ପ୍ରକୃତିକୁ ଫେରନ୍ତୁ ପର୍ଯ୍ୟଟକ

ଅନୁଗୋଳ ଅଫିସ, ୧୬।୧୨ – ରାଜ୍ୟ ପର୍ଯ୍ୟଟନରେ ଅନୁଗୋଳ ଜିଲାର ବେଶ୍‌ ଗୁରୁତ୍ୱ ରହିଛି। ସରକାରୀ ମାନଚିତ୍ରରେ ଏଠାକାର ୧୩ଟି ପର୍ଯ୍ୟଟନସ୍ଥଳୀ ସ୍ଥାନ ପାଇଛି। ସେଥିରୁ ସାତକୋଶିଆର ସୌନ୍ଦର୍ଯ୍ୟ କାହାକୁ ବା ଅଛପା। ସେଥିପାଇଁ ପ୍ରକୃତିର ଗନ୍ତାଘର ଏହି ଅଭୟାରଣ୍ୟକୁ ପ୍ରତିବର୍ଷ ପର୍ଯ୍ୟଟନ ଋତୁରେ ଧାଇଁଆସନ୍ତି ଲକ୍ଷ ଲକ୍ଷ ଅତିଥି। ଦେଶୀ ବିଦେଶୀ ପର୍ଯ୍ୟଟକଙ୍କ ମେଳରେ ବହୁଗୁଣିତ ହୋଇଉଠେ ସାତକୋଶିଆର ଶୋଭା। କିନ୍ତୁ ଚଳିତବର୍ଷ କରୋନା ଯୋଗୁ ଶୂନ୍ୟ ପଡ଼ିଛି ଏହି ପର୍ଯ୍ୟଟନସ୍ଥଳର କୋଳ। କୋଭିଡ୍‌ କଟକଣା ସାମାନ୍ୟ କୋହଳ ହୋଇଥିଲେ ମଧ୍ୟ ଭୋଜିଭାତ ପାଇଁ ଏଯାଏ ମିଳିନି ସରକାରୀ ଅନୁମତି। ପିକ୍‌ନିକ୍‌ ଋତୁ ଗଡ଼ିଯାଉଥିବାରୁ ପ୍ରକୃତିକୁ ଉପଭୋଗ ପାଇଁ ସରକାର ପର୍ଯ୍ୟଟକମାନଙ୍କୁ ଅନୁମତି ଦେବାକୁ ଅନୁଗୋଳବାସୀ ଦାବି କରିଛନ୍ତି।
କେବେଠୁ ବଜାରରେ ଗହଳି ଜମିଲାଣି। ମଲ୍‌ଗୁଡ଼ିକରେ ଭିଡ଼ ବଢ଼ିଲାଣି। ଧାର୍ମିକ ଅନୁଷ୍ଠାନ ଖୋଲିବା ନେଇ ସରକାରଙ୍କ ମତିଗତି ସ୍ପଷ୍ଟ ଦିଶିଲାଣି। କିନ୍ତୁ ପର୍ଯ୍ୟଟନ ଋତୁରେ ପର୍ଯ୍ୟଟନସ୍ଥଳୀ ଗୁଡ଼ିକରୁ କଟକଣା ସମ୍ପୂର୍ଣ୍ଣ ହଟୁନି। ଫଳରେ ପରିବାର, ସାଙ୍ଗସାଥୀଙ୍କ ସହ ବୁଲି ବାହାରିଥିବା ଲୋକେ ଭୋଜିଭାତ କରିପାରୁ ନାହାନ୍ତି। ଏ ନେଇ ପ୍ରଶାସନ ଅନୁମତି ଦେଉ ନ ଥିବାରୁ ଅଡ଼ୁଆରେ ପଡ଼ିଛନ୍ତି ଯୁବପିଢ଼ି। ବିଶେଷକରି ସାତକୋଶିଆ ଅଭୟାରଣ୍ୟ, ରେଙ୍ଗାଳି, ଡେରଜାଙ୍ଗ ଜଳଭଣ୍ଡାର, ତାଳଚେରର ମା ହିଙ୍ଗୁଳା, ଆଠମଲ୍ଲିକର ଦେଉଳଝରୀ, ବିନକେୟୀ, ଅନୁଗୋଳର ଶୈଳଶ୍ରୀକ୍ଷେତ୍ର, ମନ୍ଦରଗିରି ଆଦି ପର୍ଯ୍ୟଟନସ୍ଥଳୀ ଏଯାଏ ଖାଁ ଖାଁ ରହିଛି। ଏସବୁ ସ୍ଥାନ ପ୍ରତି ଅଧିକ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ କୋଟି କୋଟି ଟଙ୍କାରେ ଉନ୍ନୟନ କାର୍ଯ୍ୟ କରାଯାଉଛି। କିନ୍ତୁ ପ୍ରଶାସନ ପକ୍ଷରୁ ଭୋଜି କରିବାର ସୁଯୋଗ ଦିଆଯାଉ ନ ଥିବାରୁ ପର୍ଯ୍ୟଟକଙ୍କ ଗହଳି ଦେଖିବାକୁ ମିଳୁନାହିଁ। ଜିଲା ପର୍ଯ୍ୟଟନ ବିଭାଗ ତଥ୍ୟ କହୁଛି, ୨୦୧୬ରେ ଜିଲାକୁ ମୋଟ୍‌ ୮ ଲକ୍ଷ ୩୬ ହଜାର ୮୩୪ ପର୍ଯ୍ୟଟକ ଆସିଥିଲେ। ୨୦୧୭ରେ ଏହା ବଢ଼ି ୯ ଲକ୍ଷ ୧୦ ହଜାର ୩୯୫ ହୋଇଥିଲା। ୨୦୧୮ରେ ୯ ଲକ୍ଷ ୮୮ ହଜାର ୬୯୯ ଓ ୨୦୧୯ରେ ପ୍ରାୟ ୧୦ ଲକ୍ଷ ପର୍ଯ୍ୟଟକ ଜିଲା ପର୍ଯ୍ୟଟନରେ ସାମିଲ ହୋଇଥିଲେ। ଆଗକୁ ବଡ଼ ଦିନ(ଏକ୍ସମାସ୍‌) ଛୁଟି ଆସୁଛି। ନୂଆବର୍ଷକୁ ନେଇ ନୂଆ ଉତ୍ସାହ ରହିଛି। କିନ୍ତୁ ପ୍ରଶାସନ ସ୍ଥିତି ସ୍ପଷ୍ଟ କରୁ ନ ଥିବାରୁ ଜିଲା ପର୍ଯ୍ୟଟନକୁ ଲାଭ ମିଳିପାରୁ ନାହିଁ।

ଗୃହ ବନ୍ଧନରୁ ମୁକ୍ତି ମିଳୁ
କରୋନା କାରଣରୁ ଢେର ଦିନ ହେଲା ଘରେ ବସି ରହିଛୁ। ଏବେ ପୂର୍ବପରି ଆତଙ୍କର ବାତାବରଣ ନାହିଁ। କଟକଣା ମଧ୍ୟରେ ଉପନିର୍ବାଚନ କରାଗଲା। ମାର୍କେଟ, ମଲ୍‌ ଖୋଲିଦିଆଗଲା। ହେଲେ ପର୍ଯ୍ୟଟନସ୍ଥଳରେ ଭୋଜିଭାତ ଉପରେ କଟକଣା ଉଠାଯାଉ ନାହିଁ। ଗୃହ ବନ୍ଧନରୁ ସରକାର ମୁକ୍ତି ଦେଲେ ଭଲହେବ।
-ରାଜକୁମାରୀ, ଅନୁଗୋଳ
କଟକଣା ମଧ୍ୟରେ ଅନୁମତି ଦିଆଯାଉ
କରୋନା ମଧ୍ୟରେ ହିଁ ସବୁକିଛି ସ୍ବାଭାବିକ ହେଲାଣି। ତେଣୁ ପର୍ଯ୍ୟଟନସ୍ଥଳୀରେ ଭୋଜିଭାତ ଉପରେ କାହିଁକି କଠୋର କଟକଣା ରଖାଯାଇଛି ତାହା ବୁଝାପଡ଼ୁ ନାହିଁ। ଏ ଦିଗରେ ପ୍ରଶାସନ ଗଭୀର ଭାବେ ଚିନ୍ତା କରିବାର ସମୟ ଆସିଯାଇଛି। କଟକଣା ମଧ୍ୟରେ ଏହି ଅନୁମତି ମିଳିଲେ କିଛି ଅସୁବିଧା ହେବ ନାହିଁ।
-ସତ୍ୟବ୍ରତ ବେହେରା, ଅନୁଗୋଳ
ବର୍ଷଟିଏ ଅପେକ୍ଷା କରିବାକୁ ପଡ଼ିବ
୯ ମାସ ହେଲା କୋଭିଡ୍‌ କଟକଣାକୁ ଲୋକେ ପାଳନ କରୁଛନ୍ତି। ସେଥିପାଇଁ ସଂକ୍ରମଣ ହାର ବେଶ୍‌ ହ୍ରାସ ପାଇଛି। ସରକାରୀ, ବେସରକାରୀ କାର୍ଯ୍ୟ ପୂର୍ବପରି ଜାରି ରହିଛି। ପର୍ଯ୍ୟଟନ ଋତୁ ଆରମ୍ଭ ହୋଇସାରିଥିବାରୁ ଆଉ ଦିନ କେଇଟା ଭ୍ରମଣର ସୁଯୋଗ ରହିଛି। କଟକଣା କୋହଳ କରା ନ ଗଲେ ପୁଣି ବର୍ଷେ ଅପେକ୍ଷା କରିବାକୁ ପଡ଼ିବ।
-ନମିତା ମିଶ୍ର, ଅନୁଗୋଳ
ସ୍ଥିର କରି ମଧ୍ୟ ଯାଇପାରୁନୁ
ମହାମାରୀର ପ୍ରଭାବ ହ୍ରାସକୁ ଦେଖି ସାଙ୍ଗମାନେ ମିଶି ପିକ୍‌ନିକ୍‌ ଯିବାକୁ ସ୍ଥିର କରିଛୁ। କିନ୍ତୁ ଭୋଜି ପାଇଁ ଅନୁମତି ମିଳୁ ନ ଥିବାରୁ ଏଯାଏ ଯାଇପାରି ନାହୁଁ। ଜିଲା ପ୍ରଶାସନ କଟକଣା ହଟାଇଲେ ଜିଲାକୁ ଲକ୍ଷ ଲକ୍ଷ ପର୍ଯ୍ୟଟକ ଆସିପାରନ୍ତେ। ରାଜ୍ୟ ସରକାରଙ୍କ ରାଜସ୍ବ ବୃଦ୍ଧି ସହ ଲୋକଙ୍କୁ ନୂଆ ଉତ୍ସାହ ମିଳିପାରନ୍ତା।
-ଶ୍ରୀତମ କୁମାର ସାହୁ, ଅନୁଗୋଳ
ସରକାରଙ୍କ ନିକଟରୁ ନିର୍ଦ୍ଦେଶ ଆସିନି
ଜିଲାରେ ଥିବା ବିଭିନ୍ନ ପର୍ଯ୍ୟଟନ କ୍ଷେତ୍ରର ଉନ୍ନତି କରାଯାଇଛି। ଚଳିତବର୍ଷ ଅଧିକ ପର୍ଯ୍ୟଟକ ଆସିବେ ବୋଲି ଆଶା କରାଯାଇଥିଲା। ତେବେ କୋଭିଡ୍‌ ପାଇଁ ତାହା ଏଯାଏ ସମ୍ଭବ ହୋଇପାରି ନାହିଁ। ପର୍ଯ୍ୟଟନସ୍ଥଳୀରେ ଭୋଜିଭାତକୁ ସରକାର ଏଯାଏ ଅନୁମତି ଦେଇନାହାନ୍ତି। ନୂଆବର୍ଷରେ ନୂଆ ଗାଇଡ୍‌ଲାଇନ୍‌କୁ ଅପେକ୍ଷା କରାଯାଇଛି।
-ଜଗଦୀଶ ରାୟ, ଜିଲା ପର୍ଯ୍ୟଟନ ଅଧିକାରୀ


Enter your email to get our daily news in your inbox.

All Right Reserved By Dharitri.Com

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

ମା’ଙ୍କ ପୁସ୍ତକ ଉନ୍ମୋଚନ ବେଳେ ରାହୁଲ ଭାବବିହ୍ବଳ

ନୂଆଦିଲ୍ଲୀ,୧୭ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଲିଖିତ ଜୀବନୀ ପୁସ୍ତକ ‘ବିଲଙ୍ଗିଙ୍ଗ୍‌: ଏ ଜର୍ନି ଅଫ୍‌ ଲଭ୍‌’ର ଆନୁଷ୍ଠାନିକ ଉନ୍ମୋଚନ ସୋମବାର ନୂଆଦିଲ୍ଲୀରେ ହୋଇଛି। ଏହି କାର୍ଯ୍ୟକ୍ରମରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?