ଦୁବାଇ,୩।୧୦: ଇନ୍ଷ୍ଟାଗ୍ରାମରେ ଏକ ଦୁଃସାହସିକ ଭିଡିଓ ଶେୟାର କରିଛନ୍ତି ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ (ଯୁବି)। ନିକଟରେ ସାଙ୍ଗମାନଙ୍କ ସହ ଦୁବାଇର ‘ଫେମ ପାର୍କ’ ଗସ୍ତ କରିଥିବା ଯୁବି ଏକ ଲାଇଗର (ଅଣ୍ଡିରା ସିଂହ ଓ ମାଇ ବାଘର ହାଇବ୍ରିଡ୍ ବଂଶ ହେଉଛି ଲାଇଗର) ସହ ଖେଳିଛନ୍ତି। ଭିଡିଓରେ ଯୁବି ଓ ତାଙ୍କ ସାଙ୍ଗମାନେ ଦୌଡ଼ିର ଏକ ପାଖକୁ ଘୋଷାଡ଼ୁ ଥିବାବେଳେ ଅନ୍ୟ ପଟକୁ ଟାଣୁଥିଲା ଲାଇଗର। କେବଳ ଏତିକି ନୁହେଁ ଏକ ଲମ୍ବା ସାପକୁ ବେକରେ ଗୁଡ଼ାଇବା ସହ ଭାଲକୁ ଖୁଆଉଥିବା ଦେଖିବାକୁ ମିଳିଛି। ଭିଡିର କ୍ୟାପଶନରେ ପୂର୍ବତନ ଅଲରାଉଣ୍ଡର ଲେଖିଛନ୍ତି, ‘ଟାଇଗର ବନାମ ଲାଇଗର। ଆମକୁ ପରିଣାମ ଜଣାଅଛି। କିନ୍ତୁ ଭୟକୁ ଭୁଲି ଜଙ୍ଗଲରେ ପ୍ରକୃତିର ମଜା ନେଉଛି ’।
