ସିଡନୀ,୬।୧୧: ଅଷ୍ଟ୍ରେଲିଆର ଷ୍ଟାର ବ୍ୟାଟର କ୍ରିସ ଲିନ ଡ୍ରଗ୍ସ ଟେଷ୍ଟରେ ଧରାପଡ଼ିଛନ୍ତି। ତାଙ୍କ ଶରୀରରେ କୋକେନ ସେବନର ପ୍ରମାଣ ମିଳିବା ପରେ ଇଂଲଣ୍ଡ ଆଣ୍ଡ ୱେଲ୍ସ କ୍ରିକେଟ ବୋର୍ଡ (ଇସିବି)ର ନିୟମ ଅନୁପାଳନ ସଂସ୍ଥା ତାଙ୍କୁ ଏକ ମାସ ପାଇଁ ବାସନ୍ଦ କରିଛି।
ଗତ ଜୁଲାଇ ୧୮ ତାରିଖରେ କ୍ରିସ ଲିନଙ୍କ ଡୋପ ଟେଷ୍ଟ କରାଯାଇଥିଲା। ସେହି ସମୟରେ ସେ ଟି-୨୦ ବ୍ଲାଷ୍ଟର ଫାଇନାଲ ମ୍ୟାଚ୍ ଖେଳିବାକୁ ଥିଲେ। ପରୀକ୍ଷାରେ ତାଙ୍କ ଶରୀରରେ କୋକେନ ସେବନର ପ୍ରମାଣ ମିଳିଥିଲା। ତେବେ ଇସିବି ପକ୍ଷରୁ ନିଆଯାଇଥିବା ଦଣ୍ଡ ବିରୋଧରେ ଲିନ କୌଣସି ଆପତ୍ତି ଉଠାଇନାହାନ୍ତି। ସେ ଏକ ମାସର ବାସନ୍ଦାଦେଶକୁ ଗ୍ରହଣ କରିଛନ୍ତି।
Dharitri – Odisha’s No.1 Odia Daily
