ମୁମ୍ବାଇ: କରୋନା ମହାମାରୀକୁ ଦୂରେଇ ଦେବା ପାଇଁ ଦେଶରେ ଲାଗୁ କରାଯାଇଥିଲା ଲକ୍ଡାଉନ। ଏହି ସମୟରେ କରୋନାକୁ ଦୂରେଇ ଦେବାକୁ ଘରଠାରୁ ଦୂରରେ ରହି ଏକ ଅଦୃଶ୍ୟ ଯୁଦ୍ଧରେ ଲଢୁଥିବା କରୋନା ଯୋଦ୍ଧାଙ୍କ ସଂଘର୍ଷର କାହାଣୀ ଅନେକଥର ନଜରକୁ ଆସିଛି। ଏଥର ବଲିଉଡ୍ର ଦବଙ୍ଗ ଗର୍ଲ ସୋନାକ୍ଷୀ ସିହ୍ନା ଏହି କରୋନା ଯୋଦ୍ଧାଙ୍କ ସଂଘର୍ଷର କାହାଣୀ କବିତା ମାଧ୍ୟମରେ କହିଥିବା ଦେଖାଯାଇଛି। ଏହାର ଏକ ଭିଡିଓ ଇନଷ୍ଟାଗ୍ରାମରେ ଅପଲୋଡ କରିଛନ୍ତି ସୋନାକ୍ଷୀ। ଉକ୍ତ ଭିଡିଓରେ ଦେଖିବାକୁ ମିଳିଛି ସୋନାକ୍ଷୀ ଡାକ୍ତର, ନର୍ସ, ପୋଲିସ ତଥା ଯେଉଁମାନେ କରୋନା ଯୋଦ୍ଧାର ଆଗଧାଡିର ଯୋଦ୍ଧା ସାଜିଛନ୍ତି ସେମାନଙ୍କୁ ଧନ୍ୟବାଦ ଜଣାଇଛନ୍ତି। ଏମିତିକି ଯେଉଁମାନେ ଦେଶର ଏହି ସଙ୍କଟ ସମୟରେ ଭୋକିଲା ଲୋକଙ୍କୁ ଖାଦ୍ୟ ଦେଇଛନ୍ତି ଅବା ଅନ୍ୟକିଛି ଦାନ କରିଛନ୍ତି ସେମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ଦବଙ୍ଗ ଗର୍ଲ। ଉକ୍ତ ଭିଡିଓରେ ସୋନାକ୍ଷୀ କହିଛନ୍ତି ଯେବେବି କରୋନାକୁ ହରାଇବା କଥା ଆସିବ ତେବେ ଏହି କରୋନା ଯୋଦ୍ଧାଙ୍କ ନାମ ପ୍ରଥମେ ଆସିବ। ସୂଚନାଯୋଗ୍ୟ, କିଛିଦିନ ପୂର୍ବରୁ ଦେଶରେ ଲକ୍ଡାଉନ ଚାଲିଥିବା ବେଳେ ଦିନ ମଜୁଆରୀଙ୍କୁ ସାହାଯ୍ୟ କରିବା ଲାଗି ନିଜ ପେଣ୍ଟିଂର ନିଲାମ କରିଥିଲେ।
