ରାୟଗଡ଼ା ଅଫିସ,୫।୫: ପୋଲିିସ ଏଏସଆଇଙ୍କ ଘର ଚୋରି। ପ୍ରାୟ ୧୭ ଭରି ସୁନା, ଅଧା କେଜି ରୁପା ସହିତ ନଗଦ ୫୦ ହଜାର ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି। ଏଭଳି ଘଟଣାଟି ଘଟିଛି ରାୟଗଡ଼ା ସହରରେ।
ରାୟଗଡ଼ା ସହରର ସାଇପ୍ରିୟା ନଗର ୧୧ ନମ୍ବର ଲେନ୍ରେ କଳାହାଣ୍ଡି ଜିଲା କେସିଙ୍ଗା ଥାନାରେ କାର୍ଯ୍ୟରତ ଏଏସ୍ଆଇ ଅନୁପ ଶତପଥୀଙ୍କ ଘର ରହିଛି। ସେଠାରେ ତାଙ୍କ ପରିବାର ଲୋକେ ରହନ୍ତି। ତେବେ ଗତ ମଙ୍ଗଳବାର ଠାରୁ ପରିବାର ଲୋକେ ଘରେ ତାଲା ପକାଇ କେସିଙ୍ଗା ଯାଇଥିଲେ। ଘରେ କେହି ନ ଥିବା ସୁଯୋଗ ନେଇ ଦୁର୍ବୃତ୍ତ କଳାକନା ବୁଲାଇଛନ୍ତି। ଗ୍ରୀଲ ତାଡ଼ି ଦୁର୍ବୃତ୍ତ ଘରେ ପଶିଥିଲେ। ଆଲମାରିରେ ଥିବା ୩ଟି ସୁନା ଚେନ, ୧୨ଟି ସୁନା ଲକେଟ, ୪ ହଳ ସୁନା କାନ ଫୁଲ, ୪ଟି ମୁଦି ସହିତ ରୁପାର ଲକ୍ଷ୍ମୀ ଓ ଗଣେଶ ଠାକୁରଙ୍କ ମୂର୍ତ୍ତି, ୫୦୦ ଗ୍ରାମର ଅନ୍ୟାନ୍ୟ ରୁପା ସାମଗ୍ରୀ ଏବଂ ନଗଦ ୫୦ ହଜାର ଟଙ୍କା ଲୁଟି ନେଇଛନ୍ତ।
