ପୋଲିସ-ଜନତା ଦୂରତ୍ୱ କମିବ

ଅନୁଗୋଳ ଅଫିସ, ୨୦।୩ କଟକ-ଭୁବନେଶ୍ୱର ପରି ଏଣିକି ଅନୁଗୋଳ ଜିଲା ସଦର ମହକୁମାରେ ମିଳିବ ତ୍ୱରିତ ପୋଲିସ ସେବା। କୌଣସି ଅସୁବିଧାଜନକ ସ୍ଥିତିରେ କେହି ୧୧୨କୁ ଡାଏଲ କରିବା ମାତ୍ରେ ଜିପିଏସ୍‌ ପଦ୍ଧତିରେ ଠିକଣା ଠାବ କରି ପୋଲିସ ପହଞ୍ଚିବା ସହ ଜରୁରୀ ସେବା ଯୋଗାଇ ଦେବ। ଆବଶ୍ୟକସ୍ଥଳେ ଅଗ୍ନିଶମ ଓ ଆମ୍ବୁଲାନ୍ସ ମଧ୍ୟ ସେହି ଫୋନ୍‌ କଲ୍‌ ମାଧ୍ୟମରେ ପହଞ୍ଚିପାରିବ। ରାଜ୍ୟ ସରକାରଙ୍କ ପକ୍ଷରୁ ଶୁକ୍ରବାରଠାରୁ ଏହି ଇଆର୍‌ଏସ୍‌ଏସ୍‌ (ଏମରଜେନ୍ସି ରେସପନ୍ସ ସର୍ପୋଟ ସିଷ୍ଟମ) ସେବାର ଉଦ୍‌ଘାଟନ କରାଯାଇଛି।

ଏ ନେଇ ଅନୁଗୋଳ ଜିଲା ପୋଲିସ ମୁଖ୍ୟାଳୟରେ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏସ୍‌ପି ଜଗମୋହନ ମୀନା ଏହାର ଆୟୋଜନ ସହ ଅନୁଗୋଳ ଥାନା ଅଧିକାରୀଙ୍କୁ ମିଶାଇ ୬ ଜଣ ଅଧିକାରୀଙ୍କୁ ପ୍ରଶିକ୍ଷଣ ଦେଇଥିଲେ। ଜରୁରୀ ସ୍ଥିତିରେ ଲୋକଙ୍କ ନିକଟରେ ପହଞ୍ଚିବା ପାଇଁ ପୋଲିସକୁ ୨ଟି ପିସିଆର ଭ୍ୟାନ ଓ ୨ଟି ବାଇକ୍‌ ଦିଆଯାଇଛି। ଉକ୍ତ ଭ୍ୟାନ୍‌ରେ ଜିପିଏସ୍‌ ବ୍ୟବସ୍ଥା ଥିବା ଦୁଇଟି ଟାବ୍‌ଲେଟ୍‌ ଲଗାଯାଇଛି। ବାଇକ୍‌ରେ ଯିବାକୁ ଥିବା ପୋଲିସ ଅଧିକାରୀଙ୍କୁ ଟାବଲେଟ୍‌ ପ୍ରଦାନ କରାଯାଇଛି। ୧୧୨କୁ କେହି କଲ୍‌ କଲେ ତାହା ଭୁବନେଶ୍ୱରର କଲ୍‌ ସେଣ୍ଟରକୁ ଯିବ। ସେଠାରେ ଡ୍ୟୁଟିରେ ଥିବା ପୋଲିସ କର୍ମଚାରୀ ତୁରନ୍ତ କଲ୍‌ କରିଥିବା ବ୍ୟକ୍ତଙ୍କ ଉପସ୍ଥିତି ଜିପିଏସ୍‌ ମାଧ୍ୟମରେ ଠାବ କରି ଜିଲା ପୋଲିସ ମୁଖ୍ୟାଳୟ କଣ୍ଟ୍ରୋଲ ରୁମ୍‌କୁ ପଠାଇବେ। ଉକ୍ତ ସୂଚନା ଆଧାରରେ ଇଆର୍‌ଏସ୍‌ଏସ୍‌ ଗାଡ଼ି ସହ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚିବେ। ଗାଡ଼ିରେ ଲାଗିଥିବା ଟାବଲେଟ୍‌ରେ ସହାୟତା ଚାହଁୁଥିବା ବ୍ୟକ୍ତିଙ୍କ ସ୍ଥାନ, ଫୋନ୍‌ ନମ୍ବର ଓ ରାସ୍ତା ପୋଲିସ ଦେଖିପାରିବ। ସେଠାରେ ପହଞ୍ଚତ୍ ସମସ୍ୟା ସମ୍ପର୍କରେ ପୋଲିସ ଅଧିକାରୀ ଉଚ୍ଚ ପଦସ୍ଥ ଅଧିକାରୀଙ୍କୁ ଅବଗତ କରିବେ। ଏଥିସହ ଘଟଣାସ୍ଥଳରେ କିଭଳି ଭାବେ ଲୋକଙ୍କୁ ସେବା ଯୋଗାଇ ହେବ, ସେ ନେଇ ନିଷ୍ପତ୍ତି ମଧ୍ୟ ନେବେ। ଏହି ତ୍ୱରିତ ସେବା ଦ୍ୱାରା ପୋଲିସ ଜନସାଧାରଣଙ୍କ ଅଧିକ ନିକଟତର ହୋଇପାରିବ ବୋଲି ପୋଲିସ ପକ୍ଷରୁ ଆଶାବ୍ୟକ୍ତ କରାଯାଇଛି।

ଲୋକଙ୍କ ବିଶ୍ୱାସ ବଢ଼ିବ
ଅସୁବିଧାରେ ପଡ଼ିଥିବା ଲୋକଙ୍କୁ ତୁରନ୍ତ ଥାନାକୁ ଦୌଡ଼ିବାକୁ ପଡ଼ିବ ନାହିଁ। ୧୧୨ରେ ଅଭିଯୋଗ ଆସିବା ପରେ ତତ୍‌କ୍ଷଣାତ ପୋଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିବେ। ଏହାଦ୍ୱାରା ଲୋକମାନେ ତ୍ୱରିତ ପୋଲିସ ସେବା ପାଇ ପାରିବେ। ଫଳରେ ପୋଲିସ ଉପରେ ସହରବାସୀ ଅଧିକ ବିଶ୍ୱାସ କରିପାରିବେ।
-ଜଗମୋହନ ମୀନା, ଅନୁଗୋଳ ଏସ୍‌ପି

ବ୍ୟବସ୍ଥାର ସୁଫଳ ମିଳିବା ଦରକାର
ସରକାର ଅନେକ ବ୍ୟବସ୍ଥା କରୁଛନ୍ତି। କିନ୍ତୁ ବେଳେ ବେଳେ ତାହାର ସୁଫଳ ଲୋକଙ୍କ ନିକଟରେ ଠିକ୍‌ ଭାବେ ପହଞ୍ଚିପାରୁ ନାହିଁ। ତେଣୁ ଏହି ଇଆର୍‌ଏସ୍‌ଏସ୍‌ ବ୍ୟବସ୍ଥାର ଉଦ୍ଦେଶ୍ୟ ପୋଲିସ ପ୍ରଶାସନ ବୁଝିବା ସହ ଆବଶ୍ୟକସ୍ଥଳେ ଜନସାଧାରଣଙ୍କ ନିକଟରେ ତତ୍କାଳ ପହଞ୍ଚି ସେବା ଯୋଗାଇଦେବା ଦରକାର।
-ପ୍ରଦୀପ ଦେବତା, ଆଇନଜୀବୀ

ମହିଳାମାନେ ରାସ୍ତାରେ ଭୟଭୀତ ହେବେ ନାହିଁ
ଅନୁଗୋଳରେ ଆରମ୍ଭ ହୋଇଥିବା ଏହି ଇଆର୍‌ଏସ୍‌ଏସ୍‌ ଏକ ଉତ୍ତମ ବ୍ୟବସ୍ଥା। ଜରୁରୀ ସ୍ଥିତିରେ ପୋଲିସ, ଆମ୍ବୁଲାନ୍ସ ଓ ଅଗ୍ନିଶମ ସେବା ସହରବାସୀଙ୍କୁ ତ୍ୱରିତ ମିଳିପାରିବ। ବିଶେଷକରି ରାସ୍ତାରେ ଯାତାୟାତ ବେଳେ ଦୁର୍ବୃତ୍ତଙ୍କ ହାବୁଡ଼ରେ ପଡ଼ୁଥିବା ମହିଳାମାନେ ଭୟଭୀତ ନ ହୋଇ ପୋଲିସର ସହାୟତା ନେଇପାରିବେ।
-ଲିପିକା ପରିଡ଼ା, ଅନୁଗୋଳ

ଅସାମାଜିକଙ୍କ ମଧ୍ୟରେ ଭୟ ବଢ଼ିବ
ଇଆର୍‌ଏସ୍‌ଏସ୍‌ ସେବା ଅସାମାଜିକଙ୍କ ମଧ୍ୟରେ ଭୟ ବଢ଼ାଇଦେବ। ଲୁଟ୍‌, ଚୋରି, ଡକାୟତି ବେଳେ ଲୋକମାନଙ୍କ ନିକଟରେ ପୋଲିସ ପହଞ୍ଚିବାରେ ବିଳମ୍ବ ହେବ ନାହିଁ। କିଛିମାସ ହେଲା ଅନୁଗୋଳ ସହରରେ ଯେଉଁଭଳି ଭାବେ ଲୁଟ୍‌ ଓ ଛିନ୍‌ତାଇ ଗୋଷ୍ଠୀ ସକ୍ରିୟ ହୋଇଛନ୍ତି, ଏହି ସେବା ସେମାଙ୍କୁ ସାବାଡ଼ କରିପାରିବ।
-କାଞ୍ଚନ ସିଂହ, ଅନୁଗୋଳ

 


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?