ନୂଆଦିଲ୍ଲୀ,୧୫।୩: କିଏ ସର୍ବଶ୍ରେଷ୍ଠ ଟି-୨୦ ଓପନର ? ଏନେଇ ଏକ ଚମକାଇଲା ଭଳି ମନ୍ତବ୍ୟ ଦେଇଛନ୍ତି ବିରାଟ କୋହଲି। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ କୋହଲି, ସଚିନ ତେନ୍ଦୁଲକର ଏବଂ ରୋହିତ ଶର୍ମାଙ୍କୁ ପଛରେ ପକାଇ ଓ୍ୱେଷ୍ଟଇଣ୍ଡିଜର କିମ୍ବଦନ୍ତୀ ଖେଳାଳି କ୍ରିସ୍ ଗେଲ୍ଙ୍କୁ ଟି-୨୦ ଫର୍ମାଟର ସର୍ବଶ୍ରେଷ୍ଠ ଓପନର ଭାବେ ବାଛିଛନ୍ତି।
ଏକ କାର୍ଯ୍ୟକ୍ରମରେ ଯେତେବେଳେ ତାଙ୍କୁ ସଚିନ ଏବଂ ବିରେନ୍ଦ୍ର ସେହ୍ୱାଗଙ୍କ ମଧ୍ୟରୁ ଜଣକୁ ବାଛିବାକୁ କୁହାଯାଇଥିଲା, ସେ ସେହ୍ୱାଗଙ୍କୁ ବାଛିଥିଲେ। ସେହିପରି ଶେଷ ପର୍ଯ୍ୟାୟରେ କ୍ରିସ୍ ଗେଲ୍ ଏବଂ ରୋହିତ ଶର୍ମାଙ୍କ ମଧ୍ୟରୁ ସେ ନିଜର ପୂର୍ବତନ ଆରସିବି ସାଥୀ ଗେଲ୍ଙ୍କୁ ହିଁ ଶ୍ରେଷ୍ଠ ବୋଲି କହିଥିଲେ।
ଆଗାମୀ ଆଇପିଏଲ୍ ସିଜିନ ପାଇଁ କୋହଲି ଏବେଠାରୁ ନେଟ୍ସରେ ଅଭ୍ୟାସ ଆରମ୍ଭ କରିଦେଇଛନ୍ତି। ୩୭ ବର୍ଷୀୟ କୋହଲି ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଖୁବ୍ ପରିଶ୍ରମ କରୁଥିବା ଦେଖିବାକୁ ମିଳିଛି।
୨୦୨୫ ସିଜିନରେ କୋହଲି ୬୫୭ ରନ୍ ସଂଗ୍ରହ କରି ବେଙ୍ଗାଲୁରୁକୁ ତା’ର ପ୍ରଥମ ଆଇପିଏଲ୍ ଟ୍ରଫି ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ।
