ବାଟ ରୋକିଲା ହାଟ

ଅନୁଗୋଳ ଅଫିସ, ୨।୧୧: ଭିଡ଼ ହେଲେ ସଂକ୍ରମଣ ବଢ଼ିବ। ସେଥିପାଇଁ ନିୟନ୍ତ୍ରିତ ବଜାର କମିଟି (ଆର୍‌ଏମ୍‌ସି) ଭିତରେ ହେଉଥିବା ହାଟକୁ ପ୍ରଶାସନ ବନ୍ଦ କରି ଅନୁଗୋଳ-କଟକ ରାସ୍ତାର କଲେଜ ଛକକୁ ସ୍ଥାନାନ୍ତର କଲା। କିନ୍ତୁ ରାସ୍ତା ପାର୍ଶ୍ୱରେ ବସୁଥିବା ଉକ୍ତ ହାଟରେ କିପରି ସାମାଜିକ ଦୂରତ୍ୱ ବଜାୟ ରହିବ ଓ ଯାତାୟାତରେ ଅସୁବିଧା ହେବନାହିଁ ସେଥିପ୍ରତି ଆଖିବୁଜି ଦେଲା ପ୍ରଶାସନ। ଫଳରେ ରବିବାର ଉକ୍ତ ହାଟରେ ଭିଡ଼ ଏପରି ଅନିୟନ୍ତ୍ରିତ ହୋଇଗଲା ଯେ ଅନୁଗୋଳ-କଟକ ରାସ୍ତାରେ ଘଣ୍ଟା ଘଣ୍ଟା ଧରି ଟ୍ରାଫିକ ଜାମ୍‌ ଅବସ୍ଥା ସୃଷ୍ଟି ହେଲା। ଜରୁରୀ କାର୍ଯ୍ୟରେ ଯାଉଥିବା ଲୋକେ ଆଗକୁ ବଢ଼ିବାକୁ ବାଟ ମଧ୍ୟ ପାଇଲେ ନାହିଁ। ଏପରି କି ରୋଗୀ ନେଇ ଯାଉଥିବା ଆମ୍ବୁଲାନ୍ସ ବି ଭିଡ଼ରେ ଫସିଯାଇଥିବା ଦେଖାଯାଇଥିଲା। ଏହାକୁ ନେଇ ଯାତ୍ରୀମାନଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଥିଲା।
ଅନୁଗୋଳରେ କରୋନା କାୟା ବିସ୍ତାର କରିବା ପରେ ସାପ୍ତାହିକ ଓ ଦୈନିକ ହାଟ ଉପରେ କଟକଣା ଲଗାଯାଇଥିଲା। କିଛି ଦିନ ବନ୍ଦ ରଖାଯିବା ପରେ ଏହାକୁ ବିଭିନ୍ନ ସ୍ଥାନରେ ଥିବା ଖୋଲା ପଡ଼ିଆକୁ ସ୍ଥାନାନ୍ତର କରାଗଲା। ପୋଲିସ ଉପସ୍ଥିତିରେ ମଧ୍ୟ କେତେଦିନ କିଣାବିକା ଚାଲିଲା। ତଥାପି ଭିଡ଼ ହେବାରୁ ହାଟ ଅନୁଗୋଳ ଷ୍ଟାଡିୟମରେ ବସିବ ବୋଲି ପ୍ରଶାସନ ସ୍ଥିର କଲା। ସେଠାରେ ମଧ୍ୟ ସାମାଜିକ ଦୂରତ୍ୱ ଉପରେ ପୋଲିସ ନଜର ରଖିଲା। କିନ୍ତୁ ଗତ ଅକ୍ଟୋବର ୪ ତାରିଖରେ ଆର୍‌ଏମ୍‌ସି ସମ୍ମୁଖରେ ହାଟ ବସିବ ବୋଲି ପ୍ରଶାସନ ନିଷ୍ପତ୍ତି ନେଇଥିଲା। ଏଥିସହ ଅନୁଗୋଳ-କଟକ ରାସ୍ତାର କଲେଜ ଛକରେ ସାପ୍ତାହିକ ହାଟ ବସିଲା। ତେବେ କାର୍ତ୍ତିକ ମାସ ଆରମ୍ଭରୁ ଏହି ରବିବାରିଆ ହାଟରେ ହଠାତ୍‌ ସକାଳୁ ଭିଡ଼ ବଢ଼ିଯାଇଥିଲା। ଏହାକୁ ନିୟନ୍ତ୍ରଣ କରିବାକୁ ପୋଲିସ କି ପ୍ରଶାସନ ଗଠନ କରିଥିବା ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ କେହି ବି ନ ଥିଲା। ତେଣୁ ବ୍ୟବସାୟୀମାନେ ଯେଉଁଠି ପାରିଲେ ପସରା ମେଲାଇଦେଲେ। ପରିବା ନେବାକୁ ଆସିଥିବା ଖାଉଟି ମଧ୍ୟ ମଧ୍ୟ ଅମାନିଆ ହୋଇ ବାଇକ୍‌, ସାଇକେଲ ରାସ୍ତା ଉପରେ ରଖିବା ସହ ଭିଡ଼ ବଢ଼ାଇ ଦେଲେ। ଫଳରେ ଅବ୍ୟବସ୍ଥା ଏପରି ବଢ଼ିଗଲା ଯେ ଉକ୍ତ ରାସ୍ତାରେ ଯାତାୟାତ କରିବା କଷ୍ଟକର ହୋଇପଡ଼ିଲା। ଉଭୟ ପାର୍ଶ୍ୱରେ ଗାଡ଼ିର ଲମ୍ବା ଲାଇନ୍‌ ଲାଗିଗଲା। ଭିଡ଼ରେ ଫସି ଲୋକେ କଲବଲ ହେଉଥିବା ବେଳେ ଅନୁଗୋଳ ମେଡିକାଲରୁ ରୋଗୀଙ୍କୁ ନେଇ କଟକ ଯାଉଥିବା ଆମ୍ବୁଲାନ୍ସକୁ ମଧ୍ୟ କିଛି ସମୟ ଧରି ବାଟ ମିଳି ନ ଥିଲା। ଶୀତଋତୁ ଆସିଯାଇଥିବାରୁ ପ୍ରଶାସନ ବାରମ୍ବାର ଅଧିକ ସତର୍କ ରହିବାକୁ ଲୋକଙ୍କୁ କହୁଥିବାବେଳେ ଭିଡ଼ ନିୟନ୍ତ୍ରଣ ପାଇଁ ପଦକ୍ଷେପ ନିଆ ନ ଯିବା ସହରବାସୀଙ୍କୁ ଆଶ୍ଚର୍ଯ୍ୟ କରିଛି।

ସନ୍ଧ୍ୟାରେ ଖୋଲାଯାଉଛି ହାଟ
ସରକାରଙ୍କ ନିର୍ଦ୍ଦେଶ ପରେ ଆର୍‌ଏମ୍‌ସିର ସମସ୍ତ ହାଟ ବନ୍ଦ ରହିଛି। ତେବେ ଅନୁଗୋଳ ଷ୍ଟାଡିୟମରୁ ଗତ ଅକ୍ଟୋବର ୪ରୁ ହାଟ ଆର୍‌ଏମ୍‌ସି ସମ୍ମୁଖକୁ ସ୍ଥାନାନ୍ତର ହୋଇଛି। ତେଣୁ ହାଟ ଆର୍‌ଏମ୍‌ସି ଅଧୀନରେ ନାହିଁ। ଏହାକୁ ପୌରପାଳିକା ନିୟନ୍ତ୍ରଣ କରୁଛି।
-ଶମ୍ଭୁନାଥ ନାୟକ, ଆର୍‌ଏମ୍‌ସି ସମ୍ପାଦକ

ଆମ୍ବୁଲାନ୍ସ ଅଟକିଯିବା ଚିନ୍ତାର ବିଷୟ
ଅନୁଗୋଳରୁ ରୋଗୀ ନେଇ କଟକ ଯାଉଥିବା ଆମ୍ବୁଲାନ୍ସ ଭିଡ଼ରେ ଅଟକି ରହିବା ନିଶ୍ଚିତ ଚିନ୍ତାର ବିଷୟ। ଯଦି ସମ୍ପୃକ୍ତ ରୋଗୀଙ୍କର କିଛି ଅସୁବିଧା ହୋଇଥାନ୍ତା ତା’ହେଲେ ଏଥିପାଇଁ କିଏ ଦାୟୀ ରହିଥାନ୍ତା। ପ୍ରଶାସନ ଆଗାମୀ ଦିନ ପାଇଁ ସତର୍କ ରହିବା ଜରୁରୀ।
-ପ୍ରତାପ ମାଝି, ଅନୁଗୋଳବାସୀ

ଏନ୍‌ଫୋର୍ସମେଣ୍ଟ ଟିମ୍‌ ଗଲା କୁଆଡ଼େ
ହାଟ ବଜାରରେ ଅମାନିଆ ହେଉଥିବା ଲୋକମାନଙ୍କଠାରୁ ଜରିମାନା ଆଦାୟ ପାଇଁ ପ୍ରଶାସନ ଏନ୍‌ଫୋର୍ସମେଣ୍ଟ ଟିମ୍‌ ଗଠନ କରିଛି। ହେଲେ ରବିବାର ରାସ୍ତା ଉପରେ ଏତେ ଭିଡ଼ ହୋଇଥିଲେ ମଧ୍ୟ ପୋଲିସ କି ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ର ଦେଖା ମିଳିଲା ନାହିଁ।
-ରଶ୍ମିରଞ୍ଜନ ସାହୁ, ଅନୁଗୋଳବାସୀ

ଉପରିସ୍ଥ ଅଧିକାରୀଙ୍କ ସହ ଆଲୋଚନା କରାଯିବ
ରବିବାର ହାଟ ରାସ୍ତା କଡ଼ରେ ବସୁଥିବାରୁ ପୌରପାଳିକା କେବଳ ଟିକସ ଆଦାୟ କରୁଛି। ହାଟ କେଉଁଠି ହେବ କି ନାହିଁ, ତାହା ଉପରେ ପୌର ଅଧିକାରୀଙ୍କ କତ୍ତୃତ୍ୱ ନାହିଁ। ଆଗକୁ କିପରି ଗହଳି ହେବ ନାହିଁ ସେଥିପ୍ରତି ଦୃଷ୍ଟି ଦିଆଯିବ। ଉପରିସ୍ଥ ଅଧିକାରୀଙ୍କ ସହ ଆଲୋଚନା କରାଯିବ।
-ବିନୋଦ ଚନ୍ଦ୍ର ପଣ୍ଡା, ପୌର ନିର୍ବାହୀ ଅଧିକାରୀ


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?