ଓ୍ବାଶିଂଟନ,୨।୧ : ଆମେରିକାର ରାଷ୍ଟ୍ରପତିଙ୍କ ପାଇଁ ସୁରକ୍ଷା ବ୍ୟବସ୍ଥା ତାଙ୍କ ସୁରକ୍ଷାକର୍ମୀଙ୍କ ବିଷୟରେ ଅନେକ ପ୍ରକାରର ତଥ୍ୟ ବେଳେବେଳେ ସୋସିଆଲ ମିଡ଼ିଆରେ ଭାଇରାଲ ହୋଇଥାଏ। ତାଙ୍କ କାର କାହିଁକି ସ୍ବତନ୍ତ୍ର ଏବଂ ସୁରକ୍ଷାକର୍ମୀଙ୍କ ବିଷୟରେ ଅନେକ ପ୍ରକାରର ସୂଚନା ମଧ୍ୟ ସାମ୍ନାକୁ ଆସେ। ଏପରି ଏକ ତଥ୍ୟ ସୋସିଆଲ ମିଡ଼ିଆରେ ଶେୟାର କରାଯାଇଛି ଯେ ଆମେରିକାର ରାଷ୍ଟ୍ରପତିଙ୍କ ସୁରକ୍ଷା ପାଇଁ ନିୟୋଜିତ କେତେକ କର୍ମୀ ନକଲି ହାତ ବ୍ୟବହାର କରନ୍ତି। ଦାବି ହେଉଛି ଯେ ସୁରକ୍ଷାକର୍ମୀଙ୍କ ହାତ ଯାହା ଲୋକଙ୍କୁ ଦେଖାଯାଏ ତାହା ନକଲି।
ଅନେକ ଥର ଏହି ସୂଚନା ସୋସିଆଲ ମିଡିଆରେ ଶେୟାର କରାଯାଇଛି ଯେ ଆମେରିକାର ରାଷ୍ଟ୍ରପତିଙ୍କ ସୁରକ୍ଷାରେ ନିୟୋଜିତ କର୍ମୀମାନେ ନକଲି ହାତ ଲଗାଇଥାନ୍ତି। ଏହି ସତ୍ୟକୁ ପ୍ରମାଣ କରିବାକୁ ସୋସିଆଲ ମିଡିଆରେ ଅନେକ ଫଟୋ ଏବଂ ଭିଡିଓ ମଧ୍ୟ ଶେୟାର କରାଯାଇଛି। ନିକଟରେ ଏକ ସମାନ ତଥ୍ୟ କୋରା ୱେବସାଇଟରେ ଶେୟାର କରାଯାଇଥିଲା। ଏହାପୂର୍ବରୁ, ଫେସବୁକରେ ଅନେକ ପୋଷ୍ଟରେ ମଧ୍ୟ ଦାବି କରାଯାଇଛି ଯେ ଦୃଶ୍ୟମାନ ହେଉଥିବା ସୁରକ୍ଷାକର୍ମୀଙ୍କ ହାତ ପ୍ରକୃତ ନୁହେଁ ନକଲି। ବରଂ ସେମାନେ ପ୍ରକୃତ ହାତକୁ ଲୁଚାଇ ରଖିଥାନ୍ତି।
ସୋସିଆଲ ମିଡିଆ ଦାବି ଅନୁଯାୟୀ ସୁରକ୍ଷାକର୍ମୀଙ୍କୁ ନକଲି ହାତ ଦିଆଯାଉଛି ଯାହା ଦ୍ୱ।ରା ସେମାନଙ୍କର ପ୍ରକୃତ ହାତର ଗତିବିଧିକୁ କେହି ବୁଝି ପାରିବେ ନାହିଁ। ଏହା ସହିତ କୁହାଯାଇଛି ଯେ ଏହି ପରିସ୍ଥିତିରେ ସୁରକ୍ଷାର୍କମୀମାନେ ସର୍ବଦା ବନ୍ଧୁକକୁ ପ୍ରକୃତ ହାତରେ ଧରିଥାନ୍ତି , ଯାହାଦ୍ୱାରା କୌଣସି ପ୍ରତିକୂଳ ପରିସ୍ଥିତିରେ ରାଷ୍ଟ୍ରପତିଙ୍କୁ ତୁରନ୍ତ ସୁରକ୍ଷା ପ୍ରଦାନ କରାଯାଇପାରିବ। ସେଥିପାଇଁ ଆକ୍ରମଣକାରୀଙ୍କୁ ବିଭ୍ରାନ୍ତ କରିବା ପାଇଁ ଏହି କୌଶଳ ବ୍ୟବହୃତ ହୋଇଥାଏ।
ତେବେ ଏହି ଦାବିଗୁଡ଼ିକରେ କେତେ ସତ୍ୟ ଅଛି। ରଏଟର୍ସରେ ଏହା ଉପରେ ଏକ ରିପୋର୍ଟ ମଧ୍ୟ ପ୍ରକାଶ ପାଇଛି ଏବଂ ଯେଉଁଥିରେ ଏହି ତଥ୍ୟଗୁଡ଼ିକୁ ଭୁଲ କୁହାଯାଇଛି। ରଏଟର୍ସର ଫ୍ୟାକ୍ଟ ଚେକ ରିପୋର୍ଟ ଅନୁଯାୟୀ, ଏହିପରି କିଛି ନାହିଁ ଏବଂ ଏହା ଅନେକ ଭିଡିଓରେ ଶେୟାର କରାଯାଇଛି। ମାତ୍ର ସୁରକ୍ଷାକର୍ମୀମାନେ ନକଲି ହାତ ବ୍ୟବହାର କରନ୍ତି ନାହିଁ। ଏଭଳି ପରିସ୍ଥିତିରେ ସୋସିଆଲ ମିଡିଆରେ ଶେୟାର କରାଯାଉଥିବା ଏହି ସୂଚନା ଭୁଲ ଅଟେ।
