ନୂଆଦିଲ୍ଲୀ,୨୩।୫: ବିରାଟ କୋହଲି ୨୦୦୮ରୁ ଆର୍ସିବି ପାଇଁ ଖେଳି ଆସୁଛନ୍ତି। ଏହି ୧୬ସିଜିନ୍ ମଧ୍ୟରେ ସେ ଟିମ୍ ପାଇଁ ୭୫୦୦ରୁ ଅଧିକ ରନ୍ କରିଛନ୍ତି। ୧୬ତମ ସିଜିନ୍ରେ ବିରାଟ ଶତକ ହାସଲ କରିଥିଲେ ମଧ୍ୟ ଟିମ୍ ଜିତି ପାରି ନ ଥିଲା। ତେବେ ଇଂଲଣ୍ଡର ପୂର୍ବତନ ବ୍ୟାଟସ୍ମ୍ୟାନ୍ କେଭିନ୍ ପିଟରଶନ୍ କୋହଲିଙ୍କ ଉଦ୍ଦେଶ୍ୟରେ ଏକ ଟ୍ବିଟ୍ କରି କହିଛନ୍ତି, ଯାହା ବର୍ତ୍ତମାନ ଖୁବ୍ ଭାଇରାଲ ହୋଇଛି। ସେ କହିଛନ୍ତି, କୋହଲି ଆର୍ସିବି ଛାଡି ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳନ୍ତୁ।
Time for VIRAT to make the move to the capital city…! #IPL
— Kevin Pietersen🦏 (@KP24) May 22, 2023
ଆଇପିଏଲ୍ ୨୦୨୩ ଶେଷ ଲିଗ୍ ମ୍ୟାଚ୍ରେ କୋହଲି ଆଉ ଏକ ଶତକ ହାସଲ କରିଥିଲେ। କୋହଲିଙ୍କ ଆଇପିଏଲ୍ କ୍ୟାରିୟରର ଏହା ସପ୍ତମ ଶତକ। ମ୍ୟାଚ୍ରେ କୋହଲି ୬୧ ବଲ୍ରେ ୧୦୧ରନ୍ କରି ଅପରାଜିତ ରହିଥିଲେ। ତେବେ ଏହି ମ୍ୟାଚ୍ରେ ଗୁଜୁରାଟ ଟାଇଟାନ୍ସ ଆର୍ସିବିିକୁ ୬ ଓ୍ବିକେଟ୍ରେ ହରାଇଥିଲା। ତେଣୁ ଦଳର ପ୍ଲେ ଅଫ୍ରେ ଖେଳିବା ସ୍ବପ୍ନ ଭାଙ୍ଗି ଯାଇଥିଲା। ଶୁବମନ ଗିଲ୍ଙ୍କ ଦମ୍ଦାର ଶତକୀୟ ଇନିଂସ୍ ୧୦୪ ରନ୍ରେ ଗୁରୁରାଟ ଜିତିଥିଲା।
ଆରସିବିର ଏହି ପରାଜୟ ଯୋଗୁ ପିଟରଶନ, ଆର୍ସିବିି ଛାଡି ଆଗାମୀ ସିଜିନ୍ରୁ ଦିଲ୍ଲୀ ପାଇଁ ଖେଳିବାକୁ କୋହଲିଙ୍କୁ ପରାମର୍ଶ ଦେଇଛନ୍ତି। କିନ୍ତୁ ଆର୍ସିବିିର କ୍ୟାପ୍ଟେନ୍ ପଦ ଛାଡିବା ପରେ କୋହଲି କହିଥିଲେ ଯେ, ସେ ଯେପର୍ଯ୍ୟନ୍ତ ଆଇପିଏଲରେ ରହିବେ ସେପର୍ଯ୍ୟନ୍ତ ସେ ଆର୍ସିବିି ପାଇଁ ହିଁ ଖେଳିବେ।
