ପାଟଣା,୨୫।୧୨(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ମୁଖ୍ୟ ବଜାର ଅଞ୍ଚଳରେ ଏକ ପାଗଳ କୁକୁର ଆତଙ୍କ ସୃଷ୍ଟି କରିଛି । ଏହି କୁକୁରଟି ୧୫ ଜଣକୁ ଗୋଡ଼ାଇ ଗୋଡ଼ାଇ କାମୁଡି ଥିବା ବେଳେ ୮ଜଣ ଗୁରୁତର ହୋଇଛନ୍ତି। ଗୁରୁତରଙ୍କ ମଧ୍ୟରେ ଜଣେ ଶିଶୁ ଥିବା ଜଣାପଡ଼ିଛି। ସମସ୍ତ ଗୁରୁତରଙ୍କୁ ପ୍ରଥମେ ତୁରୁମୁଙ୍ଗା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। କୁକୁର କାମୁଡ଼ାରେ ମିନତୀ ସିଂହ(୪୬), ପ୍ରତୀକ୍ଷା ସାହୁ(୨), ଭବାନୀ ସାହୁ(୨୦), ଶିରିଶ ଚନ୍ଦ୍ର ସାହୁ(୭୩), ରୂପାଲି ସାହୁ(୧୦), କୃଷ୍ଣଚନ୍ଦ୍ର ସାହୁ(୭୫), ସାଧୁ ଚରଣ ମହାନ୍ତ(୩୬), ପ୍ରତାପ ଦାସ (୨୪) ଗୁରୁତର ହୋଇଥିବା ବେଳେ ଜଗଦୀଶ ଚନ୍ଦ୍ର ସାହୁଙ୍କ ଏକ ବାଛୁରୀ କ୍ଷତାକ୍ତ ହୋଇଛି।
