ପୃଥିବୀରେ ଏଭଳି ବହୁ ରହସ୍ୟ ରହିଛି ଯାହାର ଉତ୍ତର ଏପର୍ଯ୍ୟନ୍ତ ମିଳିପାରିନାହିଁ। ଅନେକ ଗବେଷଣାପରେ ଗବେଷକ ମଧ୍ୟ ଏଭଳି ଅନେକ ରହସ୍ୟ ଭେଦ କରିବାକୁ ହୋଇ ନାହାଁନ୍ତି ସକ୍ଷମ। ଆଧୁନିକ ବିଜ୍ଞାନ ଏସବୁ ରହସ୍ୟ ନେଇ ନୀରବ। ସେଭଳି ଏକ ରହସ୍ୟମୟ ଘଟଣା ଦୀର୍ଘ ୧୭ ବର୍ଷ ଧରି ଇଟାଲୀର ସିସିଲିରେ ଥିବା କାନେଟୋ ଡି କାରୋନିଆ ଗାଁରେ ଘଟିଚାଲିଛି। ଏପର୍ଯ୍ୟନ୍ତ ଏହି ରହସ୍ୟର ଉତ୍ତର ବିଜ୍ଞାନକୁ ମିଳିନାହିଁ। ଗାଁରେ ଘରଠାରୁ ଆରମ୍ଭ କରି କାର୍, ଲୁଗାପଟା, ଗଛଲତା ଆଦିରେ ହଠାତ୍ ନିଆଁ ଲାଗିଯାଇଥାଏ। ଏହା କିପରି ହେଉଛି କିମ୍ବା କାହିଁକି ହେଉଛି ତାହାର କୌଣସି ଉତ୍ତର ମିଳିପାରିନାହିଁ। ଗବେଷକ ଦଳ ଏଠାରେ ପହଞ୍ଚି ଏହାର ରହସ୍ୟ ଖୋଜି ବିଫଳ ହୋଇଛନ୍ତି। ଅନେକ ଏହାକୁ ଭୌତିକକାଣ୍ଡ ବୋଲି କହିଥାନ୍ତି। ଏନେଇ ଗାଁରେ ଧୀରେ ଧୀରେ ତାନ୍ତ୍ରିକଙ୍କ ଆଗମନ ହେବାରେ ଲାଗିଛି। ଗତ ୨୦୦୪ ମସିହାଠାରୁ ଏଭଳି ପ୍ରତିଦିନ ଅଘଟଣ ଘଟୁଥିଲେ ମଧ୍ୟ ଏହାର କୌଣସି ନିରାକରଣ କରାଯାଇପାରୁ ନାହିଁ। ଏଠାରେ ଅତୃପ୍ତ ଆତ୍ମାଙ୍କ ବାସ ଯୋଗୁ ଏସବୁ ହେଉଥିବା ଲୋକମାନେ ବିଶ୍ୱାସ କରୁଛନ୍ତି। ସନ୍ଧ୍ୟାପରେ ଏଠାରେ ଶୁଣାଯାଉଛି ବିଭିନ୍ନ ଭୟଙ୍କର ଶବ୍ଦ। ଶବ୍ଦ କିପରି ସୃଷ୍ଟି ହେଉଛି ତାହାର ସନ୍ଧାନ ମଧ୍ୟ ମିଳିପାରିନାହିଁ।
