ବେଙ୍ଗାଲୁରୁ,୩୧।୭: ବଲିଉଡ୍ ଅଭିନେତ୍ରୀ ତାପସୀ ପନ୍ନୁଙ୍କୁ କିଏ ବା ନ ଜାଣେ। ତାଙ୍କର ସୌନ୍ଦର୍ଯ୍ୟ ଓ ଚତ୍ମକାରି ଅଭିନୟ ସବୁ ପ୍ରଶଂସକଙ୍କୁ ଏକ ସୂତ୍ରରେ ବାନ୍ଧି ରଖିଛି। ସୋସିଆଲ ମିଡ଼ିଆରେ ସବୁବେଳେ ଆକ୍ଟିଭ ରହୁଥିବା ତାପସୀ ବିଭିନ୍ନ କାରଣ ପାଇଁ ଚର୍ଚ୍ଚାରେ ରହିଥାନ୍ତି। ହେଲେ ଏବେ ନିଜର ବାଦ୍ୟନତା ଯୋଗୁ ସେ ଚର୍ଚ୍ଚାର ପରିସରକୁ ଆସିଛନ୍ତି। ଜଣେ ପ୍ରତିଭାବାନ ଛାତ୍ରୀଙ୍କୁ ସ୍ମାର୍ଟଫୋନର ଆବଶ୍ୟକତା ଥିବା ବେଳେ ତାପସୀ ତାଙ୍କୁ ଏକ iPhone ଉପହାର ଦେଇଥିବା ଜଣାପଡ଼ିଛି। ତାପସୀଙ୍କ ଏହି କାର୍ଯ୍ୟକୁ ସବୁ ମହଲରେ ବେଶ୍ ପ୍ରଶଂସା କରାଯାଉଛି। ସୂଚନାଯୋଗ୍ୟ, କରୋନା ମହାମାରୀ ଯୋଗୁ ସମସ୍ତ ସ୍କୁଲ, କଲେଜ ଓ ଶିକ୍ଷାନୁଷ୍ଠାନ ବନ୍ଦ ରହିଥିବାରୁ ଅନ୍ଲାଇନରେ ପାଠପଢ଼ା ଚାଲିଛି। ଇତିମଧ୍ୟରେ ଉତ୍ତର କର୍ନାଟକର ଗଡ଼ଗରେ ରହୁଥିବା ଜଣେ ଗରିବ ବାପାଙ୍କ ପ୍ରତିଭାବାନ ଝିଅଙ୍କୁ ଅନ୍ଲାଇନ ପାଠପଢ଼ା ପାଇଁ ଏକ ସ୍ମାର୍ଟଫୋନର ଆବଶ୍ୟକତା ରହିଥିଲା। ଆର୍ଥିକ ଅବସ୍ଥା ସ୍ବଚ୍ଛଳ ନ ଥିବାରୁ ଫୋନ କିଣିବା ତାଙ୍କ ପାଇଁ ଅସମ୍ଭବ ଥିଲା। ତେଣୁ ଏଥିପାଇଁ ସେ ସମସ୍ତଙ୍କୁ ଗୁହାରୀ ମଧ୍ୟ କରିଥିଲେ। ଏହି ଘଟଣା ସର୍ବସମ୍ମୁଖକୁ ଆସିବା ପରେ କେତେକ ଲୋକ ତାଙ୍କୁ ସାହାଯ୍ୟ କରିବାକୁ ଆଗେଇ ଆସିଥିଲେ। କିନ୍ତୁ ଅଭିନେତ୍ରୀ ତାପସୀ ଏନେଇ ଜାଣିବା ପରେ ଉକ୍ତ ଛାତ୍ରୀଙ୍କୁ ଶୁକ୍ରବାର ଏକ iPhone ଉପହାର ଦେଇଛନ୍ତି। ଯାହାକୁ ଦେଖି ଉକ୍ତ ଛାତ୍ରୀ ଜଣଙ୍କ ବେଶ୍ ଖୁସି ହୋଇଯାଇଛନ୍ତି। ଫୋନ ପାଇଁ ସେ ତାପସୀଙ୍କୁ ଧନ୍ୟବାଦ ଜଣାଇବା ସହ କହିଛନ୍ତି, କଠିନ ପରିଶ୍ରମ କରି ମେଡିକାଲ ପ୍ରବେଶ ପରୀକ୍ଷାରେ ଉତ୍ତୀର୍ଣ୍ଣ ହେବି ଏବଂ ଆପଣଙ୍କୁ ଗୌରାବିନିତ୍ୱ କରିବି।
