ପୁରୁଷୋତ୍ତମପୁର,୧୩।୭ (ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁରରେ ପ୍ରଶାସନ ପକ୍ଷରୁ ରଥଯାତ୍ରାର ସୁପରିଚାଳନାକୁ ନେଇ ଏକ ପ୍ରସ୍ତୁତି ବୈଠକ ସୋମବାର ତହସିଲଦାର ବିନୋଦ କୁମାର ବେହେରାଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଗତବର୍ଷ ଶିକୁଳାରେ ଯେପରି ରଥଟଣାବେଳେ ଜଣଙ୍କ ଜୀବନଯାଇଥିଲା, ତାହାକୁ ଆଖିଆଗରେ ରଖି ସମସ୍ତେ ସତର୍କରହିବାକୁ ତହସିଲଦାର ନିର୍ଦ୍ଦେଶ ଦେବା ସହ କିପରି ଯାତ୍ରାରେ ସମ୍ପୂର୍ଣ୍ଣ ରୂପେ ଆଇନଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣ କରାଯିବ, ରଥଟଣାବେଳେ କଡନ କରିବା, ରଥଟଣାଯିବା ସମୟରେ ନଡିଆଭାଙ୍ଗିବାକୁ ସମ୍ପୂର୍ଣ୍ଣ ନିଷେଧକରାଯିବା, ଯାତ୍ରାରେ ସ୍ବେଚ୍ଛାସେବୀ, ଏନସିସି,ସ୍କାଉଟଗାଇଡଙ୍କୁ ନିୟୋଜିତ କରିବା ଉପରେ ଗୁରୁତ୍ୱ ଦିଆଯାଇଛି। ସେହିପରି ରଥଟଣା ବେଳେ ଯେପରି ଅଘଟଣ ନଘଟେ ସେଥିନେଇ ପାରିପାର୍ଶ୍ୱିିକ ସ୍ଥିତିକୁ ଧ୍ୟାନ ଦେବା, ସଠିକ୍ ପ୍ରଣାଳୀରେ ରଥର ବ୍ରେକ୍ ୍ଦେବା, ସନ୍ଧ୍ୟାପୂର୍ବରୁ ରଥଟଣାକୁ ଶେଷକରିବା, ପରିମଳ ସେବାକୁ ତ୍ୱରାନ୍ବିତ କରିବା, ଡାକ୍ତରିଟିମ ଓ ଆମ୍ବୁଲାନ୍ସ , ଦମକଳବାହିନୀ, ବିଦ୍ୟୁତ୍ ବିଭାଗ ସମ୍ପୂର୍ଣ୍ଣ ରୂପେ ସଜାଗ ରହିବା, ମାଉସିମା ମନ୍ଦିର ପରିସରରେ ସିସିଟିଭି ଲଗାଇବା ସହ ସନ୍ଧ୍ୟା ଆଳତି ସମୟରେ ଭକ୍ତଙ୍କ ଭିଡକୁ ନିୟନ୍ତ୍ରଣ କରିବା ସହ ଯେପରିଦଳାଚକଟା ନହୁଅନ୍ତି ସେଥିପ୍ରତି ଗୁରୁତ୍ୱ ଦେବା , ସୁନାବେଶ ସମୟରେ ଅଳଙ୍କାରମାନ ପ୍ରତି ସତର୍କତା ଅବଲମ୍ବନ କରିବା, ପୋଲିସ ପକ୍ଷରୁ ପାଟ୍ରୋଲିଂ ବ୍ୟବସ୍ଥାକୁ କଡାକଡି କରାଯିବା ସହ ସମସ୍ତ କମିଟିମାନେ ନିଜନିଜ ଯାତ୍ରାରେ ସଜାଗ ରହିବାଲାଗି ତହସିଲଦାର ପରାମର୍ଶ ଦେଇଛନ୍ତି। ଏଥିରେ ଏନଏସି ନିର୍ବାହୀଅଧିକାରୀ ସଂଗିତା ସେଠୀ,ଅତିରିକ୍ତ ତହସିଲଦାର ଦେବାଶିଷ ମହାପାତ୍ର,ଆଇଆଇସି କୁଳମଣୀସେଠୀ, ବ୍ଯଯଯୁତ ବିଭାଗିୟ ଅଧିକାରୀ ଅଭୟାନନ୍ଦ ପଣ୍ଡା, ଅଗ୍ନିସମ ଅଧିକାରୀ ଶୁରେଶ ମିଶ୍ର,ଙ୍କ ସମେତ ପୁରୁଷୋତ୍ତମପୁର ରଥସାହି ଜଗନ୍ନାଥମନ୍ଦିର ଟ୍ରଷ୍ଟବୋର୍ଡ, କନକା,କୁମାରୀ,ଆଛୁଲି,କେଏନ ପୁର,ହିଣ୍ଡୁଳା, ଜଳେଶ୍ବରଖଣ୍ଡି,ଜାମୁନି,ଶିକୁଳା,ପ୍ରତାପୁର,ଭୀମପୁର, ରାଇପୁର, ଭାଟକୁମରଡା,ସୁନାଥର ଗ୍ରାମ ଜଗନ୍ନାଥମନ୍ଦିର ପରିଚାଳନା କମିଟିର ସଦସ୍ୟମାନଙ୍କ ସହ ସମସ୍ତ ରାଜସ୍ବ ନିରୀକ୍ଷକ, ଓ ସୁପରଭାଇଜର, ଲାଇନଡିପାର୍ଟମେଣ୍ଟ କର୍ମଚାରୀମାନେ ଯୋଗଦେଇଥିଲେ।
