ପାଟଣା,୭।୭(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବଡ ପାଟଣା ପଞ୍ଚାୟତ ସାଧୁପଡ଼ା ଗ୍ରାମରେ ମଦ ଦୋକାନ ଉଚ୍ଛେଦକୁ ନେଇ ମହିଳାମାନେ ରାସ୍ତାରୋକୋ କରିଛନ୍ତି । ମଙ୍ଗଳବାର ପାଟଣା ସାହାର ପଡ଼ା ରାସ୍ତାର ସାଧୁପଡା ଛକରେ ଗାଡ଼ି ମଟର ଅଟକି ରହିଛି ।
ଖବରପାଇ ଘଟଣା ସ୍ଥଳରେ ବଡ ପାଟଣା ସରପଞ୍ଚ ପହଞ୍ଚି ଆନ୍ଦୋଳନ କାରୀଙ୍କ ସହ ସାମିଲ ହୋଇଥିଲେ । ରାସ୍ତା ଅବରୋଧ ଯୋଗୁଁ ଗାଡ଼ିମଟର ଅଟକି ରହିଥିବା ବେଳେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ରାସ୍ତା ଅବରୋଧ ହଟାଇବାକୁ ଘଟଣାସ୍ଥଳରେ ପାଟଣା ପୋଲିସ ପକ୍ଷରୁ ଥାନା ଅଧିକାରୀ କିରଣ ପ୍ରାସାଦ ସାହୁ, ଏଏସ ଆଈ ଲକ୍ଷ୍ମଣ ମାଝି, ଏଏସଆଇ ଧନେଶ୍ୱର ପାତ୍ର ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରି ମଦ ଦୋକାନ ପରିଚାଳକ ରଞ୍ଜନ ସାହୁଙ୍କୁ ଘଟଣା ସ୍ଥଳକୁ ଡକାଇ ୧୫ଦିନ ମଧ୍ୟରେ ମଦ ଦୋକାନ ଉଠାଇବାର ପ୍ରତିଶୃତି ଦେବା ପରେ ଆନ୍ଦୋଳନକାରୀ ମାନେ ରାସ୍ତାରୁ ହଟିଛନ୍ତି ।
