କୁକୁରକୁ ଗାଡ଼ି ପଛରେ ବାନ୍ଧି ଘୋଷାଡ଼ିଲେ ଦୁଇ ମହିଳା
10:24 pmJune 30, 2021June 30, 2021 / 55

ଚଣ୍ଡିଗଡ଼,୩୦।୬: ପଶୁଙ୍କ ପ୍ରତି ବର୍ବରତା ମାମଲାରେ ପଞ୍ଜାବର ପଟିଆଲାର ଦୁଇ ମହିଳା ଗିରଫ ହୋଇଛନ୍ତି। ଗିରଫ ହୋଇଥିବା ଦୁଇ ଅଭିଯୁକ୍ତାଙ୍କ ନାମ ଚଞ୍ଚଲ ଓ ସୋନିଆ। ଦୁହେଁ ସେମାନଙ୍କ ସ୍କୁଟି ପଛପଟେ ଏକ କୁକୁରକୁ ବାନ୍ଧି ରାସ୍ତାରେ ଘୋଷାଡ଼ି ଘୋଷାଡ଼ି ବୁଲାଇଥିଲେ। ଜୁନ ୨୦ ତାରିଖରେ ଘଟିଥିବା ଏହି ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା। ପଶୁଙ୍କ ପ୍ରତି ବର୍ବରତା ଆଇନ ଅନୁଯାୟୀ, ମାମଲା ରୁଜୁ କରାଯିବା ପରେ ଦୁଇ ମହିଳାଙ୍କୁ ଗିରଫ କରାଯାଇଥିଲା। ପରେ ଜାମିନ ମିଳିବାରୁ ଦୁଇ ମହିଳାଙ୍କୁ ଛଡ଼ା ଯାଇଛି। ଗୁରୁତର ଆଘାତ ଯୋଗୁ ଗତ ୨୪ରେ ଉକ୍ତ କୁକୁରର ମୃତ୍ୟୁ ହୋଇଥିଲା।