ଟୋକିଓ,୧୪ା୧୦: ପରମ୍ପରାକୁ ଜାବୁଡ଼ି ଧରିଥିବା ଦେଶ ଜାପାନରେ ଏବେ ଆଉ ଏକ ଅଜବ ଫ୍ୟାଶନ ଟ୍ରେଣ୍ଡ୍ କରୁଛି। ଏଠାକାର ଯୁବତୀମାନେ ରାସ୍ତାରେ ରକ୍ତଭିଜା କପଡ଼ା ପିନ୍ଧି ବୁଲୁଛନ୍ତି। ଏପରିକି ଆଖି ତଳେ କଳା ଦାଗ ଏବଂ ବେକରେ ରକ୍ତଭରା ସିରିଞ୍ଜ୍ ରଖିଥିବା ମଧ୍ୟ ଦେଖିବାକୁ ମିଳୁଛି। ଖାଲି ଏତିକି ନୁହେଁ, କପଡ଼ା ଉପରେ ଲେଖା ହୋଇଛି; ମୁଁ ମରିବାକୁ ଚାହୁଁଛି। ଜାପାନରେ ଟ୍ରେଣ୍ଡ୍ କରୁଥିବା ଏହି ଫ୍ୟାଶନକୁ ‘ୟାମି କାଓ୍ବାଇ’ କୁହାଯାଉଛି। ଏହି ଫ୍ୟାଶନ ବିଶେଷକରି ଡିପ୍ରେସନ ଏବଂ ଆତ୍ମହତ୍ୟା ସହିତ ଜଡ଼ିତ।
କ’ଣ ଏହି ୟାମି କାଓ୍ବାଇ:
ୟାମି କାଓ୍ବାଇ ଦୁଇଟି ଜାପାନୀ ଶବ୍ଦ ମିଶାଇ ଗଠନ ହୋଇଛି। ୟାମିର ଅର୍ଥ ବିମାର ଏବଂ କାଓ୍ବାଇର ଅର୍ଥ ସୁନ୍ଦର। ଏମିତି ଲେଖି ଯୁବତୀମାନେ ଜଣାଇବାକୁ ଚାହାନ୍ତି କି ସେମାନେ ଆତ୍ମହତ୍ୟା କରିବାକୁ ଚାହୁଁଛନ୍ତି। ସେମାନଙ୍କୁ ସାହାଯ୍ୟ କରନ୍ତୁ। ଏହି ପରମ୍ପରା ୨୦୧୫ ମସିହାରୁ ଚାଲିଆସୁଥିଲେ ହେଁ ଏବେ ଏହାର ଲୋକପ୍ରିୟତା ଆହୁରି ବଢ଼ିଯାଇଛି।ଜାପାନରେ ଦିନକୁ ଦିନ ଆତ୍ମହତ୍ୟା ମାମଲା ବଢ଼ିଚାଲିଛି।
ଏକ ରିପୋର୍ଟ ଅନୁଯାୟୀ, ଅଗଷ୍ଟରେ ଜାପାନରେ ୧୮୫୪ ଜଣ ଆତ୍ମହତ୍ୟା କରିଥିବା ବେଳେ ବର୍ତ୍ତମାନ ଏହି ହାର ୪୦ ପ୍ରତିଶତ ବଢ଼ିଛି। ଏଥିରୁ ରକ୍ଷା ପାଇବା ପାଇଁ ଯୁବତୀମାନେ ଏପରି ପଦକ୍ଷେପ ଆପଣାଇଛନ୍ତି।
