ବଲିଉଡ୍ ଅଭିନେତ୍ରୀ ଶିଳ୍ପା ଶେଟ୍ଟୀ ବର୍ତ୍ତମାନ କେବଳ ସ୍ବାମୀଙ୍କ ଅଶ୍ଳୀଳତା ମାମଲାରେ ଚର୍ଚ୍ଚାରେ ରହିଛନ୍ତି ତାହା ନୁହେଁ ପୂର୍ବରୁ ଶିଳ୍ପା ଅନେକ ଥର ବିବାଦରେ ଫସିଛନ୍ତି। କୁହାଯାଏ ଶିଳ୍ପା ଏବଂ ବିବାଦ ପରସ୍ପର ଅଙ୍ଗାଅଙ୍ଗୀ ଭାବେ ଜଡ଼ିତ। କେତେବେଳେ ତାଙ୍କର ବିବାଦୀୟ ଫଟୋ ସୋସିଆଲ ମିଡିଆରେ ଭାଇରାଲ ହେଉଥିଲା, ତ ଆଉ କେତେବେଳେ ଆଇପିଏଲ୍ରେ ତାଙ୍କ ସ୍ବାମୀଙ୍କ ଉପରେ ମ୍ୟାଚ ଫିକ୍ସିଂ ପ୍ରଶ୍ନ ଉଠିଥିଲା। ଯେତେବେଳେ ଶିଳ୍ପା ପ୍ରସିଦ୍ଧ ଶୋ’ ‘ବିଗ ବ୍ରଦର’ରେ ଅଂଶଗ୍ରହଣ କରିଥିଲେ, ସେତେବେଳେ ସେ ମଧ୍ୟ ବିବାଦରୁ ଦୂରେଇ ରହିପାରି ନ ଥିଲେ। ତେବେ ଜାଣନ୍ତୁ କେଉଁ ସବୁ କାରଣ ପାଇଁ ଶିଳ୍ପା ବିବାଦକୁ ଆସି ଚର୍ଚ୍ଚାରେ ରହିଥିଲେ।
୨୦୦୭ ରେ, ଶିଳ୍ପା ଶେଟ୍ଟୀ ଏକ ଚର୍ଚ୍ଚାର ବିଷୟ ପାଲଟିଥିଲେ ଯେତେବେଳେ ଏକ ଇଭେଣ୍ଟରେ ରିଚର୍ଡ ଗେର୍ ଅଭିନେତ୍ରୀଙ୍କୁ ଚୁମ୍ବନ ଦେଇଥିଲେ। ଏଡ୍ସ ବିଷୟରେ ସଚେତନତା ସୃଷ୍ଟି କରିବା ପାଇଁ ଉକ୍ତ କାର୍ଯ୍ୟକ୍ରମ ଥିଲା । ଏହି ବିବାଦ ପରେ ଶିଳ୍ପାଙ୍କୁ ସାରା ଦେଶରେ ତୀବ୍ର ବିରୋଧ କରାଯାଇଥିଲା। ହେଲେ ଶିଳ୍ପା ଏହି ପ୍ରସଙ୍ଗକୁ ଅଧିକ ଗୁରୁତ୍ୱ ଦେଇ ନ ଥିଲେ।
୨୦୦୬ ରେ, ଶିଳ୍ପାଙ୍କ ବିରୋଧରେ ଜାମିନ ବିହିନ ପରଓ୍ବାନା ଜାରି କରାଯାଇଥିଲା। ଆପତ୍ତିଜନକ ଫଟୋଶୁଟ୍ ପାଇଁ ମଦୁରାଇ କୋର୍ଟ ଦ୍ୱାରା ଏହି ୱାରେଣ୍ଟ ଜାରି କରାଯାଇଥିଲା । ଶିଳ୍ପା ଏହି ଫଟୋଶୁଟକୁ ଏକ ପତ୍ରିକା ପାଇଁ ଶୁଟ୍ କରିଥିଲେ। ସେହି ସମୟରେ ତାଙ୍କର ବିବାହ ହୋଇ ନ ଥିଲା।
୨୦୦୯ରେ ଯେତେବେଳେ ଶିଳ୍ପା ସାକ୍ଷୀଗୋପାଳ ମନ୍ଦିରକୁ ଯାଇଥିଲେ । ଜଣେ ସାଧୁ ତାଙ୍କ ଗାଲକୁ ଚୁମ୍ବନ ଦେଇଥିଲେ । ଏହି ଫଟୋ ସୋସିଆଲ ମିଡିଆରେ ଅଧିକ ଭାଇରାଲ ହୋଇଥିଲା । ଯାହା ପରେ ଶିଳ୍ପା କହିଥିଲେ ଯେ ଜଣେ ପିତା ନିଜ ଝିଅର ଗାଲରେ ଚୁମ୍ବନ ଦେଇ ପାରିବେ ନାହିଁ?
ଯେତେବେଳେ ରାଜ କୁନ୍ଦ୍ରା ଏବଂ ଶିଳ୍ପାଙ୍କ ଦଳ ରାଜସ୍ଥାନ ରୟାଲ୍ସ ଆଇପିଏଲ୍ରେ ଖେଳିବା ଆରମ୍ଭ କଲା, ସେତେବେଳେ ରାଜଙ୍କ ନାମରେ ମ୍ୟାଚ୍ ଫିକ୍ସିଂ ଅଭିଯୋଗ ଆସିଥିଲା।
ରାଜଙ୍କ ପ୍ରଥମ ପତ୍ନୀ କବିତା ବିଶ୍ୱାସ କରନ୍ତି, ତାଙ୍କ ଏବଂ ରାଜଙ୍କ ବିବାହ ଭାଙ୍ଗିବା ପଛରେ କେବଳ ଶିଳ୍ପା ହିଁ କାରଣ। ସେମାନଙ୍କ ଛାଡପତ୍ର ସମୟରେ ସେ ଏହା ବାରମ୍ବାର କହିଥିଲେ। ପ୍ରଥମ ସ୍ତ୍ରୀଙ୍କ ସହ ରାଜଙ୍କ ବିବାହ ଭାଙ୍ଗିବା ପରେ ସେ ଶିଳ୍ପାଙ୍କୁ ବିବାହ କରିଥିଲେ।
