କଟକ ଅଫିସ,୩।୫: କଟକ ଡେପୁଟି ମେୟରଙ୍କ ଘରେ ଉଚ୍ଛେଦ ନୋଟିସ୍ ଲଗାଯାଇଛି। ଇଡ୍କୋ ଜାଗାରେ ଥିବା ତାଙ୍କ ଏହି ଘରକୁ ଭାଙ୍ଗିବାକୁ ନୋଟିସ ଜାରି ହୋଇଛି। ୭ ଦିନ ମଧ୍ୟରେ ଜାଗା ଖାଲି କରିବାକୁ ନୋଟିସ୍ ରେ ଉଲ୍ଲେଖ ରହିଛି।
ସୂଚନାଯୋଗ୍ୟ, କଟକ ଜଗତପୁର ଶିଳ୍ପାଞ୍ଚଳରେ ଥିବା ଡେପୁଟି ମେୟର ଦମୟନ୍ତୀ ମାଝୀଙ୍କ ଘରେ ଉଚ୍ଛେଦ ଲାଗି ନୋଟିସ୍ ଲାଗିଛି । ବସ୍ତି ଅଞ୍ଚଳଟି ଇଡ୍କୋ ଜାଗାରେ ଥିବାରୁ ଘରଗୁଡ଼ିକ ଉଚ୍ଛେଦ ପାଇଁ ଏହି ପଦକ୍ଷେପ ନିଆଯାଇଛି। ସମସ୍ତଙ୍କୁ ଘର ଖାଲି କରିବାକୁ ସମୟ ଦିଆଯାଇଛି। ଆସନ୍ତା ୧୦ ତାରିଖ ସୁଦ୍ଧା ଜାଗା ଖାଲି କରି ଛାଡିବାକୁ କୁହାଯାଇଛି। ଯଦି ଏହି ସମୟରେ ଘର ଖାଲି ନ କରାଯାଏ। ତେବେ ଆସନ୍ତା ମଙ୍ଗଳବାର ବେଆଇନ ନିର୍ମାଣ ଉଚ୍ଛେଦ କରାଯିବ ବୋଲି ଇଡ୍କୋ ପକ୍ଷରୁ ଚେତାବନୀ ଦିଆଯାଇଛି।
