ଦୁବାଇ,୩୧।୧୦: ଚଳିତ ଟି୨୦ ବିଶ୍ୱକପ୍ରେ ଆଉ ଏକ ବୃହତ୍ ପରାଜୟର ସମ୍ମୁଖୀନ ହୋଇଛି ଟିମ୍ ଇଣ୍ଡିଆ। ପାକିସ୍ତାନ ଠାରୁ ୧୦ ଉଇକେଟରେ ପରାସ୍ତ ଥିବା ଭାରତୀୟ ଦଳକୁ ୩୩ ବଲ ପୂର୍ବରୁ ୮ ଉଇକେଟରେ ହରାଇ ଦେଇଛି ନ୍ୟୁଜିଲାଣ୍ଡ। ଫଳରେ ଏପର୍ଯ୍ୟନ୍ତ ଦୁଇଟି ମ୍ୟାଚ୍ ଖେଳିଥିବା ବିରାଟ କୋହଲିଙ୍କ ଦଳ ପଏଣ୍ଟ ତାଲିକାରେ ଖାତା ଖୋଲି ପାରି ନାହିଁ। ପ୍ରଥମ ଦୁଇ ମ୍ୟାଚ୍ରେ ଏଭଳି ଫଳାଫଳ ଯୋଗୁ ଭାରତୀୟ ଦଳର ସେମିଫାଇନାଲ ଆଶା ପ୍ରାୟତଃ ଶେଷ ହୋଇଛି।
ଟସ୍ ଜିତିବା ସହ ଭାରତଠାରୁ ଢ଼େର ଆଗକୁ ଚାଲି ଯାଇଥିଲା ନ୍ୟୁଜିଲାଣ୍ଡ। ଦଳର ବୋଲରମାନେ ଭାରତୀୟ ବ୍ୟାଟରଙ୍କୁ ରନ୍ କରିବାକୁ ସୁଯୋଗ ଦେଇ ନ ଥିଲେ। ଟ୍ରେଣ୍ଟ ବୋଲ୍ଟ ୩ ଓ ଇଶ ସୋଢି ୨ ଉଇକେଟ ନେଇଥିଲେ। ଏହାଠାରୁ ବଡ଼ କଥା ହେଲା ପକାଇଥିଲେ ୫୪ ଡଟ୍ ବଲ। ଭାରତୀୟ ଦଳ ୨୦ ଓଭରରେ ୭ ଉଇକେଟ ହରାଇ ମାତ୍ର ୧୧୦ ରନ୍ କରିପାରିଥିଲା। ପୂରା ଇନିଂସରେ ଭାରତୀୟ ବ୍ୟାଟରମାନେ କେବଳ ୨ ଛକା ଓ ୮ ଛକା ଲଗାଇଥିଲେ।
ବୋଲିଂରେ ଭାରତୀୟ ଦଳ ପାଇଁ କେବଳ ଯଶପ୍ରୀତ ବୁମରା (୨ ଉଇକେଟ)ଙ୍କୁଚ ଛାଡ଼ି ଦେଲେ ଅନ୍ୟ କେହି ସଫଳ ହୋଇ ନ ଥିଲେ। ଫଳରେ ୧୪.୩ ଓଭରରେ ୨ ଉଇକେଟ କ୍ଷତିରେ ବିଜୟ ଲକ୍ଷ୍ୟ ହାସଲ କରିନେଇଥିଲା ନ୍ୟୁଜିଲାଣ୍ଡ। ଟି୨୦ ବିଶ୍ୱକପ୍ ଇତିହାସରେ ଏହା ନ୍ୟୁଜିଲାଣ୍ଡର ୬ଷ୍ଠ ବିଜୟ।
