ଥିରୁଭାନନ୍ତପୁରମ୍: ବିବାହ ସମସ୍ତଙ୍କ ଜୀବନରେ ବହୁତ ଖାସ ମୁହୂର୍ତ୍ତ ହୋଇଥାଏ। ଏଥିସହ ବିବାହକୁ ସ୍ମରଣୀୟ କରିବାକୁ ମଧ୍ୟ ସମସ୍ତେ ଚାହିଁଥାନ୍ତି। ତେବେ ଏପରି ଘଟଣା ସାମ୍ନାକୁ ଆସିଛି, ଯେଉଁଥିରେ ବିବାହ କରିବାକୁ ଯାଉଥିବା ଦମ୍ପତି ସମସ୍ତ ଭାରତୀୟ ଆର୍ମିଙ୍କୁ ତାଙ୍କ ବିବାହ ପାଇଁ ନିମନ୍ତ୍ରଣ କରିଥିବା ସୋସିଆଲ ମିଡିଆରେ ଭାଇରାଲ ହେଉଛି। ନଭେମ୍ବର ୧୦ରେ ବିବାହ କରିଥିବା କେରଳର ଦମ୍ପତି ରାହୁଲ ଏବଂ କାର୍ତ୍ତିକା ସମସ୍ତ ଭାରତୀୟ ଆର୍ମିଙ୍କୁ ନିମନ୍ତ୍ରଣ ପଠାଇଥିବା ଜଣାପଡିଛି। ସେ ଚିଠିରେ ଲେଖିଛନ୍ତି, ‘ ଆମେ ଦୁହେଁ ନଭେମ୍ବର ୧୦ରେ ବିବାହ କରିବାକୁ ଯାଉଛୁ। ଆପଣମାନେ ଆମକୁ ଏବଂ ଦେଶକୁ ବାହ୍ୟ ଶତ୍ରୁଙ୍କଠାରୁ ରକ୍ଷା କରୁଛନ୍ତି, ଫଳରେ ଆମେ ଘରେ ଆରାମରେ ଶୋଇପାରୁଛୁ। ବାହାରେ ବୁଲି ପାରୁଛୁ। ସେଥିପାଇଁ ଆପଣଙ୍କ ପାଖରେ ଆମେ ଚିର ରୁଣୀ। ଆମେ ଦୁହେଁ ବହୁତ ଖୁସି ଅଛୁ। ଆମର ଏହି ଖୁସିର ମୁହୂର୍ତ୍ତରେ ଆପଣଙ୍କୁ ଆମନ୍ତ୍ରିତ କରି ଆଶୀର୍ବାଦ କାମନା କରୁଛୁ।’ ଭାରତୀୟ ସେନା ଏହାର ଉତ୍ତର ଦେବାକୁ ଯାଇ ଲେଖିଛନ୍ତି, ‘ବେଷ୍ଚ୍ ୱିସେସ୍। ବିବାହ ନିମନ୍ତ୍ରଣ ପାଇଁ ଦୁହିଙ୍କୁ ଅଶେଷ ଅଶେଷ ଧନ୍ୟବାଦ। ତୁମ ବିବାହ ଜୀବନ ପାଇଁ ଶୁଭକାମନା।’ ଏଥିସହ ଅନେକ ଲୋକ ମଧ୍ୟ ଲଗାତାର ଏଥିରେ କମେଣ୍ଟ କରୁଥିବା ଦେଖିବାକୁ ମିଳୁଛି।
