ମସ୍କୋ,୨।୧ : ଜଣେ ମହିଳା ପ୍ରାୟତଃ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଦେଖାଯାଇଥାନ୍ତି। ଏହି ରହସ୍ୟମୟୀ ମହିଳାଙ୍କୁ ନେଇ ରୁଷିଆରେ ଏକ ପୃଥକ ବିତର୍କ ଆରମ୍ଭ ହୋଇଛି। ନୂତନ ବର୍ଷ ଅବସରରେ ରାଷ୍ଟ୍ରପତି ପୁଟିନ ଅନେକ ବଡ ଦେଶର ନେତାଙ୍କୁ ଅଭିନନ୍ଦନ ଜଣାଇ ନାହାଁନ୍ତି। ନୂଆ ବର୍ଷରେ ଭ୍ଲାଦିମିର ପୁଟିନଙ୍କ ଭାଷଣ ସମୟରେ ଏହି ମହିଳାଙ୍କୁ ସାମରିକ ୟୁନିଫର୍ମରେ ମଧ୍ୟ ଦେଖିବାକୁ ମିଳିଛି। ଏଭଳି ପରିସ୍ଥିତିରେ ସମସ୍ତେ ଜାଣିବାକୁ ଚାହାଁନ୍ତି ଯେ ଏହି ମହିଳା କିଏ?
ଲରିସା ସର୍ଗୁଖିନା ନାମକ ଏହି ମହିଳାଙ୍କୁ ପୁଟିନଙ୍କ ସହ ବିଭିନ୍ନ କାର୍ଯ୍ୟକ୍ରମରେ ଦେଖିବାକୁ ମିଳିଥାଏ। କେହି କେହି କହିଛନ୍ତି ଯେ ସେ ପୁଟିନଙ୍କ ଜଣେ ଦୃଢ଼ ସମର୍ଥକ ହୋଇଥିବାବେଳେ କେହି କେହି କହିଛନ୍ତି ଯେ ପୁଟିନ ଏବଂ ତାଙ୍କ ମଧ୍ୟରେ ସମ୍ପର୍କ ଅଛି।
ଜାନୁଆରୀ ୧ ରେ, ଯେତେବେଳେ ରାଷ୍ଟ୍ରପତି ପୁଟିନ ନୂତନ ବର୍ଷ ଅବସରରେ ଦେଶକୁ ସମ୍ବୋଧିତ କରିଥିଲେ, ଏହି ସମୟରେ ତାଙ୍କ ପଛରେ ୨୦ ଲକ୍ଷ ସୈନ୍ୟ ଠିଆ ହୋଇଥିବା ଦେଖାଯାଇଥିଲା। ପୁଟିନ ତାଙ୍କ ଅଭିଭାଷଣରେ ଅନେକ ପାଶ୍ଚାତ୍ୟ ଦେଶ ପ୍ରତି ଆକ୍ରମଣାତ୍ମକ ମନୋଭାବ ପ୍ରଦର୍ଶନ କରିଥିଲେ। ଏହି ସମୟରେ ପୁଟିନଙ୍କ ସହ ଏହି ମହିଳା ସାମରିକ ପୋଷାକରେ ମଧ୍ୟ ନଜର ଆସିଥିଲେ।
ବାସ୍ତବରେ ପୁଟିନ ଏବଂ ଏହି ମହିଳାଙ୍କୁ ପ୍ରଥମେ ରୁଷିଆ ଟୁଡେ ଟିଭିରେ ପ୍ରସାରିତ ଏକ ଏପିସୋଡରେ ଦେଖିବାକୁ ମିଳିଥିଲା। ଏହା ପରେ, ମାର୍ଚ୍ଚ ୨୦୧୮ ଆରମ୍ଭରେ, ମସ୍କୋର ଲୁଜନିକି ଷ୍ଟାଡିୟମରେ ଏକ କନ୍ସର୍ଟରେ ଲାରିସା ରାଷ୍ଟ୍ରପତି ପୁଟିନଙ୍କ ସହ ସେଲଫି ନେଇଥିଲେ। ପୁଟିନ ଏହି ସମୟରେ ତାଙ୍କ କପାଳକୁ ଚୁମ୍ବନ ଦେଇଥିଲେ। ସେବେଠାରୁ ଉଭୟଙ୍କ ଖବର ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଥିଲା।
ଗଣମାଧ୍ୟମ ରିପୋର୍ଟ ଅନୁଯାୟୀ ଏହି ମହିଳା ଡୁମା ଆୟୋଗର ଜଣେ ସଦସ୍ୟ। ଅନେକ ମଧ୍ୟ ବିଶ୍ୱାସ କରନ୍ତି ଯେ ଏହି ମହିଳାଙ୍କୁ କିଛି ସୁଟିଂ ପାଇଁ ସୱତନ୍ତ୍ର ଭାବେ ଡକାଯାଇଥାଏ। କିଛି ଲୋକ ଏହା ମଧ୍ୟ କହିଛନ୍ତି ଯେ ପୁଟିନଙ୍କ ପଛରେ ସାମରିକ ପୋଷାକ ପିନ୍ଧିଥିବା ଲୋକମାନେ କେବଳ ଦରମା ପ୍ରାପ୍ତ ଅଭିନେତା ଅଟନ୍ତି।
