ସାହାରନପୁର,୨।୪: କରୋନା ଭାଇରସ ଏବେ ସଂକ୍ରମିତଙ୍କୁ ଯେତିକି ଡରାଉଛି ସୁସ୍ଥ ଲୋକ ମଧ୍ୟ ଏହାକୁ ସେତିକି ଭୟ କରୁଛନ୍ତି। ଏହାର ଏକ ଉଦାହରଣ ଦେଖିବାକୁ ମିଳିଛି ଉତ୍ତର ପ୍ରଦେଶର ସାହାରନପୁର ଅଞ୍ଚଳରେ। ନକୁର ପୋଲିସ ଷ୍ଟେଶନ ଅଞ୍ଚଳରେ ଜଣେ ସରକାରୀ କର୍ମଚାରୀ କରୋନା ଭାଇରସକୁ ଭୟ କରି ଆତ୍ମହତ୍ୟା କରିଥିବା ଜଣାପଡିଛି। ସିନିୟର ସୁପରିଣ୍ଡେଣ୍ଡେଣ୍ଟ ଅଫ୍ ପୋଲିସ ଦିନେଶ କୁମାର ପି କହିଛନ୍ତି, ମୃତ ସରକାରୀ କର୍ମଚାରୀଙ୍କ ସୁଇସାଇଡ୍ ନୋଟ ଅନୁଯାୟୀ ସେ କରୋନାକୁ ଭୟ କରି ଆତ୍ମହତ୍ୟା କରିଥିବା ଉଲ୍ଲେଖ କରିଛନ୍ତି। ତେବେ ତାଙ୍କ ପରିବାର ଲୋକ କହିଛନ୍ତି କିଛିଦିନ ହେବ ସେ ଅବସାଦ ଭିତରେ ରହୁଥିଲେ। ସୂଚନାଯୋଗ୍ୟ, କରୋନା ଏବେ ଧୀରେ ଧୀରେ ଭାରତରେ ତା’ର କାୟା ବିସ୍ତାର କରୁଥିବା ବେଳେ ଦେଶରେ ସଂକ୍ରମିତଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି।
