କରୋନା ସଂକ୍ରମଣର ଭୟ କମ୍‌

କରୋନା ପାଇଁ ବେଶ୍‌ କିଛି ଦିନର ଲକ୍‌ ଡାଉନ୍‌, ସଟ୍‌ ଡାଉନ୍‌ ପରେ ଏବେ ପରିସ୍ଥିତିରେ ଟିକେ ସୁଧାର ଆସିଥିବାରୁ ପୁଣିଥରେ ଭ୍ରମଣପ୍ରିୟ ଲୋକେ ବୁଲିବାକୁ ମନ ବଳାଇଲେଣି। ତେବେ ସତ୍ତର୍କତା ଅବଲମ୍ବନ କରି ବୁଲିଲେ ସଂକ୍ରମଣର ଭୟ
ଟିକେ କମ୍‌ ରହିଥାଏ…
ନୋଭେଲ କରୋନା ଭାଇରସ ଭଳି ମହାମାରୀରୁ ମୁକ୍ତି ପାଇବା ପାଇଁ ଭାରତ ସମେତ ଅନ୍ୟ ଦେଶଗୁଡ଼ିକ ଆଜି ବି ନିଜର ସଂଘର୍ଷ ଜାରି ରଖିଛନ୍ତି। ଆଉ ଏହି ସଂଘର୍ଷକୁ ସଫଳ କରିବା ନିମନ୍ତେ ସ୍ବାସ୍ଥ୍ୟ ବିଭାଗ, ପରିଚ୍ଛନ୍ନ ବିଭାଗ, ପୋଲିସ ବିଭାଗ ତଥା ଅନ୍ୟ ଜରୁରିକାଳୀନ ବିଭାଗର କର୍ମଚାରୀମାନେ ନିଜ ଜୀବନକୁ ବାଜି ଲଗେଇ ନିଷ୍ଠାର ସହ ସେମାନଙ୍କର ଦାୟିତ୍ୱ ପ୍ରତିପାଦନ କରିଚାଲିଛନ୍ତି। ଏପରି କି ସର୍ବସାଧାରଣ ଲୋକ ବି ନିଜକୁ ଓ ଅନ୍ୟମାନଙ୍କୁ ସୁରକ୍ଷିତ ରଖିବା ପାଇଁ ସରକାରଙ୍କ ଦ୍ୱାରା ଜାରି କରାଯାଇଥିବା ଲକ୍‌ଡାଉନ ନିୟମକୁ ମଧ୍ୟ ସମ୍ମାନର ସହ ମାନିଛନ୍ତି, ଯାହାର ଫଳ ସ୍ବରୂପ ଏବେ ପରିସ୍ଥିତିରେ କିଛିଟା ସୁଧାର ଆସୁଥିବା ଦେଖିବାକୁ ମିଳୁଛି। ଦେଶରେ ଜାରି କରାଯାଇଥିବା ଲକ୍‌ଡାଉନ୍‌ ନିୟମରେ ମଧ୍ୟ ଅନେକ କିଛି ଢିଲା ଦିଆଗଲାଣି। ଏପରି କି ଗୋଟିଏ ସହରରୁ ଅନ୍ୟ ସହରକୁ ବୁଲିଗଲାବେଳେ ୧୪ ଦିନ କ୍ୱାରେଣ୍ଟାଇନ ରହିବାର କଡାକଡି ନିୟମକୁ ମଧ୍ୟ କେତେକ ସ୍ଥାନରେ କୋହଳ କରିଦିଆ ଯାଇଛି। ଫଳରେ ଭ୍ରମଣପ୍ରିୟ ପର୍ଯ୍ୟଟକଙ୍କ ପାଇଁ ପୁଣି ଥରେ ବୁଲିବାର ସୁଯୋଗ ଆସିଯାଇଛି। କିନ୍ତୁ ଏହି ଭ୍ରମଣ ସମୟରେ ସଂକ୍ରମଣରୁ ରକ୍ଷା ପାଇବା ପାଇଁ କିଛିଟା ସାବଧାନତା ଅବଲମ୍ବନ କରିବା ଏବେ ସମସ୍ତଙ୍କ ପାଇଁ ଜରୁରୀ ହୋଇପଡିଛି। ତେବେ ଆସନ୍ତୁ ଜାଣିବା ବର୍ତ୍ତମାନ ପରିସ୍ଥିତିରେ କେଉଁ କେଉଁ ସ୍ଥାନକୁ ବୁଲିଗଲେ ସଂକ୍ରମଣର ଭୟ ଟିକେ କମ୍‌ ରହିଛି।
ଗୋଆ: ଆକର୍ଷଣୀୟ ବିଚ୍‌ ପାଇଁ ଲୋକପ୍ରିୟତା ହାସଲ କରିଥିବା ଗୋଆ ଏବେ ପର୍ଯ୍ୟଟକଙ୍କୁ ପୁଣିଥରେ ସ୍ବାଗତ କରିବା ଆରମ୍ଭ କଲାଣି। ତେବେ ଶୁଣିବାକୁ ମିଳୁଛି ଏଠାକୁ ବୁଲିବାକୁ ଆସୁଥିବା ପର୍ଯ୍ୟଟକଙ୍କୁ ଏବେ ଆଉ କୋଭିଡ ଟେଷ୍ଟ କିମ୍ବା କ୍ୱାରେଣ୍ଟାଇନ ସେଣ୍ଟରରେ ରହିବା ପାଇଁ ବାଧ୍ୟ କରାଯାଉ ନାହିଁ। କାରଣ ଏଠାରେ ମହାମାରୀର ପରିସ୍ଥିତି ପ୍ରାୟ ନିୟନ୍ତ୍ରଣରେ ରହିଥିବା ସୂଚନା ମିଳୁଛି । ତଥାପି ଏଠାରେ ସାବଧାନତା ପ୍ରତି ଯଥେଷ୍ଟ ଗୁରୁତ୍ୱ ଦିଆଯାଉଛି।

ହିମାଚଳ ପ୍ରଦେଶ: ଯେଉଁମାନଙ୍କୁ ଟ୍ରେକିଂ, ସ୍କିଂ ଅବା ମାଉଣ୍ଟେନିଂର ମଜା ନେବାକୁ ଭଲ ଲାଗେ ସେମାନଙ୍କ ପାଇଁ ଏହି ସ୍ଥାନ ପୂରା ପରଫେକ୍ଟ କହିଲେ ଚଳେ। ଦେଶରେ କିଛି ଦିନର ବ୍ୟବଧାନ ପରେ ଏବେ ହିମାଚଳ ପ୍ରଦେଶ ପୁନର୍ବାର ତା’ର ପର୍ଯ୍ୟଟକଙ୍କୁ ସ୍ବାଗତ କରିବାକୁ ପ୍ରସ୍ତୁତ ହୋଇଗଲାଣି। ଏପରି କି ସ୍ଥାନୀୟ ସରକାର ମଧ୍ୟ ପର୍ଯ୍ୟଟକଙ୍କ ନିମନ୍ତେ ବାଧ୍ୟତାମୂଳକ କ୍ୱାରେଣ୍ଟାଇନ ରହିବାର ନିୟମକୁ କୋହଳ କରିଥିବା ଶୁଣିବାକୁ ମିଳୁଛି।
ଉତ୍ତରାଖଣ୍ଡ: ଏଠାରେ ମଧ୍ୟ ଆଗନ୍ତୁକ ଟ୍ରେକିଂ କିମ୍ବା ପାହାଡ ଉପରେ ବୁଲାବୁଲି କରିବାର ଭରପୂର ମଜା ନେଇପାରିବେ। କାରଣ ସରକାର ଏବେ ପର୍ଯ୍ୟଟକଙ୍କ ଆଗମନକୁ ନେଇ କରୋନା ପାଇଁ ଲାଗୁ ହୋଇଥିବା ଅନେକ କଡାକଡି ନିୟମକୁ ଏଠାରୁ ଉଠାଇ ନେଇଛନ୍ତି। ହେଲେ ଯେଉଁ ପର୍ଯ୍ୟଟକ ଏଠାକୁ ବୁଲିବାକୁ ଆସୁଛନ୍ତି ସେମାନଙ୍କୁ ପ୍ରଥମେ ସରକାରୀ ପୋର୍ଟାଲରେ ସେମାନଙ୍କ ନାମକୁ ରେଜିଷ୍ଟ୍ରେଶନ କରିବାର ନିୟମ ଏଠାରେ ପାଳନ କରାଯାଉଛି।

ପଣ୍ଡିଚେରୀ: ସୂଚନା ଅନୁଯାୟୀ ଏଠାରେ ବି ଏବେ ପର୍ଯ୍ୟଟକଙ୍କୁ କରୋନା ଟେଷ୍ଟ କିମ୍ବା କ୍ୱାରେଣ୍ଟାଇନରେ ରହିବା ପାଇଁ ବାଧ୍ୟ କରାଯାଉ ନାହିଁ। ଯଦି କାୈଣସି ପର୍ଯ୍ୟଟକଙ୍କଠାରେ ସଂକ୍ରମଣର କିଛିଟା ଲକ୍ଷଣ ଦେଖାଯାଉଛି , ତା’ହେଲେ ତାଙ୍କୁ ତୁରନ୍ତ ସରକାରଙ୍କ ଦ୍ୱାରା ପରିଚାଳିତ ଡାକ୍ତରଖାନା କିମ୍ବା କୋଭିଡ ସେଣ୍ଟରରେ ପରୀକ୍ଷା କରିବା ପାଇଁ ପଠାଇ ଦିଆଯାଉଛି। ଏସବୁ ସତ୍ତ୍ୱେ ଏଠାରେ ସ୍ବଚ୍ଛତା ଓ ସାବଧାନତା ପ୍ରତି ଯଥେଷ୍ଟ ଗୁରୁତ୍ୱ ଦିଆଯାଉଛି।

ଗୁଜରାଟ: ଏଠାରେ ପର୍ଯ୍ୟଟକଙ୍କୁ କେବଳ ଥର୍ମାଲ ସ୍କ୍ରିନିଂ ଟେଷ୍ଟ ଦେଇ ଗତି କରିବାକୁ ହୋଇଥାଏ। ଯଦି କାହାଠାରେ ସଂକ୍ରମଣର ଲକ୍ଷଣ ନ ଥାଏ ତା’ହେଲେ ତାଙ୍କୁ କ୍ୱାରେଣ୍ଟାଇନରେ ମଧ୍ୟ ରହିବାକୁ ପଡେନାହିଁ।
ଏସବୁ ସ୍ଥାନ ନୁହେଁ ଅରୁଣାଚଳ ପ୍ରଦେଶ, କର୍ଣ୍ଣାଟକ, ଲଦାଖ୍‌ ଭଳି ସ୍ଥାନରେ ମଧ୍ୟ ପର୍ଯ୍ୟଟକଙ୍କ ପାଇଁ କୋଭିଡ୍‌ ନିୟମ କୋହଳ ହେବା ସହିତ ସେଠାରେ ସଂକ୍ରମଣର ସମ୍ଭାବନା ବି ଯଥେଷ୍ଟ କମ୍‌ ରହିଛି।
ଜରୁରୀ ସୂଚନା
– ନିୟମ କୋହଳ ହେବାରୁ ବୁଲାବୁଲି କରିବାକୁ ଇଚ୍ଛା ହେଉଥିଲେ ବି ଅତି ଜରୁରୀ ନ ହେଲେ କୁଆଡେ ଯାଆନ୍ତୁ ନାହିଁ। କାରଣ ପରିସ୍ଥିତିରେ ସାମାନ୍ୟ ମାତ୍ର ସୁଧାର ଆସିଛି, ହେଲେ ବିପଦ ସମ୍ପୂର୍ଣ୍ଣ ଟଳି ନାହିଁ।
– ତଥାପି ବି ଯଦି ଆପଣ ବୁଲିବାକୁ ବାହାରୁଛନ୍ତି, ତାହେଲେ ମାସ୍କର ବ୍ୟବହାର, ସାମାଜିକ ଦୂରତା ରକ୍ଷା କରିବା ପରି ଅତି ଜରୁରୀ କଥାଗୁଡିକୁ ମାନିବା ଅନିବାର୍ଯ୍ୟ।

 


Enter your email to get our daily news in your inbox.

All Right Reserved By Dharitri.Com

ନୂଆ ନୂଆ ସମ୍ପର୍କ ଗଢ଼ୁଛନ୍ତି କି… ଭୁଲ୍‌ରେ ବି କରନ୍ତୁନି ଏପରି

ନୂଆ କରି ଗଢ଼ି ଉଠିଥିବା ସମ୍ପର୍କକୁ ନେଇ ସମସ୍ତଙ୍କ ମନରେ ଭୟ ଥାଏ। କାରଣ ଏହି ସମ୍ପର୍କ ସର୍ବଦା ସୂକ୍ଷ୍ମ ହୋଇଥାଏ। ଉକ୍ତ ସମ୍ପର୍କକୁ ସୁଦୃଢ଼...

ଉଷୁମପାଣି ଓ ଉଜ୍ଜ୍ୱଳ ତ୍ୱଚା

ଦୈନିକ ଦୁଇରୁ ତିନି ଗ୍ଲାସ୍‌ ଉଷୁମପାଣି ପିଇଲେ ତ୍ୱଚାର ଜଳୀୟାଂଶ ଠିକ୍‌ ରହିଥାଏ। ଫଳରେ ତ୍ୱଚା ରୁକ୍ଷ ଲାଗି ନ ଲାଗି ଚିକ୍କଣ ଏବଂ ଉଜ୍ଜ୍ୱଳ...

ଘରେ ଶାନ୍ତି ଏବଂ ଧନବୃଦ୍ଧି ପାଇଁ ଆପଣାନ୍ତୁ ଏହି ଟିପ୍ସ

ସାଧାରଣତଃ ସମସ୍ତେ ଚାହିଁଥାନ୍ତି ପରିବାରରେ ହସଖୁସିରେ ରହିବା ପାଇଁ। ଘରେ ହସ ଏବଂ ଖୁସିର ବାତାବରଣ ରହିଲେ ମା’ ଲକ୍ଷ୍ମୀଙ୍କ କୃପା ରହିଥାଏ। ଅନେକଙ୍କ ପରିବାରରେ...

କେବେ ବି ଧନୀ ହୋଇପାରିବେ ନାହିଁ ଏହି ୬ ପ୍ରକାର ଗୁଣ ଥିବା ବ୍ୟକ୍ତି, ଆପଣ ସେପରି ନୁହନ୍ତି ତ…

ଆଚାର୍ଯ୍ୟ ଚାଣକ୍ୟ ତାଙ୍କ ନୀତିଗ୍ରନ୍ଥରେ ମନୁଷ୍ୟଙ୍କ ପାଇଁ ଅନେକ ନୀତି ବିଷୟରେ ଉଲ୍ଲେଖ କରିଛନ୍ତି। ଏହାକୁ ଅନୁସରଣ କଲେ ମନୁଷ୍ୟ ଜୀବନ ସୁଖମୟ ହୋଇଥାଏ। ଚାଣକ୍ୟ...

କଳା କେଶ ଚାହୁଁଥିଲେ ଆପଣାନ୍ତୁ ଏହି ସାମାନ୍ୟ ଉପାୟ

ବର୍ତ୍ତମାନ ସମୟରେ କେଶ ପାଚିବା ଅଥବା ଧଳା ହେବା ଏକ ସାଧାରଣ କଥାରେ ପରିଗଣିତ ହେଲାଣି। ଏଥିରେ ପିଲାମାନଙ୍କ କ୍ଷେତ୍ରରେ ମଧ୍ୟ ଏଭଳି ସମସ୍ୟା ଦେଖାଯାଉଛି।...

ଜୁନ୍‌ ୧୦ରେ ବର୍ଷର ପ୍ରଥମ ସୂର୍ଯ୍ୟପରାଗ: ଜାଣନ୍ତୁ କେଉଁ ରାଶି ଉପରେ କ’ଣ ପଡିବ ପ୍ରଭାବ

ଜୁନ୍‌ ୧୦ରେ ବର୍ଷର ପ୍ରଥମ ସୂର୍ଯ୍ୟପରାଗ: ଜାଣନ୍ତୁ କେଉଁ ରାଶି ଉପରେ କ’ଣ ପଡିବ ପ୍ରଭାବ ଚଳିତବର୍ଷର ପ୍ରଥମ ସୂର୍ଯ୍ୟପରାଗ ଜୁନ ୧୦ରେ ହେବ। ଏଥର...

କିଶୋରାବସ୍ଥାରେ ଏପରି ନିଅନ୍ତୁ ପିଲାମାନଙ୍କ ସ୍ବାସ୍ଥ୍ୟର ଯତ୍ନ: ଖାଦ୍ୟରେ ସାମିଲ କରନ୍ତୁ ଏସବୁ…

ଶରୀରର ସାମଗ୍ରିକ ବିକାଶ ପାଇଁ ଖାଦ୍ୟରେ ସମସ୍ତ ପୋଷକତତ୍ତ୍ୱ ରହିବା ଅତ୍ୟନ୍ତ ଆବଶ୍ୟକ। କାରଣ ପୋଷକତତ୍ତ୍ୱ ଦ୍ୱାରା ଶରୀରର ବିକାଶ ସାଙ୍ଗକୁ ଉଚ୍ଚତା ମଧ୍ୟ ବୃଦ୍ଧି...

ଏସବୁ କୁଅଭ୍ୟାସ ଥିଲେ ହୋଇପାରନ୍ତି ମୋଟା

ଖାଲି ଖାଦ୍ୟ ଯୋଗୁ ଯେ ଲୋକେ ମୋଟା ହୁଅନ୍ତି ତାହା ନୁହେଁ, ଏକ ଗବେଷଣାରୁ ଜଣାପଡ଼ିଛି, କେତେକ ଖରାପ ଅଭ୍ୟାସ ଯୋଗୁ ଲୋକେ ଖୁବ୍‌ଶୀଘ୍ର ମୋଟା...

Advertisement


Archives

Model This Week