚଳରୁ ପ୍ରାୟ ୨ରୁ ୩ ହଜାର ଲିଟର କ୍ଷୀର କିଣିଆଣି ଦିଅନ୍ତି। ସେମାନେ ମଧ୍ୟ ସ୍ବାବଲମ୍ବୀ ହୁଅନ୍ତି। ସମ୍ପୃକ୍ତ ୨ ପରିବାର ବଡ଼ ବଡ଼ ଭାଟି ସ୍ଥାପନ କରି ଛେନାପୋଡ଼ ପ୍ରସ୍ତୁତ କରି ଭୁବନେଶ୍ୱର, କଟକ, ଫୁଲବାଣୀ, ବୌଦ୍ଧ, ନବରଙ୍ଗପୁର, ଝାରସୁଗୁଡ଼ା, ଢେଙ୍କାନାଳ, ରାଉରକେଲା, ବ୍ରହ୍ମପୁର, ସମ୍ବଲପୁର, ଦାମନଯୋଡ଼ି, ମୁନିଗୁଡ଼ା ଅଞ୍ଚଳକୁ ପଠାଉଛନ୍ତି। ଏହି ଛେନାପୋଡ଼ ୧୨୦ ଓ ୧୪୦ ଟଙ୍କାରେ ଫତେଗଡ଼ ଅଞ୍ଚଳରେ ବିକ୍ରି ହେଉଥିବାବେଳେ ଏହାକୁ ଜିଲା ବାହାରର ବେପାରୀମାନେ ନେଇ ୨ଶହରୁ ଊର୍ଦ୍ଧ୍ୱ ଦାମ୍‌ରେ ବିକ୍ରି କରୁଛନ୍ତି। ଦୈନିକ ୧୫ କୁଇଣ୍ଟାଲ ଛେନାପୋଡ଼ ତିଆରି କରି ସମସ୍ତ ଅଞ୍ଚଳକୁ ବିକ୍ରି ପାଇଁ ପଠାଯାଇଥାଏ। ଦାମ୍‌ କମ୍‌ ରହୁଥିବାରୁ ଶହ ଶହ ଲୋକ ଯିବାଆସିବା ସମୟରେ ଫତେଗଡ଼ ବଜାରରୁ ଛେନାପୋଡ଼ କିଣି ନେଇଥାନ୍ତି। ନିଜର କୌଳିକ ବୃତ୍ତିକୁ ପାଥେୟକରି ନିଜେ ସ୍ବାବଲମ୍ବୀ ହେବା ସହ ନିଜ ଅଞ୍ଚଳ ପାଇଁ ଗୌରବ ଆଣି ଶତାଧିକ ପରିବାରକୁ ଅନ୍ନ ସଂସ୍ଥାନର ବାଟ ଦେଖାଇଥିବା ଏହି ୨ ପରିବାର ସମସ୍ତଙ୍କ ପାଇଁ ଆଦର୍ଶ ପାଲଟିଛନ୍ତି। ଉଲ୍ଲେଖଯୋଗ୍ୟ, ଫତେଗଡ଼ ଗ୍ରାମଟି କାଙ୍କଣ ଚାଷ ଓ ଛେନାପୋଡ଼ ବେପାର ପାଇଁ ସାରା ଜିଲାରେ ସୁନାମ ଅର୍ଜନ କରିଛି।


Enter your email to get our daily news in your inbox.

All Right Reserved By Dharitri.Com

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସୋରଡ଼ା ବ୍ଲକରେ ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍‌ଙ୍କ ସମୂହ ଇସ୍ତଫା:ଦରମା ପାଇଁ ଲାଞ୍ଚ ମଗାଯାଉଥିବା ଅଭିଯୋଗ ଆଣିଲେ କର୍ମଚାରୀ

ଛତ୍ରପୁର, ୧୬/୧୧(ଦିଲ୍ଲୀପ ସାମଲ ): ଗଞ୍ଜାମ ଜିଲାର ସୋରଡ଼ା ବ୍ଲକରେ କାର୍ଯ୍ୟରତ ୨୬ଟି ପଞ୍ଚାୟତର ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ ସମୂହ ଇସ୍ତଫା ଦେଇଛନ୍ତି। କାର୍ଯ୍ୟକ୍ଷେତ୍ରରେ…

ବିଜେଡିର ଗଞ୍ଜାମ ସାଂଗଠନିକ ଜିଲା ପାଇଁ ନୂତନ କମିଟି ଘୋଷଣା:୪୮ ଜଣଙ୍କୁ ମିଳିଲା ସାଂଗଠନିକ ଦାୟିତ୍ୱ

ଛତ୍ରପୁର, ୧୬।୧୧(ଦଲ୍ଲୀପ ସାମଲ): ବିଜୁ ଜନତା ଦଳ (ବିଜେଡି) ପକ୍ଷରୁ ଗଞ୍ଜାମ ସାଂଗଠନିକ ଜିଲାର ନୂତନ ଜିଲା କମିଟି ଘୋଷଣା କରାଯାଇଛି। ଦଳର ସଭାପତି ତଥା ଓଡ଼ିଶାର…

ବିରଳ ସଂଯୋଗ: ୧୧୮ ବର୍ଷ ହେବ ଗୋଟିଏ ତାରିଖରେ ଜନ୍ମନେଇଛନ୍ତି ପରିବାରର ୫ ପିଢ଼ି

ୱାଶିଂଟନ,୧୬।୧୧: ଜନ୍ମଦିନକୁ ନେଇ ଏକ ଅଦ୍ଭୁତ ସଂଯୋଗ ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ଆମେରିକାର ଏକ ପରିବାରର ପାଞ୍ଚ ପିଢ଼ିର ସଦସ୍ୟଙ୍କ ଜନ୍ମ ଗୋଟିଏ…

ବନ୍ୟା ପରେ ଦାଉ ସାଜିଛନ୍ତି ହାତୀ: ଚିନ୍ତାରେ ଚାଷୀ

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗୋଟିଏ ପଟେ ବନ୍ୟାରେ ଫସଲ ନଷ୍ଟ, ଅନ୍ୟପଟେ ହାତୀପଲଙ୍କ ଉପଦ୍ରବ। ଏଭଳି ଦୁଇମୁହାଁ ସମସ୍ୟାରେ ଘାଣ୍ଟି ହେଉଛନ୍ତି ଘୁମୁସର ଅଞ୍ଚଳର ଚାଷୀ।…

ବ୍ଲକ ପରିସରରେ ସିଆଡି ଚାରା ନଷ୍ଟ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ସରକାର ବନୀକରଣକୁ ପ୍ରାଧାନ୍ୟ ଦେଇ ବିଭିନ୍ନ ସରକାରୀ କାର୍ଯ୍ୟକ୍ରମରେ ଚାରାରୋପଣ କରିବାକୁ ଗୁରୁତ୍ୱ ଦେଉଛନ୍ତି। କୋରାପୁଟ ଜିଲା ନନ୍ଦପୁର ବ୍ଲକ ପ୍ରଶାସନ ଚାରାରୋପଣ…

ଅଗ୍ନିବୀରଙ୍କ ପାଇଁ ଖୁସି ଖବର! ହେଲା ବଡ଼ ଘୋଷଣା, ୬ ବର୍ଷ ପରେ ମିଳିବ…

ନୂଆଦିଲ୍ଲୀ,୧୬।୧୧: ଅଗ୍ନିବୀରଙ୍କ ନିଯୁକ୍ତି ଓ ସେବା ଅବଧିକୁ ନେଇ ଚାଲିଥିବା ଚର୍ଚ୍ଚା ମଧ୍ୟରେ ବଡ଼ ବୟାନ ଦେଇଛନ୍ତି ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (CDS) ଜେନେରାଲ୍‌ ଏନ୍‌ଏସ୍‌…

କ୍ରିକେଟ୍‌ରେ ନୂଆ ଇତିହାସ ଲେଖିଲେ ଜିମ୍ବାଓ୍ବେ ଖେଲାଳି: ହାସଲ କଲେ ଏମିତି କାରନାମା

ନୂଆଦିଲ୍ଲୀ,୧୬।୧୧:ଟେଷ୍ଟ କ୍ରିକେଟ୍‌ରେ ନିଜ ବ୍ୟାଟିଂ ଦକ୍ଷତାରେ ଇତିହାସ ରଚିଛନ୍ତି ଜିମ୍ବାୱେର ଦ୍ରୁତ ବୋଲର ବ୍ଲେସିଂ ମୁଜାରାବାନି। ନମ୍ବର-୧୦ରେ ବ୍ୟାଟିଂ କରି ଟେଷ୍ଟରେ ଅର୍ଦ୍ଧଶତକ ହାସଲ କରିବାରେ ସେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?