ବେଜିଂ: କରୋନା ଭାଇରସ୍ ଚାଇନାର ମନୋରଞ୍ଜନ ଇଣ୍ଡଷ୍ଟ୍ରି ଉପରେ ପ୍ରଭାବ ପକାଇଥିଲା। ଫଳରେ ଫିଲ୍ମ ହଲ୍ଗୁଡ଼ିକ ବନ୍ଦ କରି ଦିଆଯାଇଥିଲା। ଏବେ ସ୍ଥିତିରେ ସୁଧାର ଆସିଥିବାରୁ ଚାଇନାର ପ୍ରାୟ ୬୦୦ରୁ ୭୦୦ ଫିଲ୍ମ ହଲ୍ ପୁଣି ଆରମ୍ଭ ହୋଇଛି। ଏମିତିରେ ବି ଚାଇନାକୁ ବିଶ୍ୱର ଦ୍ୱିତୀୟ ବୃହତ୍ତମ ବକ୍ସ ଅଫିସ୍ ଭାବେ ବିବେଚନା କରାଯାଏ। ଦର୍ଶକଙ୍କୁ ଆକର୍ଷିତ କରିବା ପାଇଁ ଚାଇନାର ପୁରୁଣା ହିଟ୍ ଫିଲ୍ମଗୁଡ଼ିକୁ ପୁନଃ ରିଲିଜ୍ କରାଯିବ। ଚାଇନା ଫିଲ୍ମ ବ୍ୟୁରୋ ଏଥିରେ ପ୍ରେକ୍ଷାଳୟକୁ ସାହାଯ୍ୟ କରିବ। ଚାଇନା ଫିଲ୍ମ ଗ୍ରୁପ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି, ପ୍ରେକ୍ଷାଳୟରେ ୫ଟି ପୁରୁଣା ହିଟ୍ ଫିଲ୍ମର ପ୍ରିଣ୍ଟ ଦିଆଯିବ। ଏଥିସହିତ, ଚଳଚ୍ଚିତ୍ରର ସରକାରୀ ନିୟାମକଙ୍କ ଅଂଶଧନଧାରୀଙ୍କ ସହ ହୋଇଥିବା ଚୁକ୍ତି ଅନୁଯାୟୀ ପ୍ରେକ୍ଷାଳୟଗୁଡ଼ିକ ଫିଲ୍ମ ଟିକେଟ ବିକ୍ରିର ଶତ ପ୍ରତିଶତ ରଖାଯିବ।
ଏହି ଫିଲ୍ମଗୁଡ଼ିକ ମଧ୍ୟରେ ‘ଅବ୍ତାର’, ‘ଇଣ୍ଟରଷ୍ଟେଲାର୍’ ଏବଂ ‘ଆଭେଞ୍ଜର୍ସ’ ସମସ୍ତ ହଲ୍ରେ ମୁକ୍ତିଲାଭ କରିବ। ଏହାବ୍ୟତୀତ ଚାଇନାରେ ନିର୍ମିତ ‘ଓଲଫ୍ ଓ୍ବାରିଅର -୨’,‘ଓଲ୍ଫ ଟୋଟେମ୍’ ‘ଆମେରିକୀୟ ଡ୍ରିମ୍ସ’ ମଧ୍ୟ ପ୍ରେକ୍ଷାଳୟରେ ପ୍ରଦର୍ଶିତ ହେବ।
