ହିଞ୍ଜିଳିକାଟୁ,୨୩ା୮(ଡି.ଏନ୍.ଏ.): ଗଞ୍ଜାମ ଜିଲା ହିଞ୍ଜିଳି ଥାନା କୋଳିଦାସପୁରଠାରେ ବାଲି ଚାଲାଣ ନେଇ ଶନିବାର ରାତିରେ ପୋଡ଼ାଜଳା ହୋଇଥିଲା। ବାଲିଚାଲାଣକୁ ବିରୋଧ କରୁଥିବା ଗୋଷ୍ଠୀ ୩ ଟ୍ରକ, ଟ୍ରାକ୍ଟର ଓ ୨ ବାଇକ୍ ପୋଡ଼ି ଦେଇଥିଲେ। ପୋଲିସ ପୋଡ଼ାଜଳା ପାଇଁ ଗ୍ରାମର ୫ ଜଣଙ୍କୁ ରାତିରେ ଗ୍ରାମରୁ ଉଠାଇ ଆଣିଥିଲା। ପୋଲିସ କାର୍ଯ୍ୟାନୁଷ୍ଠାନର ପ୍ରତିବାଦରେ ରବିବାର ଶତାଧିକ ଗ୍ରାମବାସୀ ସକାଳ ୮ରୁ ଥାନା ଘେରାଉ କରିଥିଲେ।
ଉତ୍ତ୍ୟକ୍ତ ଲୋକଙ୍କୁ ଘଉଡ଼ାଇବା ପାଇଁ ମଧ୍ୟାହ୍ନ ୧୨ରେ ପୋଲିସ ଲାଠି ଚାଳନା କରିଛି। ପୋଲିସ ଲାଠି ଚାଳନାରେ ବହୁ ଲୋକ ଆହତ ହେବା ସହ ଛତ୍ରଭଙ୍ଗ ଦେଇଛନ୍ତି। ଅନ୍ୟପକ୍ଷରେ ଘଟଣା ନେଇ ଗ୍ରାମରେ ଉତ୍ତେଜନା ଲାଗିରହିଛି।
