ବମ୍ବେ: ଟେଲିଭିଜନ ଦୁନିଆରେ ଗୋପି ବୋହୁ ନାମରେ ପରିଚିତ ଦେବୋଲିନା ଭଟ୍ଟାଚାର୍ଯ୍ୟ ଆଜି ନିଜର ଜନ୍ମଦିନ ପାଳନ କରୁଛନ୍ତି। ଏହାକୁ ନେଇ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି। ଏବେ ଆଗଧାଡ଼ିର ଅଭିନେତ୍ରୀ ପାଲଟିଥିବା ଦେବୋଲିନାଙ୍କ ନାମ ପୂର୍ବରୁ ଏକାଧିକ ବିବାଦରେ ଆସିଛି। ୨୦୧୮ରେ ବମ୍ବେର ଜଣେ ହୀରା ବ୍ୟବସାୟୀ ରାଜେଶ୍ୱର ଉଦାନୀଙ୍କ ମୃତଦେହ ଏକ ଜଙ୍ଗଲରୁ ମିଳିଥିଲା। ଏହି ଘଟଣାରେ ପୋଲିସ ଦେବୋଲିନାଙ୍କୁ ଗିରଫ କରିଥିଲା। ବ୍ୟବସାୟୀଙ୍କ ସହ କଥା ହୋଇଥିବା କିଛି ଲୋକଙ୍କ ମଧ୍ୟରୁ ଦେବୋଲିନା ଜଣେ ବୋଲି ପୋଲିସ କହିଥିଲା। ପରେ ତାଙ୍କୁ ପଚରାଉଚରା କରି ପୋଲିସ ଛାଡ଼ି ଦେଇଥିଲା।
ଏହାଛଡ଼ା ଦେବୋଲିନା ସହ କଳାକାର ଉତ୍କର୍ଷା ନାଇକଙ୍କ ଉପରେ ଅଭିଯୋଗ କରିବାକୁ ନେଇ ଚର୍ଚ୍ଚାକୁ ଆସିଥିଲେ। ଉତ୍କର୍ଷା ତାଙ୍କ କୁକୁର ଜୁଗ୍ନୁଙ୍କୁ ଚୋରି କରିନେଇଥିବା ସେ ଅଭିଯୋଗ କରିଥିଲେ। ଏହାକୁ ନେଇ ସେ ପେଟାର ଦ୍ୱାରସ୍ତ ହୋଇଥିଲେ।
କହିରଖୁଛୁ, ୨୦୧୦ରେ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ରିଆଲିଟି ଶୋ ଜରିଆରେ ନିଜର କ୍ୟାରିୟର ଆରମ୍ଭ କରିଥିଲେ ଦେବୋଲିନା। ୨୦୧୧ରେ ସେ ‘ସବାରେ ସବକେ ସପନେ ପ୍ରିତୋ’ ସିରିୟଲରେ କାମ କରିଥିଲେ। ଏଥିରେ ତାଙ୍କର ଭୂମିକାର ନାମ ଥିଲା ବାନି। ୨୦୧୨-୧୭ ପର୍ଯ୍ୟନ୍ତ ସାଥ ନିଭାନା ସାଥିୟାରେ ଗୋପି ବୋହୁ ଭୂମିକାରେ ନଜର ଆସିଥିଲେ ସେ। ଶେଷଥର ପାଇଁ ତାଙ୍କୁ ବିଗ୍ବସ୍ ସିଜ୍ ୧୩ରେ ଦେଖିବାକୁ ମିଳିଥିଲା।
