ଲକ୍ଷ୍ନୌ,୭।୧୧: ଉତ୍ତରପ୍ରଦେଶ ପରିବହନ ନିଗମରେ କାର୍ଯ୍ୟ କରୁଥିବା ଏକ ସ୍ବାମୀ-ସ୍ତ୍ରୀ ଯୋଡି ଏବେ ଚର୍ଚ୍ଚାରେ ଅଛନ୍ତି। ଉତ୍ତରପ୍ରଦେଶ ପରିବହନ ନିଗମର ଲୋନି ଡିପୋର ରୋଡୱେ ବସ୍ରେ ସ୍ବାମୀ ଓ ସ୍ତ୍ରୀଙ୍କୁ ପୋଷ୍ଟ କରାଯାଇଛି। କୌତୁହଳର ବିଷୟ ହେଉଛି ସ୍ତ୍ରୀଙ୍କ ହାତରେ ରୋଡୱେ ବସ ଷ୍ଟିଅରିଂ ଅଛି ଏବଂ ସ୍ବାମୀ ଯାତ୍ରୀମାନଙ୍କ ପାଇଁ ଟିକେଟ କାଟୁଛନ୍ତି।
ଉତ୍ତରପ୍ରଦେଶ ପରିବହନ ନିଗମର ରୋଡୱେ ବସ ଡ୍ରାଇଭରଙ୍କ ନାଁ ବେଦକୁମାରୀ ଏବଂ ତାଙ୍କ ସ୍ବାମୀ ହେଉଛନ୍ତି ମୁକେଶ ପ୍ରଜାପତି। ବେଦକୁମାରୀ ସଂସ୍କୃତରେ ପୋଷ୍ଟ ଗ୍ରାଜୁଏଟ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ ସେ ଦିଲ୍ଲୀ ପୋଲିସରେ ନିଯୁକ୍ତି ପାଇଁ ପ୍ରସ୍ତୁତ ହେଉଥିଲେ। ଏହି ସମୟରେ ମହିଳା ଡ୍ରାଇଭର ନିଯୁକ୍ତି ପାଇଥିଲେ।
ପ୍ରଧାନମନ୍ତ୍ରୀ କୌଶଲ ବିକାଶ ଯୋଜନା ଅଧୀନରେ ତଥା ୨୦୨୧ରେ ଉତ୍ତରପ୍ରଦେଶ ରାଜ୍ୟ ସଡକ ପରିବହନ ନିଗମ (ୟୁପିଏସଆରଟିସି) ସହାୟତାରେ ଡ୍ରାଇଭର ହେବାକୁ ପ୍ରସ୍ତୁତ ବେଦକୁମାରୀ କାନପୁରର ମଡେଲ ଡ୍ରାଇଭିଂ ଟ୍ରେନିଂ ଆଣ୍ଡ ରିସର୍ଚ୍ଚ ଇନଷ୍ଟିଚ୍ୟୁଟରୁ ଭାରୀ ଯାନ ଚଳାଇବାରେ ତାଲିମ ନେଇଥିଲେ। ଏହା ପରେ ବେଦକୁମାରୀଙ୍କୁ ୧୦ ମାସ ତାଲିମ ପାଇଁ ଲୋନି ଡିପୋ କର୍ମଶାଳାକୁ ପଠାଗଲା। ଏପ୍ରିଲ ୨୦୨୩ରେ ବେଦକୁମାରୀ ପ୍ରଥମ ଥର ପାଇଁ ଉତ୍ତରପ୍ରଦେଶ ପରିବହନ ନିଗମର ଡ୍ରାଇଭର ହୋଇଥିଲେ।
