ବଲାଙ୍ଗୀର ଅଫିସ, ୩ା୧ – ବଲାଙ୍ଗୀର ଟାଉନ୍ ହଲଠାରେ ଗୁରୁବାର ବଲାଙ୍ଗୀର ଡାକ ମଣ୍ଡଳର ୬୧ତମ ପ୍ରତିଷ୍ଠା ଉତ୍ସବ ଏବଂ ମହା ଡାକମେଳା ଅନୁଷ୍ଠିତ ହୋଇଛି ା ମୁଖ୍ୟଅତିଥି ଭାବେ ଯୋଗଦେଇ ବଲାଙ୍ଗୀର ଏମପି ସଙ୍ଗୀତା କୁମାରୀ ସିଂଦେଓ ଡାକସେବାର ଐତିହ୍ୟ, ବର୍ତ୍ତମାନ ଓ ଭବିଷ୍ୟତ ଉପରେ କହିଥିଲେ ା ଇଣ୍ଟରନେଟ୍ ଓ ସୋସିଆଲ ମିଡିଆ ଯୁଗରେ ଭାରତୀୟ ଡାକ ବିଭାଗର ଆଧୁନିକୀକରଣ ଓ ଡାକସେବାକୁ ନୂଆ ଜୀବନ ପ୍ରଦାନ କରିବାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅବଦାନ ସମ୍ପର୍କରେ କହିଥିଲେ ା ଡାକସେବା ସହ ବ୍ୟାଙ୍କିଙ୍ଗ ସେବାକୁ ଯୋଡିଦେଇ ଡାକ ବିଭାଗକୁ ଆହୁରି ପ୍ରାସଙ୍ଗିକ କରିବା ଦ୍ୱାରା ପୁଣି ଥରେ ଭାରତୀୟ ଡାକ ଲୋକପ୍ରିୟ ହୋଇଛି ବୋଲି କହିଥିଲେ ା ମହାତ୍ମାଗାନ୍ଧୀ ଜାତୀୟ କର୍ମନିଯୁକ୍ତି ଯୋଜନା, ଆଧାର କାର୍ଯ୍ୟକ୍ରମରେ ଡାକ ବିଭାଗର ଉଲ୍ଲେଖନୀୟ ଅବଦାନ ସମ୍ପର୍କରେ ଏମପି ସିଂଦେଓ କହିଥିଲେ ା ଡାକସେବା ସହ ଏବେ ବ୍ୟାଙ୍କ ସେବା ଯୋଡି ହେବା ପରେ ଏହା ଗ୍ରାମୀଣ ଭାରତୀୟ ଲୋକଙ୍କ ଅନ୍ୟ ଏକ ପ୍ରମୁଖ ସେବା ମାଧ୍ୟମ ଭାବେ ଉଭା ହୋଇଛି ବୋଲି କହିଥିଲେ ା ସମ୍ମାନିତ ଅତିଥି ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କର ସହାୟକ ମହାପ୍ରବନ୍ଧକ କନିଷ୍କ ଧୀବର, ସମ୍ବଲପୁର କ୍ଷେତ୍ର ସହାୟକ ଡାକ ନିର୍ଦ୍ଦେଶକ କମଳେନ୍ଦୁ ପଣ୍ଡା ଡାକସେବା ଉପରେ ବକ୍ତବ୍ୟ ରଖିଥିଲେ ା ଏହି ଅବସରରେ ଉଲ୍ଲେଖନୀୟ ଅବଦାନ ପାଇଁ ଡାକ ଅଧିକାରୀ ଓ କର୍ମଚାରୀଙ୍କୁ ସମ୍ମାନିତ କରାଯାଇଥିଲା ା
