ପୋଲସରା,୨୩।୧୨(ଡି.ଏନ୍.ଏ.): ଦକ୍ଷିଣ ଘୁମୁସର ବନଖଣ୍ଡ ଅଧିନ ପୋଲସରା ବନବିଭାଗ ପକ୍ଷରୁ ବୁଧବାର ରାତିରେ ଏକ କାଠ ଭର୍ତ୍ତି ପିକ୍ଅପ୍ ଭ୍ୟାନକୁ ଜବତ କରାଯାଇଛି। ସୂଚନାଯୋଗ୍ୟ, ଏକ ନିଳ ରଙ୍ଗର ପିକ୍ଅପ୍ ଭ୍ୟାନରେ ଜାମ,ବଡଚାକୁଣ୍ଡା ଓ ଶାଗୁଆନର ୪୮ଖଣ୍ଡ ସାଇଜ କାଠ ଭର୍ତ୍ତି ହୋଇ ବେଆଇନ ଭାବେ ଚାଲାଣ ହେଉଥିବା ବେଳେ ବନବିଭାଗର କର୍ମଚାରୀ ମାନେ ପାଟ୍ରୋଲିଂ କରୁଥିବା ସମୟରେ ଭ୍ୟାନଟିକୁ ଜବତ କରିଥିଲେ। ଏହି ମାମଲାରେ ୨ ଜଣ ଗିରଫ ହୋଇଛନ୍ତି। ସେମାନେ ହେଲେ ପରମେଶ୍ୱର ସାହୁ ଓ ରବୀନ୍ଦ୍ରନାଥ ମହାରଣା। ବନବିଭାଗର ଆଇନ ଅନୁଯାୟୀ କେଶ (ନଂ-୨୬୮/୨୧-୨୨) ରେ ମାମଲା ରୁଜୁ କରି କୋର୍ଟକୁ ପଠାଇ ଦିଆଯାଇଛି ବୋଲି ବନାଞ୍ଚଳ ଅଧିକାରୀ ସଚିନ କୁମାର ପ୍ରଧାନ ସୂଚନା ଦେଇଛନ୍ତି।
