ରାଞ୍ଚତ୍, ୨୪ା୫: ଏକ ବିରଳ ଘଟଣା କ୍ରମରେ ଝାଡ଼ଖଣ୍ଡର ରାଜେନ୍ଦ୍ର ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଆର୍ଆଇଏମ୍ଏସ୍)ରେ ସୋମବାର ଜଣେ ମହିଳା ଏକସଙ୍ଗେ ୫ କନ୍ୟାସନ୍ତାନଙ୍କୁ ଜନ୍ମ ଦେଇଛନ୍ତି। ଅଙ୍କିତା ନାମ୍ନୀ ଏହି ମହିଳାଙ୍କ ଘର ଚତ୍ରା ଜିଲା ଇଟ୍ଖୋରି ଅଞ୍ଚଳରେ। ସେ ୭ ମାସ ହେଲା ଗର୍ଭବତୀ ଥିଲେ। ସମୟ ପୂର୍ବରୁ ପ୍ରସବ ହୋଇଥିବାରୁ ପିଲାମାନଙ୍କ ଓଜନ ସ୍ବାଭାବିକଠାରୁ କମ୍ ରହିଛି। ପିଲାମାନଙ୍କୁ ନିଓନାଟାଲ ଇଣ୍ଟେନ୍ସିଭ୍ କେୟାର ୟୁନିଟ୍ (ଏନ୍ଆଇସିୟୁ)ରେ ରଖାଯାଇଛି। ଆର୍ଆଇଏମ୍ଏସ୍ ପକ୍ଷରୁ ନବଜାତକମାନଙ୍କ ଫଟୋ ସହ ଟୁଇଟ୍ କରାଯାଇଛି। ଡାକ୍ତର ଶଶୀବାଳା ସିଂଙ୍କ ତତ୍ତ୍ୱାବଧାନରେ ସଫଳତାର ସହ ସନ୍ତାନ ପ୍ରସବ କରାଯାଇଥିଲା ବୋଲି ଏଥିରେ କୁହାଯାଇଛି।
ଅଙ୍କିତାଙ୍କ ଗର୍ଭରେ ୫ ଶିଶୁ ରହିଥିବା ଅଲ୍ଟ୍ରାସାଉଣ୍ଡରୁ ଜଣାପଡ଼ିଥିଲା। ସେମାନଙ୍କୁ ଜନ୍ମ ଦେବା ବିପଦପୂର୍ଣ୍ଣ ଓ ଆମ ପାଇଁ ଚ୍ୟାଲେଞ୍ଜ ଥିଲା ବୋଲି ଡାକ୍ତର ଶଶୀବାଳା କହିଛନ୍ତି। ତେବେ ସଫଳତାର ସହ ପିଲାମାନଙ୍କୁ ପ୍ରସବ କରାଯାଇଥିବାବେଳେ ମାଆ ଓ ଶିଶୁମାନେ ସୁସ୍ଥ ରହିଛନ୍ତି। ତେବେ ପିଲାମାନେ କମ୍ ଓଜନର ଥିବାରୁ ସେମାନଙ୍କୁ ଏନ୍ଆଇସିୟୁରେ ରଖାଯାଇଥିବା ଡ. ଶଶୀବାଳା କହିଛନ୍ତି। ଘରକୁ ଗୋଟିଏ ନୁହେଁ, ଏକସଙ୍ଗେ ୫ ଲକ୍ଷ୍ମୀ ଆସିଥିବାରୁ ସେ ବହୁତ ଖୁସି ବୋଲି ଅଙ୍କିତା କହିଛନ୍ତି। ବିବାହର ୭ ବର୍ଷ ପରେ ସେ ଗର୍ଭବତୀ ହୋଇଥିଲେ। ତାଙ୍କ ସ୍ବାମୀ ଜଣେ ଫଳ ବ୍ୟବସାୟୀ। ଆର୍ଥତ୍କ ଦୁର୍ବଳ ଶ୍ରେଣୀର ହୋଇଥିବାରୁ ଝିଅମାନଙ୍କ ଲାଳନପାଳନ ଓ ଉପଯୁକ୍ତ ଶିକ୍ଷା ପାଇଁ ଅଙ୍କିତା ଲୋକମାନଙ୍କ ସହାୟତା ଚାହିଁଛନ୍ତି।
