ଆଳି,୨୭।୪(ବନମାଳୀ ସେନାପତି): ପାଣି ପାଇଁ ତାତିଲେ ମହିଳା। ପାଇପ ଯୋଗେ ଠିକ ଭାବେ ପାଣି ମିଳୁ ନ ଥିବାରୁ ମହିଳାମାନେ ବ୍ଲକ କାର୍ଯ୍ୟାଳୟ ଘେରାଉ କରି ତୁରନ୍ତ ପାଣି ଯୋଗାଉ ଦେବା ନିମନ୍ତେ ଦାବି କରିଛନ୍ତି l ଏଭଳି ଅଭିଯୋଗ ଆସିଛି କେନ୍ଦ୍ରାପଡ଼ା ଜିଲା ଆଳି ବ୍ଳକ ଦେମାଳ ପଞ୍ଚାୟତ ଗିରିବନ୍ଧ ଗ୍ରାମରେ। ଗିରିବନ୍ଧ ଗ୍ରାମରେ ବସବାସ କରୁଥିବା ପରିବାର ନିକଟରେ ପହଞ୍ଚି ପାରୁନି ପାଇପ ପାଣି। କେତେବେଳେ ସକାଳେ ପାଣି ଆସୁଛି ତ ଆଉ କେତେବେଳେ ରାତି ଅଧରେ l ଠିକ ସମୟରେ ପାଣି ମିଳୁ ନ ଥିବାରୁ ମହିଳା ମାନେ ନାହଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି l ତୁରନ୍ତ ପାଣି ସମସ୍ୟା ଦୁର କରିବା ନିମନ୍ତେ ଦାବି କରିଛନ୍ତି ମହିଳା l
