କୁହାଯାଏ, ଆଜିର ଶିଶୁ ଆସନ୍ତାକାଲିର ନାଗରିକ। ଶିଶୁଙ୍କ ବିକାଶରେ ଦେଶ ତଥା ସମଗ୍ର ବିଶ୍ୱର ବିକାଶ ସମ୍ଭବ ହୋଇପାରିଥାଏ। ଶିଶୁଙ୍କୁ ଆବଶ୍ୟକ ସୁବିଧା ସୁଯୋଗ ଯୋଗାଇ ଦେବା ନେଇ ତଥା ସେମାନଙ୍କର ଅଧିକାରକୁ ସୁରକ୍ଷା ରଖିବା ପାଇଁ ସଚେତନତା ସୃଷ୍ଟି ଲାଗି ପ୍ରତିବର୍ଷ ନଭେମ୍ବର ୨୦ରେ ବିଶ୍ୱ ଶିଶୁ ଦିବସ ପାଳନ କରାଯାଇଥାଏ। ଶିଶୁଙ୍କ ପାଇଁ ଏଭଳି ଏକ ଦିବସ ପାଳନର ଆରମ୍ଭ ୧୯୫୪ ନଭେମ୍ବର ୨୦ରେ ହୋଇଥିଲା। ସମଗ୍ର ବିଶ୍ୱର ଶିଶୁଙ୍କ କଲ୍ୟାଣ ଲାଗି ବିଭିନ୍ନ ପଦକ୍ଷେପ ଗ୍ରହଣ କରିବା ଏହି ଦିବସର ଉଦ୍ଦେଶ୍ୟ। ନଭେମ୍ବର ୧୯୫୯ ନଭେମ୍ବର ୨୦ରେ ମିଳିତ ଜାତିସଂଘର ସାଧାରଣ ସଭା ଶିଶୁଙ୍କ ଅଧିକାର ସମ୍ପର୍କରେ ଘୋଷଣା କରିଥିଲେ। ୧୯୮୯ରେ ଏହାକୁ ଜାତିସଂଘ ପକ୍ଷରୁ ଅନୁମୋଦନ କରାଯାଇଥିଲା। ୧୯୯୦ ମସିହାଠାରୁ ମିଳିତ ଜାତିସଂଘ ନଭେମ୍ବର ୨୦କୁ ଶିଶୁ ଅଧିକାର ଦିବସ ଭାବେ ପାଳନ କରିବାକୁ ଘୋଷଣା କରିଥିଲା।
