କେନ୍ଦୁଝର, ୨୧ା୧୨ (ସ୍ବ.ପ୍ର.): ଘଟଗାଁ ମା’ ତାରିଣୀ ଟ୍ରଷ୍ଟ ବୋର୍ଡ ପକ୍ଷରୁ ସ୍ଥାନୀୟ ଦୁଇଟି ବ୍ୟାଙ୍କରେ ଜମା ହୋଇଥିବା ପାଖାପାଖି ୮୦ ଲକ୍ଷ ଟଙ୍କାର କଏନକୁ ବ୍ୟାଙ୍କ ଗ୍ରହଣ କରିବ ବୋଲି ନିଷ୍ପତ୍ତି ନେଇଛି। ଏଭଳି ଆଶ୍ୱାସନା ଦେଇଛନ୍ତି ଲିଡ ଡିଷ୍ଟ୍ରିକ ମ୍ୟାନେଜର(ଏଲ୍ଡିଏମ) ରବି ନାରାୟଣ ମହାଲିକ ଓ ସ୍ଥାନୀୟ ବ୍ୟାଙ୍କ ଅଫ ଇଣ୍ଡିଆ ମ୍ୟାନେଜର ପ୍ରଭାତ ବେହେରା। ଏହି ସମ୍ପର୍କରେ ସୂଚନା ଦେଇଛନ୍ତି ଟ୍ରଷ୍ଟ ବୋର୍ଡର ସଭାପତି ରାଜେନ୍ଦ୍ର ପଟ୍ଟନାୟକ ।
ସୂଚନା ଯୋଗ୍ୟ, ଭକ୍ତଙ୍କ ଦାନ ଅର୍ଥ ବାବଦକୁ ମନ୍ଦିରକୁ ଆସୁଥିବା ଓ ଭକ୍ତ ହୁଣ୍ଡିରେ ଦାନ କରୁଥିବା ପାଖାପାଖି ୮୦ ଲକ୍ଷ ଟଙ୍କାର କଏନ ସ୍ଥାନୀୟ ବ୍ୟାଙ୍କ ଅଫ ଇଣ୍ଡିଆ ଓ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆରେ ୩ ମାସ ହେଲା ଜମା ହୋଇଥିଲେ ହେଁ ଉଭୟ ବ୍ୟାଙ୍କ ଆକାଉଣ୍ଟରେ ଜମା କରିବାକୁ ଅଗ୍ରାହ୍ୟ କରିଦେଇଥିଲେ। ଏନେଇ ମନ୍ଦିର ଟ୍ରଷ୍ଟ ପକ୍ଷରୁ ରାଜସ୍ବ କମିଶନର ଓ ରିଜର୍ଭ ବ୍ୟାଙ୍କ ଅଫ ଇଣ୍ଡିଆକୁ ଚିଠି କରାଯାଇଥିଲା। ଏଲଡିଏମ ଖବର ପାଇବା ପରେ କଏନ ଗ୍ରହଣ କରିବା ନେଇ ଟ୍ରଷ୍ଟ ବୋର୍ଡକୁ ଜଣାଇଥିଲେ।
