Posted inଫୁରସତ

ବର୍ଷାରେ ଷ୍ଟ୍ରିଟ୍‌ଫୁଡ୍‌

ବର୍ଷାଦିନିଆ ଥଣ୍ଡା
ପାଗରେ ଗରମ ଗରମ ଚଟପଟି ଖାଦ୍ୟ ଖାଇବାର ମଜା ନିଆରା। ଯେଉଁଥିପାଇଁ ଛୋଟରୁ ବଡ ପ୍ରତିଟି ସହରର ରାସ୍ତା ଉଭୟ ପାର୍ଶ୍ୱରେ ଦେଖିବାକୁ ମିଳେ ଭଳିକି ଭଳି ଷ୍ଟ୍ରିଟ୍‌ଫୁଡ୍‌ର ସମ୍ଭାର। ଆଉ ଯାହାକୁ ଖାଇବାର କ୍ରେଜ୍‌ ସବୁଠୁ ଅଧିକ ଥାଏ
ଯୁବପିଢିଙ୍କ ଠାରେ।
ତେବେ ବର୍ଷାଦିନେ
ଏଭଳି ଖାଦ୍ୟ
ସ୍ବାସ୍ଥ୍ୟପକ୍ଷେ ହିତକର
ନୁହେଁ..

ବର୍ତ୍ତମାନ ରାସ୍ତାକଡ଼ରେ ଛୋଟ ଛୋଟ ହୋଟେଲ, ରେଷ୍ଟୁରାଣ୍ଟରେ ବିକ୍ରୟ ହେଉଥିବା ବିଭିନ୍ନ ପ୍ରକାରର ଛଣାଛଣି ଏବଂ ଫାଷ୍ଟଫୁଡ୍‌ ଜାତୀୟ ଖାଦ୍ୟ ପ୍ରାୟ ସଭିଙ୍କୁ ଆକୃଷ୍ଟ କରିଥାଏ। ବିଶେଷ କରି ଯୁବପିଢି ଏଭଳି ଖାଦ୍ୟ ଅଧିକ ଖାଉଥିବା ଦେଖିବାକୁ ମିଳିଥାଏ। ଏହା ହେଉଛି ଏଥିରେ ମିଶୁଥିବା କୃତ୍ରିମ ରଙ୍ଗ, ସୁସ୍ବାଦୁ ବାସନାର କମାଲ। ହେଲେ ଏଭଳି ଖାଦ୍ୟରେ ମିଶୁଥିବା ବିଭିନ୍ନ ଉପାଦାନ ଅପରପକ୍ଷେ ଝାଡ଼ା, ବାନ୍ତି, ଅମ୍ଳ, ଗ୍ୟାସ୍‌ଟ୍ରିକ୍‌, ପେଟବ୍ୟଥା, ପେଟରେ ବାୟୁ ଭର୍ତ୍ତିହୋଇ ଯନ୍ତ୍ରଣା ହେବା, ଅଜୀର୍ଣ୍ଣ, ଶ୍ୱାସ, ହୃଦ୍‌ରୋଗ, ଉଚ୍ଚ ରକ୍ତଚାପ, ମଧୁମେହ, ମେଦବହୁଳତା, କୋଲେଷ୍ଟରଲ ବୃଦ୍ଧି ଓ ଫୁଡ୍‌ପଏଜନ୍‌ ଏପରି କି କର୍କଟ ରୋଗ ସୃଷ୍ଟି କରିବାର ଆଶଙ୍କା ବଢ଼ାଇଥାଏ…
ସ୍ବାସ୍ଥ୍ୟ ପ୍ରତି ହାନିକାରକ ଫାଷ୍ଟଫୁଡ୍‌
ବର୍ତ୍ତମାନର ଯୁବପିଢିଙ୍କୁ ଘରେ ମାଆ, ମାଉସୀ, ଭଉଣୀମାନେ ପ୍ରସ୍ତୁତ କରୁଥିବା ବିଭିନ୍ନ ପ୍ରକାର ସୁସ୍ବାଦୁ ଘରୋଇ ଖାଦ୍ୟ ବଦଳରେ ମାର୍କେଟ୍‌ରେ ମିଳୁଥିବା ଆଖିକୁ ସୁନ୍ଦର ଦିଶୁଥିବା ଫାଷ୍ଟଫୁଡ୍‌ ଜାତୀୟ ଖାଦ୍ୟ ଅଧିକ ପସନ୍ଦ ଆସୁଛି। ହେଲେ ଏଭଳି ଖାଦ୍ୟ ପ୍ରସ୍ତୁତ କରିବା ଲାଗି ମିଶାଯାଉଥିବା ତେଲ, ମସଲା, ରଙ୍ଗ ଆଦି ବିଭିନ୍ନ ରୋଗର କାରଣ ସାଜିପାରେ। ବିଶେଷ କରି ବର୍ଷାଦିନେ ସୁରକ୍ଷା ଦୃଷ୍ଟିରୁ ଏଭଳି ଖାଦ୍ୟ ସ୍ବାସ୍ଥ୍ୟ ପକ୍ଷେ ହାନିକାରକ।
ଅଧିକାଂଶ ଷ୍ଟ୍ରିଟ୍‌ଫୁଡ୍‌ ଷ୍ଟଲ୍‌ ନାଳକଡ଼ ବା ଅସ୍ବାସ୍ଥ୍ୟକର ପରିବେଶ ମଧ୍ୟରେ ହୋଇଥାଏ। ଏହାକୁ ପ୍ରସ୍ତୁତକାରୀ କେତେ ପରିସ୍କାର ପରିଛନ ଭାବେ ଏହାକୁ ପ୍ରସ୍ତୁତ କରିଥାନ୍ତି ତାହା ମଧ୍ୟ ପ୍ରଶ୍ନବାଚୀ। ଖାଦ୍ୟରେ ମାଛି ବସିବା ଓ ପୋକ ହେବା ମଧ୍ୟ ଦେଖାଯାଏ। ଏଥିରେ ବ୍ୟବହୃତ ହେଉଥିବା ତେଲ ମଧ୍ୟ ଶସ୍ତା, ନିମ୍ନମାନର; ଯାହାକି ରକ୍ତରେ ଏଲ୍‌.ଡି.ଏଲ୍‌. ମାତ୍ରାକୁ ବଢ଼ାଏ। ଏହାକୁ ବାରମ୍ବାର ଗରମ କଲେ ତେଲର ଫ୍ରି ରେଡିକାଲ୍ସ ତତ୍ତ୍ୱ ନଷ୍ଟ ହୋଇ ବିଷାକ୍ତ ହୋଇଯାଏ, ଯାହାକୁ ପୋଡ଼ାତେଲ କୁହାଯାଏ। ଏହା ପେଟରୋଗର ମୁଖ୍ୟ କାରଣ। ବଜାରରେ ମିଳୁଥିବା ଆର୍ଟିଫିସିଆଲ୍‌ ଫୁଡ୍‌ କଲର, କମ୍‌ ଦାମିକା ଶଶ୍‌, ମସଲା ଆଦିରେ ଲିଡ୍‌, ମର୍କୁରୀ, ପୋଟ୍ଟାସିୟମ କ୍ରୋମେଟ୍‌, ପ୍ରପିଲିନ୍‌ ଗ୍ଲାଇକୋଲ, କ୍ୟାଲସିୟମ ସଲ୍‌ଫେଟ୍‌, ଫସଫେଟ୍‌ ଏଡେସିଭ୍‌, ଏହା ବ୍ୟତୀତ ବଜାରରେ ବିକ୍ରୟ ହେଉଥିବା ପ୍ୟାକେଟ୍‌ ମସଲାଗୁଡିକ ଘରୋଇ ମସଲା ଅପେକ୍ଷା ଅଧିକ ରଙ୍ଗ ଏବଂ ସ୍ବାଦଯୁକ୍ତ ହୋଇଥାଏ। ଏଥିରେ ରଙ୍ଗ ଏବଂ ସୁଗନ୍ଧ ଦ୍ରବ୍ୟ ମିଶ୍ରଣ ହୋଇଥାଏ। ଯାହାକି ଅନ୍ତ ଆମାଶୟ ଓ ଯକୃତକୁ କ୍ଷତି ପହଞ୍ଚାଇଥାଏ। ଖାଦ୍ୟକୁ ସ୍ବାଦୁ କରିବା ପାଇଁ ଚାଇନା ଲୁଣ ବ୍ୟବହୃତ ହୁଏ। ଗୁପ୍‌ଚୁପ୍‌ ପାଣିକୁ କୃତ୍ରିମ ଉପାୟରେ ଖଟା କରିବା ପାଇଁ ଏକ କେମିକାଲ ଗୁଣ୍ଡ ବ୍ୟବହାର କରାଯାଏ। ଏହାର ସ୍ବାଦ ବଢ଼ାଇବା ପାଇଁ ଜଲ୍‌ଜୀରା ଗୁଣ୍ଡ ଦିଆଯାଏ। ଏହା ରକ୍ତକୁ ବହଳିଆ କରେ। ତଜ୍ଜନିତ ଉଚ୍ଚ ରକ୍ତଚାପ, ହୃଦ୍‌ରୋଗ ଆଶଙ୍କା ବଢ଼ିଯାଏ।
ଫାଷ୍ଟଫୁଡ୍‌, ବର୍ଗର, ପିଜା ଓ ଚିଲ୍ଲି ପାଇଁ ବ୍ୟବହୃତ ମଇଦାରେ ଫାଇବର ନ ଥିବାରୁ ଏହା କୋଷ୍ଠବଦ୍ଧତା, ଅର୍ଶ, ଭଗନ୍ଦର, ମଧୁମେହ, ମେଦବହୁଳତା ସୃଷ୍ଟି କରେ ଓ ଦାନ୍ତ ଏନାମେଲ୍‌କୁ ନଷ୍ଟ କରେ।
ବର୍ଷାଦିନେ ବିଭିନ୍ନ ପୋକଜୋକ, ଶଁବାଳୁଆ, କେରେଣ୍ଡି, ବେଙ୍ଗ ଅଜଣାରେ ଅପରିଷ୍କାର ସ୍ଥାନରେ ରନ୍ଧାଯାଇଥିବା ଖାଦ୍ୟରେ ପଡିଯିବା ଏବଂ ପଚିଯିବାର ଭୟ ରହିଅଛି। ଏହା ସେବନ ଦ୍ୱାରା ଫୁଡ୍‌ ପଏଜନ୍‌ ହୋଇ ଝାଡ଼ାବାନ୍ତି ହୋଇପାରେ।
ଅନେକ ଦୋକାନରେ ବିକ୍ରି ହୋଇ ପାରିନଥିବା ବାସି ଖାଦ୍ୟକୁ ପରଦିନ ଅଧିକ ତେଲ ମସଲା ଦେଇ କଷି ଗରମ କରି ଏବଂ ଏହାର ବାସିଖଟା ସ୍ବାଦକୁ ଲୁଚାଇବା ପାଇଁ ଦହି, ଖଟାପାଣି ବା ଚିନିର ବ୍ୟବହାର କରିଥା’ନ୍ତି। ଏହା ପେଟରୋଗ, ଅମ୍ଳ, ବାନ୍ତି, ପେଟ ମୋଡ଼ି ଯନ୍ତ୍ରଣା ହେବା, ଝାଡ଼ା ଇତ୍ୟାଦି ହେବାର ଦେଖାଯାଏ।
ଖାଦ୍ୟକୁ ପରଷା ଯାଉଥିବା ପ୍ଲାଷ୍ଟିକ୍‌ ଜିନିଷଗୁଡ଼ିକ ଏହାର ଗରମ ପ୍ରଭାବରେ ତରଳି ଅଣୁଗୁଡିକ ଖାଦ୍ୟରେ ମିଶି ପେଟକୁ ଯାଇ ମାରାତ୍ମକ ରୋଗ ସୃଷ୍ଟି କରେ। ଅନ୍ୟାନ୍ୟ ଷ୍ଟିଲ୍‌ଥାଳି, ଚାମଚ ଆଦି ଭଲ ଭାବେ ନ ଧୋଇ ଅଇଁଠା ପାଣିରେ ଧୋଇ ଶୁଖିଲା ଲୁଗାରେ ପୋଛି ବ୍ୟବହାର କରିବା ଦେଖାଯାଏ। ଯଦ୍ଦ୍ବାରା ସଂକ୍ରାମକ ରୋଗ ବ୍ୟାପେ।
ଦୋକାନୀ ମୁଣ୍ଡକୁ ନ ଘୋଡ଼ାଇବା ଦ୍ୱାରା କେଶ ଝଡ଼ି ଖାଦ୍ୟରେ ପଡ଼ିପାରେ। ମୁହଁରେ ମାସ୍କ ଓ ହାତରେ ଗ୍ଲୋବ୍ସ ବ୍ୟବହାର ନ କରିବା କାରଣରୁ ମଧ୍ୟ ବିଭିନ୍ନ ରୋଗ ବ୍ୟାପିବାର ଭୟ ରହିଛି। ଏଣୁ ଗ୍ରାହକ ଏଥିପ୍ରତି ସଚେତନ ହେବା ଜରୁରୀ। ଯଥାସମ୍ଭବ ସ୍ବାସ୍ଥ୍ୟପକ୍ଷେ ହିତକର ବା ହାଇଜେନିକ ଫୁଡ୍‌କୁ ଗ୍ରହଣ କରିବା ଦରକାର।
– ଆନନ୍ଦ ବଜାର,
ବେତନଟୀ, ମୟୂରଭଞ୍ଜ


Enter your email to get our daily news in your inbox.

All Right Reserved By Dharitri.Com

ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌: କ୍ରମାଗତ ତୃତୀୟ ଥର ଚାମ୍ପିୟନ ଲକ୍ଷ୍ୟରେ ଭାରତ

ଢାକା,୧୬ା୧୧: ଭାରତ ଓ ପାକିସ୍ତାନ ମଧ୍ୟରେ ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌ ଫାଇନାଲ ମଙ୍ଗଳବାର ଖେଳାଯିବ। ଭାରତ ଓଭର ଅଲ ରେକର୍ଡ ୯ଥର ଚାମ୍ପିୟନ ହୋଇସାରିଛି। ଏଥର ଫାଇନାଲ…

ବନ୍ୟା ପରେ ଦାଉ ସାଜିଛନ୍ତି ହାତୀ: ଚିନ୍ତାରେ ଚାଷୀ

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗୋଟିଏ ପଟେ ବନ୍ୟାରେ ଫସଲ ନଷ୍ଟ, ଅନ୍ୟପଟେ ହାତୀପଲଙ୍କ ଉପଦ୍ରବ। ଏଭଳି ଦୁଇମୁହାଁ ସମସ୍ୟାରେ ଘାଣ୍ଟି ହେଉଛନ୍ତି ଘୁମୁସର ଅଞ୍ଚଳର ଚାଷୀ।…

ଭୂସ୍ଖଳନ ଆଶଙ୍କା ଥିବା ଅଞ୍ଚଳରୁ ହେବ ଲୋକଙ୍କୁ ସ୍ଥାନାନ୍ତର: ବାତ୍ୟା ମୁକାବିଲା ପାଇଁ ସଜାଗ ରହିବାକୁ ନିର୍ଦ୍ଦେଶ

ଭୁବନେଶ୍ୱର, ୧୬।୧୧: ସମ୍ଭାବ୍ୟ ବାତ୍ୟାର ମୁକାବିଲା ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଆଗୁଆ ପ୍ରସ୍ତୁତି ଆରମ୍ଭ ହୋଇଛି। ଏ ନେଇ ଅନୁଷ୍ଠିତ ସମୀକ୍ଷା ବୈଠକ ପରେ ରାଜସ୍ୱ…

୨୦୨୭ ବିଶ୍ୱକପରୁ ବାଦ୍‌ ପଡ଼ିବେ ରୋହିତ ଶର୍ମା! ଆସିଲା ଚାଞ୍ଚଲ୍ୟକର ଖବର, ପ୍ରଶଂସକ ଶୁଣିଲେ…

ନୂଆଦିଲ୍ଲୀ,୧୬।୧୧: ଭାରତୀୟ ଦିନିକିଆ ଦଳରେ ରୋହିତ ଶର୍ମାଙ୍କ ସ୍ଥାନକୁ ନେଇ ପୁଣି ଥରେ ପ୍ରଶ୍ନ ଉଠିବା ଆରମ୍ଭ ହୋଇଛି। ୩୯ ବର୍ଷୀୟ ରୋହିତ ଶର୍ମା ୨୦୨୭ ଦିନିକିଆ…

ବ୍ଲକ ପରିସରରେ ସିଆଡି ଚାରା ନଷ୍ଟ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ସରକାର ବନୀକରଣକୁ ପ୍ରାଧାନ୍ୟ ଦେଇ ବିଭିନ୍ନ ସରକାରୀ କାର୍ଯ୍ୟକ୍ରମରେ ଚାରାରୋପଣ କରିବାକୁ ଗୁରୁତ୍ୱ ଦେଉଛନ୍ତି। କୋରାପୁଟ ଜିଲା ନନ୍ଦପୁର ବ୍ଲକ ପ୍ରଶାସନ ଚାରାରୋପଣ…

ଅଗ୍ନିବୀରଙ୍କ ପାଇଁ ଖୁସି ଖବର! ହେଲା ବଡ଼ ଘୋଷଣା, ୬ ବର୍ଷ ପରେ ମିଳିବ…

ନୂଆଦିଲ୍ଲୀ,୧୬।୧୧: ଅଗ୍ନିବୀରଙ୍କ ନିଯୁକ୍ତି ଓ ସେବା ଅବଧିକୁ ନେଇ ଚାଲିଥିବା ଚର୍ଚ୍ଚା ମଧ୍ୟରେ ବଡ଼ ବୟାନ ଦେଇଛନ୍ତି ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (CDS) ଜେନେରାଲ୍‌ ଏନ୍‌ଏସ୍‌…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

କ୍ରିକେଟ୍‌ରେ ନୂଆ ଇତିହାସ ଲେଖିଲେ ଜିମ୍ବାଓ୍ବେ ଖେଲାଳି: ହାସଲ କଲେ ଏମିତି କାରନାମା

ନୂଆଦିଲ୍ଲୀ,୧୬।୧୧:ଟେଷ୍ଟ କ୍ରିକେଟ୍‌ରେ ନିଜ ବ୍ୟାଟିଂ ଦକ୍ଷତାରେ ଇତିହାସ ରଚିଛନ୍ତି ଜିମ୍ବାୱେର ଦ୍ରୁତ ବୋଲର ବ୍ଲେସିଂ ମୁଜାରାବାନି। ନମ୍ବର-୧୦ରେ ବ୍ୟାଟିଂ କରି ଟେଷ୍ଟରେ ଅର୍ଦ୍ଧଶତକ ହାସଲ କରିବାରେ ସେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?