ନିଜ ଉପରେ ଯଦି ବିଶ୍ୱାସ ଅଛି ତେବେ କିଛି ବି କାମ ଅସମ୍ଭବ ନୁହେଁ। ଭାରତୀୟ ଦଳର ଜଣେ କ୍ରିକେଟର ମଧ୍ୟ ଅଛନ୍ତି, ଯିଏ କବର ସ୍ଥାନରେ ବୋଲିଂ ଅଭ୍ୟାସ କରୁଥିଲେ, କିନ୍ତୁ ଆଜି ତାଙ୍କ ନାମ ବିଶ୍ୱରର ସବୁଠାରୁ ମାରାତ୍ମକ ବୋଲର ଭାବେ ପରିଚିତ। ସେ ହେଉଛନ୍ତି ମହମ୍ମଦ ସାମି। ତାଙ୍କ ପିଲାଦିନ ବହୁତ କଷ୍ଟ ଦେଇ ଗତି କରଥିଲା।
ମହମ୍ମଦ ସାମି ୟୁପିର ଆମ୍ରୋହାସ୍ଥିତ ସାହସପୁର ଆଲିନାଗର ଗାଁର ଏକ କୃଷକ ଘରେ ଜନ୍ମଗ୍ରହଣ କରିଥିଲେ। ଶାମି ପିଲାଦିନରୁ କ୍ରିକେଟ ଖେଳିବାକୁ ଭଲ ପାଉଥିଲେ, ବିଶେଷ କରି ଦ୍ରୁତ ବୋଲିଂ। ମହମ୍ମଦ ଶାମି ଯେଉଁଠାରେ ବି ସୁଯୋଗ ପାଇଲେ ବୋଲିଂ କରୁଥିଲେ। ଏହା ଘର ଆଗ ହେଉ କି ଶ୍ମଶାନ। ସାମିଙ୍କ ଘର ପଛରେ ଏକ ଶ୍ମଶାନ ଥିଲା, ସେ ଏଠାରେ ଦିନସାରା କ୍ରିକେଟ ଖେଳୁଥିଲେ। କୋଚ ବଦର ଅହମ୍ମଦଙ୍କ ସହଯୋଗ ସେ ବୋଲିଂ କରିବା ଆରମ୍ଭ କରିଥିଲେ। ସାମିଙ୍କର ଅସ୍ତ୍ର ଥିଲା ତାଙ୍କର ଗତି। ସେହି ୧୪୦ କିଲୋମିଟର ବେଗରେ ବୋଲିଂ କରୁଥିଲେ। ସାମିଙ୍କ ଉତ୍ତର ପ୍ରଦେଶରେ ପାଇଁ ଖେଳିବା ସମ୍ଭାବନା କମ୍ ଥିଲା। ତେଣୁ କୋଚ ବଦର ତାଙ୍କୁ କୋଲକାତାରେ କ୍ଲବ କ୍ରିକେଟ ଖେଳିବାକୁ ପରାମର୍ଶ ଦେଇଥିଲେ। ସାମି କୋଲକାତାରେ ଅଭ୍ୟାସ ଆରମ୍ଭ କରିଥିଲେ।
ମହମ୍ମଦ ଶାମି କୋଲକାତାରେ ଟ୍ରେନିଂ ଆରମ୍ଭ କରିଥିଲେ ଏବଂ ଏହାପରେ ତାଙ୍କ ଭାଗ୍ୟ ବଦଳିଗଲା। ଅଭ୍ୟାସ ପାଇଁ ସୌରଭ ଗାଙ୍ଗୁଲି କୋଲକାତାର ଇଡେନ ଗାର୍ଡେନରେ ଥିଲେ ଏବଂ ସାମି ତାଙ୍କୁ ବୋଲିଂ କରିବାର ସୁଯୋଗ ପାଇଥିଲେ। ସୌରାଭ ଗାଙ୍ଗୁଲିଙ୍କୁ ନିଜର ବୋଲିଂରେ ସେ ଅସୁବିଧାରେ ପକାଇଥିଲେ। ଏହା ପରେ ଗାଙ୍ଗୁଲି ବଙ୍ଗଳା କ୍ରିକେଟ ଦଳର ପରିଚାଳନାକୁ ମହମ୍ମଦ ସାମିଙ୍କ ଉପରେ ନଜର ରଖିବାକୁ କହିଥିଲେ। ଏହା ପରେ ସେ କୋଲକତା ପାଇଁ କ୍ରିକେଟ ଖେଲିଥିଲେ। ୨୦୧୩ ରେ ଶାମି ଭାରତୀୟ କ୍ରିକେଟ ଦଳର ଏକ ଅଂଶ ହୋଇଥିଲେ।
