କଷ୍ଟ ଦୂର କରିବ ନଷ୍ଟ ହେଉଥିବା ପାଣି

ପାଲଲହଡା,୧୪ା୮(ଡି.ଏନ.ଏ.)

ନଷ୍ଟ ହେଉଥିବା ଝରଣା ପାଣିରେ ଚାଷୀଙ୍କ ଜଳ କଷ୍ଟ ଦୂର କରାଯିବ। ପାହାଡ଼ ଉପରେ ଚେକ୍‌ଡ୍ୟାମ ନିର୍ମାଣ କରାଯାଇ ୬୦୦ ଏକର ଜମିକୁ ଜଳସେଚନର ବ୍ୟବସ୍ଥା ହେବ। ଦୁଇଟି ପଞ୍ଚାୟତର ୭୦୦ ଚାଷୀଙ୍କ ଭାଗ୍ୟରେ ପରିବର୍ତ୍ତନ ଆଣିବାକୁ ଏପରି ଏକ ଯୋଜନା କରିଛି ଅନୁଗୋଳ ଜିଲା ପାଲଲହଡା ପଞ୍ଚାୟତ ସମିତି ଓ ବନ ବିଭାଗ। ଏ ନେଇ ବ୍ୟୟ ଅଟକଳ ପ୍ରସ୍ତୁତ କରିବାକୁ ବିଧାୟକ ମୁକେଶ କୁମାର ପାଲ ନିର୍ଦ୍ଦେଶ ଦେବା ପରେ ଖୁସି ବ୍ୟକ୍ତ କରିଛନ୍ତି ସ୍ଥାନୀୟ ଅଞ୍ଚଳର ଚାଷୀ।
ପାଲଲହଡ଼ା ଉପଖଣ୍ଡ ସଦରମହକୁମାଠାରୁ ମାତ୍ର ୯ କିଲୋମିଟର ଦୂର ଈଶ୍ୱରନଗର ପଞ୍ଚାୟତ ସମଳ ଗ୍ରାମ ନିକଟରେ ରହିଛି ମାଲ୍ୟଗିରି ପର୍ବତମାଳା। ୩୩୯୫ ଫୁଟ ଉଚ୍ଚତା ବିଶିଷ୍ଟ ଓ ୧୧୫୦୦ ହେକ୍ଟର ପରିମିତ ଏହି ପର୍ବତମାଳାରୁ ପ୍ରବାହିତ ଚିରସ୍ରୋତା ଝରଣାର ଅର୍ଦ୍ଧାଧିକ ଜଳ ନଷ୍ଟ ହୋଇଯାଉଥିଲା। ନିକଟରେ ଈଶ୍ୱରନଗର ଓ ବତିସୁଆଁ ପଞ୍ଚାୟତ ୧୫ ଖଣ୍ଡ ଗ୍ରାମର ୬୦୦ ଏକର ଚାଷ ଜମି ଥିଲେ ବି ଚାଷୀମାନେ ସେପରି ଉପକୃତ ହୋଇପାରୁ ନ ଥିଲେ। ବର୍ଷତମାମ ଝରଣା ପାଣି ନଷ୍ଟ ହେଉଥିବା ବେଳେ ଚାଷୀମାନେ ଫସଲ ପାଇଁ ବର୍ଷା ଉପରେ ନିର୍ଭର କରୁଥିଲେ। ତେଣୁ ଅଞ୍ଚଳର ୭ଶହ ଚାଷୀଙ୍କୁ ଜଳସେଚନର ସୁବିଧା ଦେବାକୁ ଏପରି ଏକ ଯୋଜନା ପ୍ରସ୍ତୁତ ହେଉଛି। ପାହାଡ଼ ଉପରେ ଚେକ୍‌ଡ୍ୟାମ୍‌ ନିର୍ମାଣ କରାଯାଇ ଝରଣା ପାଣିକୁ ୧୫ ଖଣ୍ଡ ଗ୍ରାମର ଚାଷୀଙ୍କ ନିକଟରେ କିଭଳି ଭାବେ ପହଞ୍ଚାଯାଇପାରିବ ସେ ନେଇ ବିଧାୟକଙ୍କ ନେତୃତ୍ୱରେ ଆରମ୍ଭ ହୋଇଛି ମାନସମନ୍ଥନ। ଗତ ବୁଧବାର ବିଧାୟକ ପାଲ, ବ୍ଲକ ଅଧକ୍ଷ ନବକିଶୋର ନାୟକ, ପାଲଲହଡା ବନବିଭାଗ ରେଞ୍ଜର ଦୁର୍ଯ୍ୟୋଧନ ଜେରେଇ, ଫରେଷ୍ଟର ଭୀମସେନ ଶତପଥୀ, ପଞ୍ଚାୟତ ସମିତି ସହକାରୀ ଯନ୍ତ୍ରୀ ରାମଚନ୍ଦ୍ର ଶତପଥୀ ଉକ୍ତ ପ୍ରସ୍ତାବିତ ସ୍ଥାନ ଅନୁଧ୍ୟାନ କରିଛନ୍ତି। ଏ ନେଇ ଦୁଇ ବିଭାଗ ମିଳିତ ଭାବେ ଯୋଜନା ଓ ପ୍ରକଳ୍ପର ବ୍ୟୟ ଅଟକଳ ପ୍ରସ୍ତୁତ କରିବା ପାଇଁ ବିଧାୟକ ପାଲ ନିର୍ଦ୍ଦେଶ ଦେଇଛନ୍ତି। କେବଳ ଜଳସେଚନ ନୁହେଁ ଏହି ପ୍ରକଳ୍ପକୁ କିପରି ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ କରାଯାଇପାରିବ ସେ ନେଇ ମଧ୍ୟ ଯୋଜନା କରାଯାଉଛି।

ଦୋ ଫସଲି କରିପାରିବୁ
ପାହାଡ଼ ତଳି ଅଞ୍ଚଳ ହୋଇଥିବାରୁ ସବୁବେଳେ ପାଣି ସମସ୍ୟା ଲାଗି ରୁହେ। କେବଳ ବର୍ଷା ଦିନରେ ହିଁ ବହୁ କଷ୍ଟରେ ଚାଷ କାର୍ଯ୍ୟ କରିହୁଏ। ପାହାଡ଼ ଉପରେ ଚେକ୍‌ଡ୍ୟାମ୍‌ ନିର୍ମାଣ ହେଲେ ନଷ୍ଟ ହେଉଥିବା ଝରଣା ପାଣିରେ ଦୋ ଫସଲି ଚାଷ ହୋଇପାରିବ।
-ରଞ୍ଜନ କୁମାର ସେଠୀ, ଚାଷୀ
ପରିବା ଚାଷ ହୋଇପାରିବ
ପାଣି ଅଭାବରୁ କେବଳ ବର୍ଷକୁ ଥରେ ଧାନ ଚାଷ ହେଉଥିଲା। ପାଖରେ ଝରଣା ସ୍ରୋତ ଥାଇ ମଧ୍ୟ ତାହା ଜମିଯାଏ ପହଞ୍ଚିପାରୁ ନ ଥିଲା। ଯଦି ସେହି ପାଣି ଜମିକୁ ଆସିବାର ବ୍ୟବସ୍ଥା ହୁଏ ତା’ହେଲେ ଧାନ ସହ ବର୍ଷ ତମାମ ପରିବା ଚାଷ ମଧ୍ୟ କରାଯାଇପାରିବ।
-ଶରତ ପ୍ରଧାନ, ଚାଷୀ
ପ୍ରସ୍ତୁତ ହେଉଛି ରୂପରେଖ
ପାହାଡ଼ ଉପରେ ଏହି ପ୍ରକଳ୍ପ ପାଇଁ ଦୁଇଥର ବୈଠକ ବସି ସାରିଛି। ପ୍ରସ୍ତାବିତ ସ୍ଥାନ ଅନୁଧ୍ୟାନ ମଧ୍ୟ କରାଯାଇଛି। ଏବେ ପ୍ରକଳ୍ପର ରୂପରେଖ ପ୍ରସ୍ତୁତ ଚାଲିଛି। ଏହି ଯୋଜନା କାର୍ଯ୍ୟକାରୀ ହେଲେ ଚାଷ ଏବଂ ଚାଷୀଙ୍କ ସହ ପର୍ଯ୍ୟଟନର ମଧ୍ୟ ବିକାଶ ସମ୍ଭବ ହେବ।
-ଦୁର୍ଯ୍ୟୋଧନ ଜେରେଇ, ରେଞ୍ଜର, ପାଲଲହଡ଼ା
୭ଶହ ଚାଷୀଙ୍କ ସମସ୍ୟା ଦୂର ହେବ
ଚାଷ ପାଇଁ ପାଣି ଏଠାକାର ଏକ ମୁଖ୍ୟ ସମସ୍ୟା ଥିଲା। ଏହାକୁ ଦୂର କରିବା ପାଇଁ ଯୋଜନା କରାଯାଉଛି। ଉକ୍ତ ପ୍ରକଳ୍ପ ହେଲେ ୨ଟି ପଞ୍ଚାୟତର ୬୦୦ ଏକର ଜମି ଜଳସେଚିତ ହୋଇପାରିବ ଓ ୭୦୦ରୁ ଊର୍ଦ୍ଧ୍ୱ ଚାଷୀଙ୍କ ମୁହଁରେ ହସ ଫୁଟିପାରିବ। ଏହି ସ୍ଥାନକୁ ପର୍ଯ୍ୟଟନ ମାନଚିତ୍ରରେ ମଧ୍ୟ ସ୍ଥାନିତ କରାଯାଇ ପାରିବ।
-ମୁକେଶ କୁମାର ପାଲ, ବିଧାୟକ, ପାଲଲହଡ଼ା


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?