ମେଧାବୀଙ୍କ ମନ ଊଣା

ଅନୁଗୋଳ ଅଫିସ, ୧୬।୪
ଆସନ୍ତା ମେ ୩ ତାରିଖରୁ ଆରମ୍ଭ ହୋଇଥାନ୍ତା ମାଟ୍ରିକ ପରୀକ୍ଷା। ଏଥିପାଇଁ ଗତ ଜାନୁୟାରୀରୁ ଜୋର ଧରିଥିଲା ପ୍ରସ୍ତୁତି। ସ୍କୁଲରେ ଶହେ ଦିନିଆ ପାଠପଢ଼ା ଟାର୍ଗେଟ୍‌ ସହ ଦଶମ ଶ୍ରେଣୀର ସବୁ ଛାତ୍ରୀଛାତ୍ରଙ୍କୁ ଗଣଶିକ୍ଷା ବିଭାଗ ପକ୍ଷରୁ ‘ଶିକ୍ଷା ଦର୍ପଣ’ ବଣ୍ଟା ଯାଇଥିଲା। ଚଳିତବର୍ଷ ଅନୁଗୋଳରେ ୧୮ ହଜାର ୯୯୬ ଛାତ୍ରୀଛାତ୍ର ମାଟ୍ରିକ ପରୀକ୍ଷା ଦେଇଥାନ୍ତେ। ସମସ୍ତେ ଫର୍ମ ପୂରଣ କରିସାରିଥିବା ବେଳେ ଜିଲା ଶିକ୍ଷା ବିଭାଗ ପକ୍ଷରୁ ୯୪ଟି ପରୀକ୍ଷା କେନ୍ଦ୍ର ପାଇଁ ବୋର୍ଡକୁ ପ୍ରସ୍ତାବ ଦିଆଯାଇଥିଲା। କରୋନା ନିୟମ ପାଳନ ସହ ସବୁ ପରୀକ୍ଷା କେନ୍ଦ୍ରରେ ସିସିଟିଭି କ୍ୟାମେରା ବଧ୍ୟତାମୂଳକ କରାଯାଇଥିବାରୁ ଏ ନେଇ ବ୍ୟାପକ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଥିଲା। ଆଉ କିଛି ଦିନ ପରେ ପ୍ରଶ୍ନପତ୍ର ସଂଲଗ୍ନ ଉତ୍ତରଖାତା ଆସି ଜିଲାର ୮ଟି ବ୍ଲକରେ ହୋଇଥିବା ଷ୍ଟ୍ରଙ୍ଗରୁମ୍‌ରେ ପହଞ୍ଚତ୍ଥାନ୍ତା। କିନ୍ତୁ ରାଜ୍ୟରେ କରୋନା ସଂକ୍ରମଣ ଦୈନିକ ରେକର୍ଡ ଭାଙ୍ଗୁଥିବାରୁ ମାଟ୍ରିକ ପରୀକ୍ଷା ବର୍ତ୍ତମାନ ପାଇଁ ସ୍ଥଗିତ ରଖିବାକୁ ସରକାର ଗୁରୁବାର ନିଷ୍ପତ୍ତି ନେଇଛନ୍ତି। ଜୁନ୍‌ରେ ପରିସ୍ଥିତି ସମୀକ୍ଷା କରାଯିବା ପରେ କେବେ ପରୀକ୍ଷା ହେବ ସେ ନେଇ ପୁନଃ ଯୋଜନା କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଥିବାରୁ ଅନୁଗୋଳ ଜିଲାର ଅନେକ ମାଟ୍ରିକ ପରୀକ୍ଷାର୍ଥୀଙ୍କ ମଧ୍ୟରେ ନିରାଶା ଖେଳିଯାଇଛି। ବିଶେଷକରି ଜିଲାର ବହୁ ମେଧାବୀ ଛାତ୍ରୀଛାତ୍ର ପରୀକ୍ଷା ଦେବାକୁ ଆଗ୍ରହର ସହ ଅପେକ୍ଷା କରିଥିବା ବେଳେ ସ୍ଥଗିତ ନିଷ୍ପତ୍ତିକୁ ନେଇ ମନ ଊଣା କରିଛନ୍ତି। ବହୁ ଅଭିଭାବକ ସରକାରଙ୍କ ପଦକ୍ଷେପକୁ ଉଚିତ୍‌ ବୋଲି ଦର୍ଶାଇଛନ୍ତି। ଆଉ କେତେଜଣ ଅଭିଭାବକ ପିଲାମାନଙ୍କ ଭବିଷ୍ୟତ ନେଇ ଚିନ୍ତିତ ହୋଇପଡ଼ିଥିବା ପ୍ରକାଶ କରିଛନ୍ତି।

ନିଷ୍ପତ୍ତି ସ୍ବାଗତଯୋଗ୍ୟ
କରୋନାର ଦ୍ରୁତ ସଂକ୍ରମଣକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ମାଟ୍ରିକ ପରୀକ୍ଷା ସ୍ଥଗିତ ପାଇଁ ନିଆଯାଇଥିବା ନିଷ୍ପତ୍ତି ସ୍ବାଗତଯୋଗ୍ୟ। ପିଲାମାନେ ପାଠପଢ଼ା ସାରିଥିବାରୁ ଓ ବୋର୍ଡ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଥିବାରୁ ସଂକ୍ରମଣ କମିବା ପରେ ପରୀକ୍ଷା କରାଯାଉ।
-ନିରଞ୍ଜନ ମାଝି, ଅଭିଭାବକ
କଟକଣା ମଧ୍ୟରେ ପରୀକ୍ଷା ହେଉ
ରାଜ୍ୟରେ କରୋନା ସ୍ଥିତି କେବେ ସୁଧୁରିବ ତାହା ସରକାର କହିପାରୁ ନାହାନ୍ତି। ମାଟ୍ରିକ ପରୀକ୍ଷା ପିଲାମାନଙ୍କ ଭବିଷ୍ୟତ ଦୃଷ୍ଟିରୁ ଅତି ଗୁରୁତ୍ୱପୂର୍ଣ୍ଣ। ତେଣୁ ଅଧିକ ପରୀକ୍ଷା କେନ୍ଦ୍ର ସହ କଡ଼ା କଟକଣା ମଧ୍ୟରେ ପରୀକ୍ଷା କରାଗଲେ ସମସ୍ତଙ୍କ ପରିଶ୍ରମ ସାର୍ଥକ ହୁଅନ୍ତା।
-ବାବୁଲାଲ୍‌ ଗଡ଼ନାୟକ, ଅଭିଭାବକ
ପିଲା ଅଧିକ ଚାପଗ୍ରସ୍ତ ହେବେ
ପରୀକ୍ଷା ପାଇଁ ପୂର୍ବରୁ ସରକାର ପ୍ରସ୍ତୁତି ଚଳାଇଥିଲେ। ପିଲାମାନେ ମଧ୍ୟ ସଂକ୍ରମଣ ଭୟ ମଧ୍ୟରେ ସ୍କୁଲ ଯାଉଥିଲେ। କିନ୍ତୁ ହଠାତ୍‌ ପରୀକ୍ଷା ସ୍ଥଗିତ କରାଯିବା ଦ୍ୱାରା ଅଧିକ ଚାପ ପଡ଼ିବ।
-ଅରବିନ୍ଦ ସାହୁ, ଅଭିଭାବକ
ଛାତ୍ରୀଛାତ୍ରଙ୍କ ମଧ୍ୟରେ ନିରାଶା
ଶହେ ଦିନିଆ ପାଠପଢ଼ା ଶେଷ ହୋଇଆସୁଥିଲା। କିନ୍ତୁ ପରୀକ୍ଷା ପୂର୍ବରୁ କରୋନା ସଂକ୍ରମଣ ହଠାତ୍‌ ବୃଦ୍ଧି ସରକାରଙ୍କୁ ଏପରି ନିଷ୍ପତ୍ତି ନେବାକୁ ବାଧ୍ୟ କଲା। ଛାତ୍ରୀଛାତ୍ରମାନେ ନିରାଶ ହୋଇଛନ୍ତି।
-ଶେଷଦେବ ମିଶ୍ର, ଅଭିଭାବକ
ପରିଶ୍ରମ ପାଣିରେ ପଡ଼ିଯିବ
ପୂର୍ବରୁ ବୋର୍ଡ ପରୀକ୍ଷାକୁ ନେଇ ଭୟ ଥିଲା। କିନ୍ତୁ ସ୍କୁଲ ଯାଇ ପଢ଼ିବା ପରେ ସମସ୍ତ ପ୍ରସ୍ତୁତି ଶେଷ କରିଥିଲୁ। କିନ୍ତୁ ପରୀକ୍ଷା ସ୍ଥଗିତ ରଖାଯାଇଥିବାରୁ ସବୁ ପରିଶ୍ରମ ପାଣିରେ ପଡ଼ିଯିବା ଆଶଙ୍କା ସୃଷ୍ଟି ହୋଇଛି। ତଥାପି ସରକାରଙ୍କ ନିଷ୍ପତ୍ତି ମାନିବାକୁ ପଡ଼ିବ। -ସରସ୍ବତୀ ସାହୁ, ଛାତ୍ରୀ
ଭବିଷ୍ୟତ ନେଇ ଚିନ୍ତିତ
ମାଟ୍ରିକ ପରୀକ୍ଷା ଆଉ ହେବ କି ନାହିଁ ଜଣାନାହିଁ। ତେଣୁ ଆମମାନଙ୍କ ଭବିଷ୍ୟତ କ’ଣ ହେବ ତାହାକୁ ନେଇ ଚିନ୍ତାରେ ପଡ଼ିଛୁ। ପରୀକ୍ଷା ନ ହେଲେ ଶିକ୍ଷାରେ ଆଗକୁ କିଭଳି ଯିବୁ ତାହା ବୁଝିପାରୁନୁ। ସରକାରଙ୍କ ନିଷ୍ପତ୍ତି ପିଲା ଓ ଅଭିଭାବକଙ୍କ ଚିନ୍ତା ବଢ଼ାଇ ଦେଇଛି।
-ତନୁଶ୍ରୀ ସରକାର, ଛାତ୍ରୀ
ବିକଳ୍ପ ବ୍ୟବସ୍ଥା ଭଲ ହୋଇଥାନ୍ତା
ମହାମାରୀ ସ୍ଥିତିରେ ଉନ୍ନତି ଆସିବା ପରେ ପରୀକ୍ଷା ସମ୍ବନ୍ଧୀୟ ନିଷ୍ପତ୍ତି ନିଆଯିବ ବୋଲି ସରକାର ଘୋଷଣା କରିଛନ୍ତି। କିନ୍ତୁ ବିକଳ୍ପ ବ୍ୟବସ୍ଥା ଭାବେ ପରୀକ୍ଷାକେନ୍ଦ୍ର ସଂଖ୍ୟା ୫ ହଜାରରୁ ଅଧିକ କରି କଡ଼ା କଟକଣା ମଧ୍ୟରେ ପରୀକ୍ଷା କରାଯାଇଥିଲେ ଭଲ ହୋଇଥାନ୍ତା।
-ସରୋଜ କୁମାର ପାଣିଗ୍ରାହୀ, ଓଷ୍ଟା ରାଜ୍ୟ ଉପସଭାପତି


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?