ସମସ୍ତଙ୍କ ପାଇଁ ବସନ୍ତ ଋତୁ ଅତ୍ୟନ୍ତ ଆନନ୍ଦଦାୟକ ଅଟେ। ଏହ ଋତୁକୁ ରାଜା କୁହାଯାଏ। ଏହା ମଧ୍ୟ ଭଗବାନ କୃଷ୍ଣଙ୍କର ପ୍ରିୟ ଋତୁ ବୋଲି କୁହାଯାଏ। ଏହି ଋତୁରେ ପ୍ରକୃତି ବହୁତ ଖୁସି ଦେଖାଯାଏ ଏବଂ ନୂତନ ପତ୍ର, ଫୁଲ ଏବଂ ଫଳ ସହିତ ନିଜକୁ ସଜାଇଥାଏ। କିନ୍ତୁ ପୃଥିବୀରେ ଏପରି ଏକ ସ୍ଥାନ ଅଛି, ଯେଉଁଠାରେ କେବଳ ନୀଳ ରଙ୍ଗର ଫୁଲରେ ନିଜକୁ ସଜାଇଥାଏ ଏବଂ ପ୍ରତିବର୍ଷ ହଜାର ହଜାର ପର୍ଯ୍ୟଟକ ଏହି ଦୃଶ୍ୟ ଦେଖିବାକୁ ଆସନ୍ତି। ଆଜିକାଲି ଏହାର ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି।
Caption this… pic.twitter.com/sZQ46GKONt
— Hari Chandana (@harichandanaias) March 2, 2023
ଭାରତୀୟ ପ୍ରଶାସନିକ ସେବା ଅଧିକାରୀ ହରି ଚନ୍ଦନା ଏହି ଭିଡିଓ ଶେୟାର କରିଛନ୍ତି। ସେବେଠାରୁ ଲୋକମାନେ ଏହାକୁ ଦେଖି ଆକର୍ଷିତ ହେଉଛନ୍ତି। ଭିଡିଓରେ, ନୀଳ ଫୁଲରେ ସଜାଯାଇଥିବା ଏକ ଉପତ୍ୟକା ଦେଖାଯାଉଛି। ଯାହା ଏକ ସୁନ୍ଦର ଚିତ୍ର ପରି ଦେଖାଯାଉଛି। ଏହି ଛୋଟ ନୀଳ ଫୁଲ ପାହାଡ଼ ଉପରେ ଫୁଟିଥିବା ଦେଖିବା ପରେ ଆଶ୍ଚର୍ଯ୍ୟ ହେବେ।
ଏହି ସ୍ଥାନଟି ହେଉଛି ଜାପାନର ‘ଭ୍ୟାଲି ଅଫ୍ ବ୍ଲୁ ଫ୍ଲାଓ୍ବାର୍ସ’। ପର୍ଯ୍ୟଟକମାନଙ୍କ ପାଇଁ ବସନ୍ତ ଋତୁରେ ଏହି ସ୍ଥାନ ସ୍ବତନ୍ତ୍ର। କାରଣ ମାର୍ଚ୍ଚ-ଏପ୍ରିଲ ମାସରେ ‘ଚେରି ବ୍ଲଜମ୍ସ’ ସବୁଆଡ଼େ ଫୁଟୁଥିବାର ଦେଖାଯାଏ। ଏହା ଜାପାନର ଜାତୀୟ ଫୁଲ। ଏହାକୁ ଫୁଟିବା ଦେଖି ଲୋକେ ଆନନ୍ଦିତ ହୁଅନ୍ତି। ‘ଚେରି ବ୍ଲଜମ୍ସ’ ଜାପାନରେ ‘ସକୁରା’ ଭାବରେ ମଧ୍ୟ ଜଣାଶୁଣା।
ମାତ୍ର ୧୪ ସେକେଣ୍ଡରେ ଏହି ଭିଡିଓକୁ ୩୧ ହଜାର ଲୋକ ଦେଖିସାରିଲେଣି। ଶହଶହ ଲୋକ ଭିଡିଓକୁ ଲାଇକ୍ କରିଛନ୍ତି। ୟୁଜରମାନେ ଏହା ଉପରେ ଭିନ୍ନ ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଏହା ଏମିତି ଅନୁଭବ ଦେଉଛି, ଯେମିତି ନୀଳ ଆକାଶ ପୃଥିବୀକୁ ଚୁମ୍ବନ ଦେଉଛି। ଅନ୍ୟ ଜଣେ ଲେଖିଛନ୍ତି, ଲାଗୁଥିଲା ଯେପରି ସ୍ବର୍ଗ ପୃଥିବୀକୁ ଓହ୍ଲାଇଛି। ଅନ୍ୟ ଜଣେ ୟୁଜର କହିଛନ୍ତି, ‘ନୀଳ ପକ୍ଷୀ’ର ତରଙ୍ଗ ଚାରିଆଡ଼େ ବ୍ୟାପିଛି। ‘ଚେରି ଫୁଲ’ ଆସିବା ପରେ ଜାପାନର ଲୋକମାନେ ଏହାକୁ ଏକ ପର୍ବ ଭାବରେ ପାଳନ କରନ୍ତି, ଯାହାକୁ ‘ହନାମୀ ପର୍ବ’ କୁହାଯାଏ। ଏହା ପ୍ରତିବର୍ଷ ବସନ୍ତ ଆଗମନରେ ଜାପାନରେ ପାଳନ କରାଯାଏ। ଏହି ପର୍ବ ଦେଖିବାକୁ ହଜାର ହଜାର ପର୍ଯ୍ୟଟକ ଛୁଟି ଆସନ୍ତି।
