ଦେବଗଡ,୩୦ା୪(ଶଶାଙ୍କ ଶେଖର ଝାଙ୍କର): ଖର୍ଚ୍ଚକାଟ ନାମରେ ଶ୍ରମିକ କର୍ମଚାରୀ ମାନଙ୍କୁ ଛଟେଇ କରିବା ନିଷ୍ପତ୍ତିର ପ୍ରତିବାଦରେ ପଶ୍ଚିମ ଓଡିଶା ବିଦ୍ୟୁତ ଶ୍ରମିକ ମହାସଂଘ , ଦେବଗଡ ଜିଲା ଶାଖା ପକ୍ଷରୁ ଗୁରୁବାର ଟିପିଡବ୍ଲୁଓଡିଏଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏଥିସହ ଟାଟାପାଫ୍ୱାର ଏଭଳି ଶ୍ରମିକ ମାରଣ ନୀତିର ପୁନର୍ବିଚାର ସହ ନିଷ୍ପତ୍ତିକୁ ପ୍ରତ୍ୟାହାର ନକଲେ ଆଗାମୀ ଦିନରେ ଆନ୍ଦୋଳନକୁ ତୀବ୍ରତର କରାଯିବ ବୋଲି ମହାସଂଘ ପକ୍ଷରୁ ଲିଖିତ ଚେତାବନୀ ଦିଆଯାଇଥିଲା ।
ପଶ୍ଚିମ ଓଡିଶା ବିଦ୍ୟୁତ ଶ୍ରମିକ ମହାସଂଘ, ଦେବଗଡ ଜିଲା ଶାଖାର ଡିଭିଜନାର ସମ୍ପାଦକ ପ୍ରଦ୍ୟୂମ୍ନ କୁମାର ସାମଲ ଓ ସବ ଡିଭିଜନାର ସମ୍ପାଦକ ତୁଷାରକାନ୍ତ ପ୍ରଧାନଙ୍କ ନେତୃତ୍ୱରେ ଦେବୀ ପ୍ରସାଦ ପାଲ, ଦିଗାମ୍ବର ନାଏକ, ସତ୍ୟପ୍ରିୟ ବେହେରା, ସୁରେଶ ବେହେରା, ସତ୍ୟ ନାରାୟଣ ବେହେରା , ଯୁଧିଷ୍ଠିର ପ୍ରଧାନ, ସରୋଜ ନାୟକ, ସରୋଜ ସାହୁ, ବିକାଶ ନାୟକ, ଦିଲ୍ଲିପ ଦର, ରାମଚନ୍ଦ୍ର ନାହାକ, କୁନ୍ଦନ ଦାସ, ନାରାୟଣ ବେହେରା, ଭୁପେନ ସାହୁ, ସଚ୍ଚିନ ନାୟକ ଓ ଆଲୋକ ପ୍ରଧାନଙ୍କ ସମେତ ବହୁ କର୍ମଚାରୀ ଦେବଗଡ ସ୍ଥିତ ଟିପିଡବ୍ଲୁଓଡିଏଲ କାର୍ଯ୍ୟାଳୟକୁ ଯାଇ ବିକ୍ଷୋଭ ପ୍ରଦର୍ଶନ କରିବାସହ ଟିପିଡବ୍ଲୁଓଡିଏଲର ମୂଖ୍ୟ କାର୍ଯ୍ୟ ନିର୍ବାହୀ ଅଧିକାରୀ(ବୁର୍ଲା)ଙ୍କ ଉଦ୍ଦେଶ୍ୟରେ ଟିପିଡବ୍ଲୁଓଡିଏଲର ନିର୍ବାହୀ ଯନ୍ତ୍ରୀ ରାଜୁ ସାହାଙ୍କୁ ଦାବିପତ୍ର ପ୍ରଦାନ କରିଥିଲେ।
