କୋଲକାତା,୩୦ା୪: ପଶ୍ଚିମବଙ୍ଗ ନିର୍ବାଚନରେ ଭାଜପା ଆଗରେ ରହିବ ବୋଲି ବିଭିନ୍ନ ଏକ୍ଜିଟ୍ ପୋଲ୍ ପୂର୍ବାନୁମାନ କରିଥିବାବେଳେ ଟିଏମ୍ସି ରାଜ୍ୟ ସଭା ସଦସ୍ୟ ଡେରେକ୍ ଓ’ବ୍ରାଏନ୍ ଏହାକୁ ଖଣ୍ଡନ କରିଛନ୍ତି। ସେ ଏଭଳି ପୂର୍ବାନୁମାନର ବିଶ୍ୱସନୀୟତା ଉପରେ ପ୍ରଶ୍ନ ଉଠାଇଛନ୍ତି। ଗତ ବିଧାନସଭା ନିର୍ବାଚନ ବେଳେ ୩ଟି ଏକ୍ଜିଟ୍ ପୋଲ୍ର ପୂର୍ବାନୁମାନ ଭୁଲ୍ ପ୍ରମାଣିତ ହୋଇଥିଲା ବୋଲି ଟିଏମ୍ସି ନେତା xରେ ଲେଖିଛନ୍ତି। ଦଳର ପୂର୍ବତନ ରାଜ୍ୟ ସଭା ସଦସ୍ୟ ସାକେତ ଗୋଖଲେ ମଧ୍ୟ ଅନୁରୂପ ମତ ଦେଇଛନ୍ତି। ଏକ୍ଜିଟ୍ ପୋଲ୍ କଡ଼ା ପ୍ରତିଦ୍ୱନ୍ଦ୍ୱିତା ହେବା କଥା କହିଥିଲେ ମଧ୍ୟ ରାଜ୍ୟରେ ଜନାଦେଶ ନିର୍ଣ୍ଣାୟକ ରହିଆସିଛି ବୋଲି ସେ କହିଛନ୍ତି।
