ସମସ୍ତେ ଚାହିଁଥାନ୍ତି ଦାମ୍ପତ୍ୟ ଜୀବନ କେମିତି ହସଖୁସିରେ କଟୁ। କିନ୍ତୁ ବେଳେ କିଛି କଥାକୁ ନେଇ ପରିବାରରେ ଝଡ଼ ସୃଷ୍ଟି ହୋଇଥାଏ। ଫଳରେ ବିଚ୍ଛେଦ ପର୍ଯ୍ୟନ୍ତ କଥା ଯାଇଥାଏ। ତେଣୁ କେତୋଟି କଥା ପ୍ରତି ଧ୍ୟାନ ଦେଲେ ଦାମ୍ପତ୍ୟ ଜୀବନ ସୁଖମୟ ହେବ।
– ବିବାହ ପରେ ସ୍ତ୍ରୀ ହୁଅନ୍ତୁ କି ସ୍ବାମୀ। ପୂର୍ବରୁ କାହା ସହ ଥିବା ପ୍ରେମସମ୍ପର୍କକୁ କେବେ ଆଲୋଚନା ନ କରି ଭୁଲିଯିବା ଉଚିତ୍। କାରଣ ଆଲୋଚନା କଲେ ମନରେ ସନ୍ଦେହ ସୃଷ୍ଟି ହେବ। ସନ୍ଦେହ ମନରେ ଥରେ ପ୍ରବେଶ କଲେ ଏହା ସହଜରେ ଯିବ ନାହିଁ। ତେଣୁ ଯଥା ସମ୍ଭବ ଏଥିରୁ ଦୂରେଇ ରୁହନ୍ତୁ।
– କିଛି ଲୋକଙ୍କର ଲେଖାଲେଖିରେ ଅଭ୍ୟାସ ଥାଏ। ତେଣୁ ଲେଖିଥିବା ଗପ କିମ୍ବା କବିତା ବେଳେବେଳେ ସାଥୀଙ୍କ ମନରେ ସନ୍ଦେହ ସୃଷ୍ଟି କରିଥାଏ। ଲେଖିବା ପୂର୍ବରୁ ଏ ବିଷୟରେ ପରସ୍ପର ଆଲୋଚନା କରିନିଅନ୍ତୁ। ଯାହାଦ୍ୱାରା ନିଜର ଭାବନାତ୍ମକ ଲେଖା ସାଥୀଙ୍କୁ କଷ୍ଟ ଦେବ ନାହିଁି କି ମନରେ ସନ୍ଦେହ ସୃଷ୍ଟି ହେବ ନାହିଁ।
– କର୍ମଜୀବୀ ହୋଇଥିଲେ ମିଟିଂ ପାର୍ଟି ଆଦି ନିଶ୍ଚିତ ରହିବ। ତେଣୁ ପରସ୍ପର ଏ ସମ୍ପର୍କରେ ଜାଣିନେବା ଉଚିତ୍। ଏଣୁ ବାହାରେ ଥିବାବେଳେ ପାର୍ଟନରଙ୍କ ସହ କଣ୍ଟାକ୍ଟରେ ରୁହନ୍ତୁ। କେବେ କେବେ ଟୁର୍ ପଡ଼ୁଥିଲେ ସାଥୀ ହୋଇ ଯାଆନ୍ତୁ। ଅଫିସ କାମ ସରିବା ପରେ ପରିବାର ଲୋକଙ୍କ ସହ ସମୟ ବିତାଇବାକୁ ଚେଷ୍ଟା କରନ୍ତୁ।
– ବର୍ତ୍ତମାନ ଅଧିକାଂଶ ସମୟ ମୋବାଇଲରେ ବିତାଉଛନ୍ତି ଲୋକେ। ଫୋନକୁ ନେଇ ସ୍ତ୍ରୀ- ସ୍ବାମୀଙ୍କ ମଧ୍ୟରେ ବେଳେବେଳେ ଝଗଡ଼ା ସୃଷ୍ଟି ହୋଇଥାଏ। ଅତି ଆବଶ୍ୟକ ନ ଥିଲେ ଫୋନ୍ ବ୍ୟବହାର ଠାରୁ ଦୂରରେ ରୁହନ୍ତୁ। ଏମିତି କିଛି ଛୋଟମୋଟ କଥା ପ୍ରତି ଧ୍ୟାନ ଦେଲେ ଦାମ୍ପତ୍ୟ ଜୀବନ ସୁଖମୟ ହେବ।
