କେନ୍ଦୁଝର, ୨୩ା୧୧(ସ୍ବ.ପ୍ର.): କେନ୍ଦୁଝର ଜିଲା ଯୋଡା ଥାନା ଅଞ୍ଚଳରେ ଜଣେ ନାବାଳିକାକୁ ଗଣବଳାତ୍କାର କରିବା ଘଟଣାରେ ଅତିରିକ୍ତ ଜିଲା ଜଜ୍ ଓ ସ୍ବତନ୍ତ୍ର ଜଜ୍ ଲୋକନାଥ ସାହୁ ସୋମବାର ପୋକ୍ସୋ ଆଇନରେ ୨ ଜଣଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ସେମାନେ ହେଲେ ଶ୍ରୀବାସ୍ତବ ଲୋହାର (୨୦) ଓ ଦୁମ୍ବି ମୁଣ୍ଡା (୨୫)। ଉଭୟଙ୍କ ଘର ଯୋଡା ଆଜାଦ ବସ୍ତିରେ ବୋଲି ଜଣାପଡିଛି
୨ ଜଣଙ୍କୁ ଆଜୀବନ କାରାଦାଣ୍ଡ ସହ ୧୦ ହଜାର ଟଙ୍କା ଜରିମାନା ହୋଇଛି। ଜରିମାନା ଅନାଦେୟ ହେଲେ ଆଉ ଏକ ବର୍ଷ କାରାଦଣ୍ଡ ଆଦେଶ ହୋଇଛି । ଏହି ଘଟଣାରେ ଅନ୍ୟ ୩ ଜଣ ପ୍ରମାଣ ଅଭାବରୁ ଖଲାସ ହୋଇଥିବା ସରକାରୀ ଓକିଲ ଗଣେଷ ପ୍ରସାଦ ମହାପାତ୍ର କହିଛନ୍ତି।
ପ୍ରକାଶ ଯେ, ସମ୍ପୃକ୍ତ ନାବାଳିକାଙ୍କର ଅଭିଯୁକ୍ତ ଶ୍ରୀବାସ୍ତବଙ୍କର ପ୍ରେମ ସମ୍ପର୍କ ରହିଥିଲା । ୨୦୧୯ ମସିହା ଜୁନ୍ ମାସରେ ଶ୍ରୀବାସ୍ତବ ଉକ୍ତ ନାବାଳିକାଙ୍କୁ ଡାକି ବଳାତ୍କାର ଉଦ୍ୟମ କରିଥିଲା । ଏହି ସମୟରେ ଅନ୍ୟ ଅଭିଯୁକ୍ତମାନେ ପହଞ୍ଚିଥିଲେ। ପ୍ରତିବାଦ ସତ୍ତ୍ୱେ ଜଣଙ୍କ ପରେ ଜଣେ ତାଙ୍କୁ ବଳାତ୍କାର କରିଥିବା ନେଇ ଅଭିଯୋଗ ହୋଇଥିଲା । ଅଭିଯୋଗ ପରେ ପୋଲିସ ୫ ଜଣଙ୍କୁ ଗିରଫକରି କୋର୍ଟ ଚାଲାଣ କରିଥିଲେ।
