ଜ୍ୟୋତିଷ ଶାସ୍ତ୍ରରେ ଶୁକ୍ର ଦେବଙ୍କୁ ପ୍ରେମ, ବିବାହ, ସୌନ୍ଦର୍ଯ୍ୟ, ସୁଖ-ସମୃଦ୍ଧି, କଳା, ଯାନବାହନ ଏବଂ ଧନର କାରକ ବୋଲି ବିଚାର କରାଯାଏ। ୨ ସେପ୍ଟେମ୍ବର ୨୦୨୬ରେ ଶୁକ୍ର ଦେବ ନିଜର ସ୍ବରାଶି ତୁଳାକୁ ଗୋଚର କରିବାକୁ ଯାଉଛନ୍ତି ।
ତୁଳା ରାଶି ସହ ଜୀବନର ସାମଞ୍ଜସ୍ୟ, ଉତ୍ତମ ବୁଝାମଣା ଏବଂ ଭାଗିଦାରୀ (ପାର୍ଟନରସିପ୍)ର ସିଧାସଳଖ ସମ୍ପର୍କ ରହିଛି। ନିଜ ରାଶିରେ ଶୁକ୍ର ପ୍ରବେଶ କରୁଥିବାରୁ ସେ ଅତ୍ୟନ୍ତ ବଳବାନ୍ ସ୍ଥିତିରେ ରହିବେ। ଫଳରେ ସମ୍ପର୍କ ମଜବୁତ ହେବା ସହ କଳା କ୍ଷେତ୍ରରେ ସଫଳତା ଓ ପ୍ରଚୁର ଧନଲାଭର ଯୋଗ ସୃଷ୍ଟି ହେଉଛି। ବିଶେଷ କରି ମେଷ, ମିଥୁନ, ସିଂହ, ତୁଳା, ଧନୁ ଏବଂ କୁମ୍ଭ ରାଶିର ବ୍ୟକ୍ତିବିଶେଷଙ୍କ ପାଇଁ ଏହି ସମୟ ଅତ୍ୟନ୍ତ ଶୁଭଫଳଦାୟୀ ପ୍ରମାଣିତ ହେବ।
ମେଷ- ପ୍ରେମ, ବିବାହ ଏବଂ ବ୍ୟବସାୟିକ ଭାଗିଦାରୀ ପାଇଁ ଏହା ଶ୍ରେଷ୍ଠ ସମୟ। ଦାମ୍ପତ୍ୟ ଜୀବନରେ ମଧୁରତା ବୃଦ୍ଧି ପାଇବ। ବ୍ୟବସାୟୀମାନେ ନୂଆ ଚୁକ୍ତି ଓ ପ୍ରତିଷ୍ଠିତ ଗ୍ରାହକଙ୍କଠାରୁ ବଡ଼ ଫାଇଦା ପାଇବେ।
ମିଥୁନ- ପ୍ରେମ ସମ୍ପର୍କ, ପାଠପଢ଼ା, କଳା ଓ ସନ୍ତାନ ସୁଖ ପାଇଁ ଏହି ସମୟ ଶୁଭ। ପ୍ରେମ ସମ୍ପର୍କରେ ନିବିଡ଼ତା ବଢ଼ିବ। କଳାକାର, ଲେଖକ, ମିଡିଆ ଓ ସୃଜନଶୀଳ କାର୍ଯ୍ୟରେ ଥିବା ବ୍ୟକ୍ତିଙ୍କୁ ସମ୍ମାନ ଓ ନୂଆ ସୁଯୋଗ ମିଳିବ।
ସିଂହ- କଥାବାର୍ତ୍ତାର ଶୈଳୀ, ସାହସ ଓ ନୂଆ ସମ୍ପର୍କ ଯୋଡ଼ିବାର ଦକ୍ଷତା ମଜବୁତ ହେବ। ମାର୍କେଟିଂ, ସେଲ୍ସ, ମିଡିଆ ଓ ଲେଖାଲେଖି କ୍ଷେତ୍ରରେ ଥିବା ଲୋକଙ୍କୁ ବିଶେଷ ଲାଭ ମିଳିବ।
ତୁଳା-ବ୍ୟକ୍ତିତ୍ବ, ଆତ୍ମବିଶ୍ବାସ, ସୌନ୍ଦର୍ଯ୍ୟ ଓ ସମାଜରେ ମାନ-ସମ୍ମାନ ବୃଦ୍ଧି ପାଇବ। ଆକର୍ଷଣ ବଢ଼ିବା ସହ ପ୍ରେମ ଓ ବିବାହ ସମ୍ପର୍କିତ ମାମଲାରେ ସକାରାତ୍ମକ ଫଳାଫଳ ମିଳିବ । କ୍ୟାରିୟରରେ ବଡ଼ ସୁଧାର ଆସିବ।
 
