କୋକସରା,୩୦ା୭(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ ସାନପୋଡ଼ଗୁଡ଼ା ଗ୍ରାମରେ ଲାଗିଥିବା ବିଦ୍ୟୁତ୍ ଟ୍ରାନ୍ସଫର୍ମର ଜୁଲାଇ ୭ରୁ ବଜ୍ରପାତରେ ପୋଡ଼ି ଯାଇଥିଲା। ପରେ ଗ୍ରାମବାସୀ କୋକସରା ବ୍ଲକ ବିଦ୍ୟୁତ୍ ବିଭାଗୀୟ ଟାଟା ପାଓ୍ବାରର କନିଷ୍ଠ ଯନ୍ତ୍ରୀଙ୍କୁ ଅଭିଯୋଗ କରିଥିଲେ। ତେବେ କନିଷ୍ଠ ଯନ୍ତ୍ରୀ ପୁରୁଣା ଇଲେକ୍ଟ୍ରି ବିଲ୍ର ୩୦ ପ୍ରତିଶତ ପୈଠ କଲେ ଟ୍ରାନ୍ସଫର୍ମର ଲାଗିବ ବୋଲି କହିଥିଲେ। ଉପଭୋକ୍ତାମାନେ ଅନ୍ୟ ଉପାୟ ନପାଇ ୮୦ ହଜାର ଟଙ୍କା ବିଦ୍ୟୁତ୍ ବିଲ ପୈଠ କରିଥିଲେ। ତଥାପି ଆଜି ପର୍ଯ୍ୟନ୍ତ ବିଦ୍ୟୁତ ସଂଯୋଗ ହୋଇ ପାରିନାହିଁ। ଫୋନ କଲେ ସଂପୃକ୍ତ ଯନ୍ତ୍ରୀ ଆଜି କାଲି କହି ଦିନ ଗଡ଼ାଉଥିବା ନେଇ ଅଭିଯୋଗ ଆଣିଛନ୍ତି ଗ୍ରାମବାସୀ। ୨୭ ଦିନ ହେବ ଗାଁରେ ବିଦ୍ୟୁତ୍ ନ ଥିବାରୁ ଲୋକେ ନାହ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଉପଭୋକ୍ତା ହରେକୃଷ୍ଣ ନାଏକ, ଲକ୍ଷ୍ମୀଧର ପୂଜାରୀ, ବିମ୍ବାଧର ସାହୁ, ଧନୁର୍ଜ୍ୟ ଦାସ, କ୍ଷୀରସିନ୍ଧୁ ଗୋପାଳ, ମାନଗୋବିନ୍ଦ ନିଆଲ, ନରେନ୍ଦ୍ର ମେହେର, ସଦନ ମେହେର, ଇଶାରାମ ଜୁଏଡ଼, ଅଙ୍ଗଦ ନିଆଲ, ବିଭୀଷଣ ପୂଜାରୀ, ଅଜୟ ମାଝୀି ପୁରସ୍ତମ ମେହେର, ବଂଶୀ ମେହେର ପ୍ରମୁଖ କହିଛନ୍ତି। ଏ ନେଇ ଦାୟିତ୍ୱରେ ଥିବା ଟାଟା ପାଓ୍ବାରର କନିଷ୍ଠ ଯନ୍ତ୍ରୀ ବ୍ରଜମୋହନ ଦଳେଇଙ୍କ ପ୍ରତିକ୍ରିୟା ନେବାରୁ ଟ୍ରାନ୍ସଫର୍ମର ଲଗାଇବା ପାଇଁ ବୁର୍ଲା ଅଫିସରୁ ରିଲିଜ ଅର୍ଡର ଆସିନାହିଁ। ଆମେ ଚେଷ୍ଟା କରୁଛୁ, ଆସନ୍ତା ଦିନେ ଦୁଇଦିନ ମଧ୍ୟରେ ଟ୍ରାନ୍ସଫର୍ମର ଲଗାଯିବ ବୋଲି କହିଛନ୍ତି।
