ନୂଆଦିଲ୍ଲୀ,୧।୭(ପି.ଟି.): ଟେବୁଲ ଟେନିସ(ଟିଟି) ସହିତ ଜଡିତ ଥିବା ୧୩୦ ଜଣ ସଦସ୍ୟଙ୍କୁ ସାହାଯ୍ୟର ହାତ ବଢାଇଛନ୍ତି କେତେଜଣ ଭାରତୀୟ ତାରକା ଖେଳାଳି। ଭାରତୀୟ ଟିଟି ତାରକା ଶରଥ କମଲ ଓ ଜି. ସାଥିୟାଁ କୋଭିଡ୍-୧୯ ମହାମାରୀ ଦ୍ୱାରା ପ୍ରଭାବିତ ହୋଇଥିବା ଏହି ସଦସ୍ୟମାନଙ୍କୁ ସାହାଯ୍ୟ କରିବା ପାଇଁ ୧୩ ଲକ୍ଷ୍ୟରୁ ଊର୍ଦ୍ଧ୍ୱ ଟଙ୍କାର ପାଣ୍ଠି ସଂଗ୍ରହ କରିଛନ୍ତି। ପ୍ରଥମେ ଖେଳାଳିମାନେ ୧୦ ଲକ୍ଷ ଟଙ୍କାର ପାଣ୍ଠି ସଂଗ୍ରହ କରିବା ଲକ୍ଷ୍ୟରେ ଥିଲେ। ଏହା ଦ୍ୱାରା ୧୦୦ଜଣ ଉପକୃତ ହୋଇଥାନ୍ତେ। ତେବେ ତେବେ ପୂର୍ବତନ ଟିଟି ଖେଳାଳି ନେହା ଅଗ୍ରଓ୍ବାଲ ଏହି ଅଭିଯାନ ସାମିଲ ହେବା ପରେ ଶରଥ ଓ ସାଥିୟାଁ ୧୩ ଲକ୍ଷ୍ୟ ଟଙ୍କାରୁ ଊର୍ଦ୍ଧ୍ୱ ଅର୍ଥ ସଂଗ୍ରହ କରିଛନ୍ତି। ଯାହା ଫଳରେ ୧୩୦ ଜଣ ସଦସ୍ୟଙ୍କୁ ୧୦, ୦୦୦ ଟଙ୍କା ଲେଖାଏ ସହାୟତା ପ୍ରଦାନ କରିହେବ।
ଅଲ୍ଟିମେଟ୍ ଟେବୁଲ ଟେନିସ (ୟୁଟିଟି) ଲିଗ୍ର ପ୍ରମୋଟର ଭିଟା ଡାନି ଓ ନିରଜ ବଜାଜ ମଧ୍ୟ ଏଥିରେ ଯୋଗଦାନ କରିଛନ୍ତି। ମହାମାରୀ ଦ୍ୱାରା ପ୍ରଭାବିତ ହୋଇଥିବା ଖେଳାଳି, କୋଚ୍ ଓ ଅମ୍ପାୟରମାନଙ୍କୁ ଆର୍ଥତ୍କ ସହାୟତା ପ୍ରଦାନ କରିବାକୁ ଏହି ପାଣ୍ଠି ସଂଗ୍ରହ କରାଯାଇଛି ବୋଲି କୁହାଯାଇଛି। ଏହି ମହତ୍କାର୍ଯ୍ୟ ପାଇଁ ଦାନ ଦେଇଥିବା ବ୍ୟକ୍ତି ବିଶେଷଙ୍କୁ ଶରଥ ଧନ୍ୟବାଦ୍ ଜଣାଇଛନ୍ତି।
