ଆଜିକାଲି ଆଣ୍ଡ୍ରଏଡ ଠାରୁ ଆଇଫୋନ ପର୍ଯ୍ୟନ୍ତ ପ୍ରାୟ ପ୍ରତ୍ୟେକ ଫୋନରେ USB ଟାଇପ C ଚାର୍ଜର ବ୍ୟବହାର କରାଯାଉଛି। କିନ୍ତୁ ଏଠାରେ ବଡ଼ ପ୍ରଶ୍ନ ହେଉଛି, ଟାଇପ ସି ଚାର୍ଜର ଆପଣଙ୍କ ମୋବାଇଲ ଫୋନକୁ ମଧ୍ୟ କ୍ଷତି ପହଞ୍ଚାଇପାରେ। ଆଜ୍ଞା ହଁ, ଟାଇପ C ଚାର୍ଜର ଆପଣଙ୍କ ମୋବାଇଲ ଫୋନ ପାଇଁ ’ଖଳନାୟକ’ ମଧ୍ୟ ପ୍ରମାଣିତ ହୋଇପାରେ।
ଯଦି ଆପଣଙ୍କ ଫୋନ ସହିତ ଆସିଥିବା ମୂଳ ଚାର୍ଜରଟି ନଷ୍ଟ ହୋଇଯାଏ ଏବଂ ଆପଣ ବଜାରକୁ ଯାଇ ଏକ ଶସ୍ତା ଟାଇପ C ଚାର୍ଜର କିଣିଛନ୍ତି, ତେବେ ଆପଣଙ୍କର ଏହି ଛୋଟ ଅବହେଳା ଆପଣଙ୍କ ପାଇଁ ବଡ଼ କ୍ଷତି ଆଣିପାରେ। ଫୋନଟି ଶସ୍ତା ଚାର୍ଜରରେ ଚାର୍ଜ ହେବ କିନ୍ତୁ ଧୀରେ ଧୀରେ ଆପଣ ଏହାର ଅସୁବିଧା ବୁଝିପାରିବେ। ଯେତେବେଳେ ଆପଣ ଆପଣଙ୍କର ଫୋନକୁ ଏହି ଶସ୍ତା ଚାର୍ଜରରେ ଚାର୍ଜ କରନ୍ତି, ଏହି ଚାର୍ଜର ଫୋନକୁ ଅଧିକ ଭୋଲଟେଜ ଯୋଗାଇବ, ଯାହା କେବଳ ଆପଣଙ୍କ ମୋବାଇଲ ଫୋନର ବ୍ୟାଟେରୀକୁ ନୁହେଁ ବରଂ ଫୋନର ମଦରବୋର୍ଡକୁ ମଧ୍ୟ କ୍ଷତି ପହଞ୍ଚାଇପାରେ।
ଟାଇପ C ଚାର୍ଜର ଆପଣଙ୍କ ଫୋନକୁ ଶୀଘ୍ର ଚାର୍ଜ କରିବାରେ ସକ୍ଷମ, ତେଣୁ କିଛି ଲୋକ ବ୍ୟାଟେରୀ ଟିକେ କମ ହେଲେ ଫୋନକୁ ବାରମ୍ବାର ଚାର୍ଜିଂରେ ଲଗାନ୍ତି। ଏହା କରିବା ଦାରା ବ୍ୟାଟେରୀ ଲାଇଫ ହ୍ରାସ ପାଇବାକୁ ଲାଗେ। ନିମ୍ନମାନର ଚାର୍ଜର କେବଳ ଫୋନ ଗରମ କରେ ତାହା ନୁହେଁ ବରଂ ସର୍ଟ ସର୍କିଟ ମଧ୍ୟ ସୃଷ୍ଟି କରିପାରେ। ଯଦି ଏହା ହୁଏ, ତେବେ ଫୋନ ମଧ୍ୟ ବିସ୍ଫୋରଣ ହୋଇପାରେ।
ପ୍ରତ୍ୟେକ ଫୋନ ପାଇଁ ଚାର୍ଜିଂ ପାୱାର ଭିନ୍ନ ହୋଇଥାଏ, ଉଦାହରଣ ସ୍ବରୂପ କିଛି ଫୋନ 18 ୱାଟ ଫାଷ୍ଟ ଚାର୍ଜିଂକୁ ସମର୍ଥନ କରେ ଏବଂ କିଛି ଫୋନ 120 ୱାଟ ଫାଷ୍ଟ ଚାର୍ଜିଂକୁ ସମର୍ଥନ କରେ। ଏପରି ପରିସ୍ଥିତିରେ, ଭୁଲ ଚାର୍ଜରରେ ଡିଭାଇସ ଚାର୍ଜ କରିବା ଦ୍ୱାରା ହ୍ୟାଣ୍ଡସେଟର କାର୍ଯ୍ୟଦକ୍ଷତା ମଧ୍ୟ ପ୍ରଭାବିତ ହୋଇପାରେ।
କ୍ଷତିକୁ କିପରି ଏଡାଇବା?
ଚାର୍ଜିଂ କେବଲର କ୍ଷେତ୍ରରେ ମଧ୍ୟ ସେହିପରି, ଯଦି ଆପଣ ଆପଣଙ୍କ ଡିଭାଇସକୁ ଭଲ ପାଆନ୍ତି ଏବଂ ଆପଣଙ୍କ ଫୋନ ଠିକ ଭାବରେ କାମ କରୁ ବୋଲି ଚାହାଁନ୍ତି, ତେବେ ସର୍ବଦା ମୂଳ ଚାଜର୍ର୍ ଏବଂ କେବୁଲ ବ୍ୟବହାର କରନ୍ତୁ। ଯଦିଓ ଏହା କ୍ଷତିଗ୍ରସ୍ତ ହୁଏ, ଏକ ଅଧିକୃତ ମୋବାଇଲ କେଆରକୁ ଯାଆନ୍ତୁ ଏବଂ କେବଳ ମୂଳ ଚାର୍ଜର ଏବଂ କେବୁଲ କିଣନ୍ତୁ।
