କର୍ଲାମୁଣ୍ଡା,୯ା୧୧(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରେଗେଡ଼ା ପଞ୍ଚାୟତସ୍ଥିତ ଭୋଇପଡ଼ାଠାରେ ଶନିବାର ଏକ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି। ଉକ୍ତ ଗ୍ରାମର ବୃଦ୍ଧା ଯଶୋଦା ଭୋଇ(୮୫)ଙ୍କର ବିୟୋଗ ଘଟିବାର ଦୀର୍ଘ ସମୟ ପର୍ଯ୍ୟନ୍ତ ମୃତଦେହଟି ଘରେ ପଡ଼ିରହିଥିଲା। କେହି ସମ୍ପର୍କୀୟ ଆସି ନ ଥିଲେ।
ସୂଚନା ପାଇ କର୍ଲାମୁଣ୍ଡା ତହସିଲଦାର ଅରୁଣ ବର୍ଗେ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ବସନ୍ତ ମିଶ୍ର, କର୍ଲାମୁଣ୍ଡା ଫାଣ୍ଡି ଅଧିକାରୀ ଥବୀର ବରିହା ଘଟଣାସ୍ଥଳରେ ପହଞ୍ଚିଥିଲେ। ତେବେ ବଜରଙ୍ଗ ଦଳ ମାନସ ସେବା ସଂଘର କର୍ମକର୍ତ୍ତା ଓ ସ୍ଥାନୀୟ ସମାଜସେବୀ ପହଞ୍ଚି ମହାନତା ଦେଖାଇ ମୃତଦେହ ସତ୍କାର କରିଥିଲେ। ଏଥିରେ ସ୍ଥାନୀୟ ସମାଜସେବୀ କୈଳାସ ପରିଡ଼ା, ସରୋଜ ସାହୁ,ଅମର ସାହୁ, ଗୁରୁଦେବ ସାହୁ ପ୍ରମୁଖ ମୃତଦେହକୁ ନିକଟରେ ଥିବା ଉତେଇ ନଦୀରେକୂଳରେ ଦାହ କରିଥିଲେ।
