ବୌଦ୍ଧ,୮ା୯(ସ୍ବ.ପ୍ର.): ବୌଦ୍ଧ ସହରର ନୂଆଁସାହି କଚେରୀ ପଡିଆ ନିକଟସ୍ଥ ଏକ ଭଡାଘରେ ରହୁଥିବା ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଛି । ମୃତା ମହିଳା ହେଲେ ସୁରୁବୁଢୀ ବେହେରା
ମିଳିଥିବା ସୂଚନା ମୁତାବକ, ଗୁରୁବାର ସକାଳେ ଭଡା ଘର ଦୁଆରେ ଥିବା ଏକ ପିଜୁଳି ଗଛରେ ସୁରୁବୁଢୀଙ୍କ ମୃତଦେହ ଝୁଲୁଥିବାର ଦେଖିବାକୁ ମିଳିଥିଲା । ସେ ବେକରେ ଲୁଗା ବାନ୍ଧି ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ ମୃତ୍ୟୁର କାରଣ ଜଣାପଡିନାହିଁ । ଖବର ପାଇ ବୌଦ୍ଧ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ କରୁଛି। ତେବେ ମହିଳାଙ୍କ ମୃତଦେହ ନେବାକୁ କେହି ଆତ୍ମୀୟ ସ୍ବଜନ ଆସି ନ ଥିଲେ । ତେଣୁ ବୌଦ୍ଧ ସହରସ୍ଥିତ ବୁଟୁପାଲି ଠାରେ ଥିବା ଗଙ୍ଗାଧର ମେହେର ସ୍ବେଚ୍ଛାସେବୀ ସଂଗଠନ ସଦସ୍ୟଙ୍କ ସହିତ ବୌଦ୍ଧ ଥାନାର ଏଏସଆଇ ମଦନ ମୋହନ ପ୍ରଧାନ, ସତ୍ୟନାରାୟଣ ପାଣି ପ୍ରମୁଖ କାନ୍ଧ ଦେଇ ସ୍ଥାନୀୟ ରାଜଘାଟ ଠାରେ ଶେଷକୃତ୍ୟ ସଂପନ୍ନ କରିଥିଲେ। ତାଙ୍କର ୧୪ ବର୍ଷର ପୁଅ ମୁଖାଗ୍ନି ଦେଇଥିଲେ।
